Devi · Traditional devotional text · Source: vignanam.org (Traditional devotional text (public-domain shlokas))
arjuna uvācha
namastē siddhasēnāni āryē mandaravāsini । kumāri kāḻi kāpāli kapilē kṛṣṇapiṅgaḻē ॥ 1
bhadrakāḻi namastubhyaṃ mahākāḻi namō'stu tē । chaṇḍi chaṇḍē namastubhyaṃ tāriṇi varavarṇini ॥ 2 ॥
kātyāyani mahābhāgē karāḻi vijayē jayē । śikhipiñChadhvajadharē nānābharaṇabhūṣitē ॥ 3 ॥
aṭṭaśūlapraharaṇē khaḍgakhēṭakadhāriṇi । gōpēndrasyānujē jyēṣṭhē nandagōpakulōdbhavē ॥ 4 ॥
mahiṣāsṛkpriyē nityaṃ kauśiki pītavāsini । aṭṭahāsē kōkamukhē namastē'stu raṇapriyē ॥ 5 ॥
umē śākambhari śvētē kṛṣṇē kaiṭabhanāśini । hiraṇyākṣi virūpākṣi sudhūmrākṣi namō'stu tē ॥ 6 ॥
vēdaśrutimahāpuṇyē brahmaṇyē jātavēdasi । jambūkaṭakachaityēṣu nityaṃ sannihitālayē ॥ 7 ॥
tvaṃ brahmavidyā vidyānāṃ mahānidrā cha dēhinām । skandamātarbhagavati durgē kāntāravāsini ॥ 8 ॥
Offered for worship and study, not as prediction. Non-commercial.
More devotional texts
svāhākāraḥ svadhā chaiva kalā kāṣṭhā sarasvatī । sāvitrī vēdamātā cha tathā vēdānta uchyatē ॥ 9 ॥
kāntārabhayadurgēṣu bhaktānāṃ chālayēṣu cha । nityaṃ vasasi pātāḻē yuddhē jayasi dānavān ॥ 10 ॥
tvaṃ jambhanī mōhinī cha māyā hrīḥ śrīstathaiva cha । sandhyā prabhāvatī chaiva sāvitrī jananī tathā ॥ 11 ॥
tuṣṭiḥ puṣṭirdhṛtirdīptiśchandrādityavivardhinī । bhūtirbhūtimatāṃ saṅkhyē vīkṣyasē siddhachāraṇaiḥ ॥ 12 ॥
stutāsi tvaṃ mahādēvi viśuddhēnāntarātmanā । jayō bhavatu mē nityaṃ tvatprasādādraṇājirē ॥ 13 ॥
iti śrīmanmahābhāratē bhīṣmaparvaṇi trayōviṃśō'dhyāyē arjuna kṛta śrī durgā stōtram ।
Browse Related Categories: