Bhagavadgita Parayana - Gita Mahatmyam

śrīviṣṇuruvācha

prārabdhaṃ bhujyamānō hi gītābhyāsarataḥ sadā । sa muktaḥ sa sukhī lōkē karmaṇā nōpalipyatē ॥ 2

mahāpāpādipāpāni gītādhyānaṃ karōti chēt । kvachitsparśaṃ na kurvanti nalinīdalamambuvat ॥ 3 ॥

gītāyāḥ pustakaṃ yatra yatra pāṭhaḥ pravartatē । tatra sarvāṇi tīrthāni prayāgādīni tatra vai ॥ 4 ॥

sarvē dēvāścha ṛṣayaḥ yōginaḥ pannagāścha yē । gōpālā gōpikā vā'pi nāradōddhavapārṣadaiḥ ॥ 5 ॥

sahāyō jāyatē śīghraṃ yatra gītā pravartatē । yatra gītāvichāraścha paṭhanaṃ pāṭhanaṃ śrutam । tatrāhaṃ niśchitaṃ pṛthvi nivasāmi sadaiva hi ॥ 6 ॥

gītāśrayē'haṃ tiṣṭhāmi gītā mē chōttamaṃ gṛham । gītājñānamupāśritya trīँllōkān-pālayāmyaham ॥ 7 ॥

gītā mē paramā vidyā brahmarūpā na saṃśayaḥ । ardhamātrākṣarā nityā svānirvāchyapadātmikā ॥ 8 ॥

chidānandēna kṛṣṇēna prōktā svamukhatō'rjunam । vēdatrayī parānandā tattvārthajñānasaṃyutā ॥ 9 ॥

yō'ṣṭādaśaṃ japēnnityaṃ narō niśchalamānasaḥ । jñānasiddhiṃ sa labhatē tatō yāti paraṃ padam ॥ 10 ॥

pāṭhē'samarthaḥ sampūrṇē tatō'rdhaṃ pāṭhamācharēt । tadā gōdānajaṃ puṇyaṃ labhatē nātra saṃśayaḥ ॥ 11 ॥

tribhāgaṃ paṭhamānastu gaṅgāsnānaphalaṃ labhēt । ṣaḍaṃśaṃ japamānastu sōmayāgaphalaṃ labhēt ॥ 12 ॥

ekādhyāyaṃ tuyō nityaṃ paṭhatē bhaktisaṃyutaḥ । rudralōkamavāpnōti gaṇō bhūtvā vasēchchiram ॥ 13 ॥

adhyāyaṃ ślōkapādaṃ vā nityaṃ yaḥ paṭhatē naraḥ । sa yāti naratāṃ yāvat manvantaraṃ vasundharē ॥ 14 ॥

gītāyāḥ ślōkadaśakaṃ sapta pañcha chatuṣṭayam । dvautrīnēkaṃ tadardhaṃ vā ślōkānāṃ yaḥ paṭhēnnaraḥ ॥ 15 ॥

chandralōkamavāpnōti varṣāṇāmayutaṃ dhṛvam । gītāpāṭhasamāyuktaḥ mṛtō mānuṣatāṃ vrajēt ॥ 16 ॥

gītābhyāsaṃ punaḥ kṛtvā labhatē muktimuttamam । gītētyuchchārasaṃyuktaḥ mriyamāṇō gatiṃ labhēt ॥ 17 ॥

gītārthaśravaṇāsaktaḥ mahāpāpayutō'pi vā । vaikuṇṭhaṃ samavāpnōti viṣṇunā sahamōdatē ॥ 18 ॥

gītārthaṃ dhyāyatē nityaṃ kṛtvā karmāṇi bhūriśaḥ । jīvanmuktaḥ sa vijñēyaḥ dēhāntē paramaṃ padam ॥ 19 ॥

malanirmōchanaṃ puṃsāṃ jalasnānaṃ dinē dinē । sakṛdgītāmbhasi snānaṃ saṃsāramalanāśanam ॥ 20 ॥

gītāmāśritya bahavaḥ bhūbhujō janakādayaḥ । nirdhūtakalmaṣā lōkē gītā yātāḥ paraṃ padam ॥ 21 ॥

tē śṛṇvanti paṭhantyēva gītāśāstramaharniśam । na tē vai mānuṣā jñēyā dēvā ēva na saṃśayaḥ ॥ 22 ॥

jñānājñānakṛtaṃ nityaṃ indriyairjanitaṃ cha yat । tatsarvaṃ nāśamāyāti gītāpāṭhēna takṣaṇam ॥ 23 ॥

dhik tasya jñānamāchāraṃ vrataṃ chēṣṭāṃ tapō yaśaḥ । gītārthapaṭhanaṃ nā'sti nādhamastatparō janaḥ ॥ 24 ॥

saṃsārasāgaraṃ ghōraṃ tartumichChati yō janaḥ । gītānāvaṃ samāruhya pāraṃ yāti sukhēna saḥ ॥ 25 ॥

gītāyāḥ paṭhanaṃ kṛtvā māhātmyaṃ naiva yaḥ paṭhēt । vṛthā pāṭhō bhavēttasya śrama ēva hyudāhṛtaḥ ॥ 26 ॥

ētanmāhātmyasaṃyuktaṃ gītābhyāsaṃ karōti yaḥ । sa tatphalamavāpnōti durlabhāṃ gatimāpnuyāt ॥ 27 ॥

sūta uvācha

māhātmyamētadgītāyāḥ mayā prōktaṃ sanātanam । gītāntē cha paṭhēdyastu yaduktaṃ tatphalaṃ bhavēt ॥ 28

iti śrī varāhapurāṇē śrī gītāmāhātmyaṃ sampūrṇam ॥

ōṃ śāntiḥ śāntiḥ śāntiḥ ॥

Browse Related Categories: