Chanakya Neethi · Traditional devotional text · Source: vignanam.org (Traditional devotional text (public-domain shlokas))
muhūrtamapi jīvēchcha naraḥ śuklēna karmaṇā । na kalpamapi kaṣṭēna lōkadvayavirōdhinā ॥ 01 ॥
gatē śōkō na kartavyō bhaviṣyaṃ naiva chintayēt । vartamānēna kālēna vartayanti vichakṣaṇāḥ ॥ 02 ॥
svabhāvēna hi tuṣyanti dēvāḥ satpuruṣāḥ pitā । jñātayaḥ snānapānābhyāṃ vākyadānēna paṇḍitāḥ ॥ 03 ॥
āyuḥ karma cha vittaṃ cha vidyā nidhanamēva cha । pañchaitāni hi sṛjyantē garbhasthasyaiva dēhinaḥ ॥ 04 (4.1) ॥
ahō bata vichitrāṇi charitāni mahātmanām । lakṣmīṃ tṛṇāya manyantē tadbhārēṇa namanti cha ॥ 05 ॥
yasya snēhō bhayaṃ tasya snēhō duḥkhasya bhājanam । snēhamūlāni duḥkhāni tāni tyaktvā vasēt sukham ॥ 06 ॥
anāgatavidhātā cha pratyutpannamatistathā । dvāvētau sukhamēdhētē yadbhaviṣyō vinaśyati ॥ 07 ॥
rājñi dharmiṇi dharmiṣṭhāḥ pāpē pāpāḥ samē samāḥ । rājānamanuvartantē yathā rājā tathā prajāḥ ॥ 08 ॥
Offered for worship and study, not as prediction. Non-commercial.
More devotional texts
jīvantaṃ mṛtavanmanyē dēhinaṃ dharmavarjitam । mṛtō dharmēṇa saṃyuktō dīrghajīvī na saṃśayaḥ ॥ 09 ॥
dharmārthakāmamōkṣāṇāṃ yasyaikō'pi na vidyatē । ajāgalastanasyēva tasya janma nirarthakam ॥ 10 ॥
dahyamānāḥ sutīvrēṇa nīchāḥ parayaśō'gninā । aśaktāstatpadaṃ gantuṃ tatō niṇḍāṃ prakurvatē ॥ 11 ॥
bandhāya viṣayāsaṅgō muktyai nirviṣayaṃ manaḥ । mana ēva manuṣyāṇāṃ kāraṇaṃ bandhamōkṣayōḥ ॥ 12 ॥
dēhābhimānē galitaṃ jñānēna paramātmani । yatra yatra manō yāti tatra tatra samādhayaḥ ॥ 13 ॥
īpsitaṃ manasaḥ sarvaṃ kasya sampadyatē sukham । daivāyattaṃ yataḥ sarvaṃ tasmātsantōṣamāśrayēt ॥ 14 ॥
yathā dhēnusahasrēṣu vatsō gachChati mātaram । tathā yachcha kṛtaṃ karma kartāramanugachChati ॥ 15 ॥
anavasthitakāryasya na janē na vanē sukham । janō dahati saṃsargādvanaṃ saṅgavivarjanāt ॥ 16 ॥
khanitvā hi khanitrēṇa bhūtalē vāri vindati । tathā gurugatāṃ vidyāṃ śuśrūṣuradhigachChati ॥ 17 ॥
karmāyattaṃ phalaṃ puṃsāṃ buddhiḥ karmānusāriṇī । tathāpi sudhiyaśchāryā suvichāryaiva kurvatē ॥ 18 ॥
ēkākṣarapradātāraṃ yō guruṃ nābhivandatē । śvānayōniśataṃ gatvā chāṇḍālēṣvabhijāyatē ॥ 19 ॥
yugāntē prachalēnmēruḥ kalpāntē sapta sāgarāḥ । sādhavaḥ pratipannārthānna chalanti kadāchana ॥ 20 ॥
pṛthivyāṃ trīṇi ratnāni jalamannaṃ subhāṣitam । mūḍhaiḥ pāṣāṇakhaṇḍēṣu ratnasañjñā vidhīyatē ॥ 21 ॥
Browse Related Categories: