Karma Siddhanta · Traditional devotional text · Source: vignanam.org (Traditional devotional text (public-domain shlokas))
janaka uvācha
mayyanantamahāmbhōdhau viśvapōta itastataḥ । bhramati svāntavātēna na mamāstyasahiṣṇutā ॥ 7-1
mayyanantamahāmbhōdhau jagadvīchiḥ svabhāvataḥ । udētu vāstamāyātu na mē vṛddhirna cha kṣatiḥ ॥ 7-2॥
mayyanantamahāmbhōdhau viśvaṃ nāma vikalpanā । atiśāntō nirākāra ētadēvāhamāsthitaḥ ॥ 7-3॥
nātmā bhāvēṣu nō bhāvastatrānantē nirañjanē । ityasaktō'spṛhaḥ śānta ētadēvāhamāsthitaḥ ॥ 7-4॥
ahō chinmātramēvāhamindrajālōpamaṃ jagat । iti mama kathaṃ kutra hēyōpādēyakalpanā ॥ 7-5॥
Browse Related Categories:
Offered for worship and study, not as prediction. Non-commercial.
More devotional texts