Bruhaspati Kavacham (Guru Kavacham)

asya śrībṛhaspati kavachamahā mantrasya, īśvara ṛṣiḥ, anuṣṭup Chandaḥ, bṛhaspatirdēvatā, gaṃ bījaṃ, śrīṃ śaktiḥ, klīṃ kīlakam, bṛhaspati prasāda siddhyarthē japē viniyōgaḥ ॥

dhyānam abhīṣṭaphaladaṃ vandē sarvajñaṃ surapūjitam । akṣamālādharaṃ śāntaṃ praṇamāmi bṛhaspatim ॥

atha bṛhaspati kavacham bṛhaspatiḥ śiraḥ pātu lalāṭaṃ pātu mē guruḥ । karṇau suraguruḥ pātu nētrē mēbhīṣṭadāyakaḥ ॥ 1 ॥

jihvāṃ pātu surāchāryaḥ nāsaṃ mē vēdapāragaḥ । mukhaṃ mē pātu sarvajñaḥ kaṇṭhaṃ mē dēvatāguruḥ ॥ 2 ॥

bhujā vaṅgīrasaḥ pātu karau pātu śubhapradaḥ । stanau mē pātu vāgīśaḥ kukṣiṃ mē śubhalakṣaṇaḥ ॥ 3 ॥

nābhiṃ dēvaguruḥ pātu madhyaṃ pātu sukhapradaḥ । kaṭiṃ pātu jagadvandyaḥ ūrū mē pātu vākpatiḥ ॥ 4 ॥

jānujaṅghē surāchāryaḥ pādau viśvātmakaḥ sadā । anyāni yāni chāṅgāni rakṣēnmē sarvatō guruḥ ॥ 5 ॥

phalaśṛtiḥ ityētatkavachaṃ divyaṃ trisandhyaṃ yaḥ paṭhēnnaraḥ । sarvān kāmānavāpnōti sarvatra vijayī bhavēt ॥