Karma Siddhanta · Traditional devotional text · Source: vignanam.org (Traditional devotional text (public-domain shlokas))
janaka uvācha
hantātmajñānasya dhīrasya khēlatō bhōgalīlayā । na hi saṃsāravāhīkairmūḍhaiḥ saha samānatā ॥ 4-1
yat padaṃ prēpsavō dīnāḥ śakrādyāḥ sarvadēvatāḥ । ahō tatra sthitō yōgī na harṣamupagachChati ॥ 4-2॥
tajjñasya puṇyapāpābhyāṃ sparśō hyantarna jāyatē । na hyākāśasya dhūmēna dṛśyamānāpi saṅgatiḥ ॥ 4-3॥
ātmaivēdaṃ jagatsarvaṃ jñātaṃ yēna mahātmanā । yadṛchChayā vartamānaṃ taṃ niṣēddhuṃ kṣamēta kaḥ ॥ 4-4॥
ābrahmastambaparyantē bhūtagrāmē chaturvidhē । vijñasyaiva hi sāmarthyamichChānichChāvivarjanē ॥ 4-5॥
ātmānamadvayaṃ kaśchijjānāti jagadīśvaram । yad vētti tatsa kurutē na bhayaṃ tasya kutrachit ॥ 4-6॥
Browse Related Categories:
Offered for worship and study, not as prediction. Non-commercial.
More devotional texts