Shiva · Traditional devotional text · Source: vignanam.org (Traditional devotional text (public-domain shlokas))
saurāṣṭradēśē viśadē'tiramyē jyōtirmayaṃ chandrakalāvataṃsam । bhaktipradānāya kṛpāvatīrṇaṃ taṃ sōmanāthaṃ śaraṇaṃ prapadyē ॥ 1॥
śrīśailaśaṛṅgē vibudhātisaṅgē tulādrituṅgē'pi mudā vasantam । tamarjunaṃ mallikapūrvamēkaṃ namāmi saṃsārasamudrasētum ॥ 2॥
avantikāyāṃ vihitāvatāraṃ muktipradānāya cha sajjanānām । akālamṛtyōḥ parirakṣaṇārthaṃ vandē mahākālamahāsurēśam ॥ 3॥
kāvērikānarmadayōḥ pavitrē samāgamē sajjanatāraṇāya । sadaivamāndhātṛpurē vasantamōṅkāramīśaṃ śivamēkamīḍē ॥ 4॥
pūrvōttarē prajvalikānidhānē sadā vasantaṃ girijāsamētam । surāsurārādhitapādapadmaṃ śrīvaidyanāthaṃ tamahaṃ namāmi ॥ 5॥
yāmyē sadaṅgē nagarē'tiramyē vibhūṣitāṅgaṃ vividhaiścha bhōgaiḥ । sadbhaktimuktipradamīśamēkaṃ śrīnāganāthaṃ śaraṇaṃ prapadyē ॥ 6॥
mahādripārśvē cha taṭē ramantaṃ sampūjyamānaṃ satataṃ munīndraiḥ । surāsurairyakṣa mahōragāḍhyaiḥ kēdāramīśaṃ śivamēkamīḍē ॥ 7॥
sahyādriśīrṣē vimalē vasantaṃ gōdāvaritīrapavitradēśē । yaddharśanātpātakamāśu nāśaṃ prayāti taṃ tryambakamīśamīḍē ॥ 8॥
Offered for worship and study, not as prediction. Non-commercial.
More devotional texts
sutāmraparṇījalarāśiyōgē nibadhya sētuṃ viśikhairasaṅkhyaiḥ । śrīrāmachandrēṇa samarpitaṃ taṃ rāmēśvarākhyaṃ niyataṃ namāmi ॥ 9॥
yaṃ ḍākiniśākinikāsamājē niṣēvyamāṇaṃ piśitāśanaiścha । sadaiva bhīmādipadaprasiddaṃ taṃ śaṅkaraṃ bhaktahitaṃ namāmi ॥ 10॥
sānandamānandavanē vasantamānandakandaṃ hatapāpavṛndam । vārāṇasīnāthamanāthanāthaṃ śrīviśvanāthaṃ śaraṇaṃ prapadyē ॥ 11॥
ilāpurē ramyaviśālakē'smin samullasantaṃ cha jagadvarēṇyam । vandē mahōdāratarasvabhāvaṃ ghṛṣṇēśvarākhyaṃ śaraṇaṃ prapadyē ॥ 12॥
jyōtirmayadvādaśaliṅgakānāṃ śivātmanāṃ prōktamidaṃ kramēṇa । stōtraṃ paṭhitvā manujō'tibhaktyā phalaṃ tadālōkya nijaṃ bhajēchcha ॥
॥ iti śrīmadśaṅkarāchāryavirachitaṃ dvādaśajyōtirliṅgastōtraṃ sampūrṇam ॥
Browse Related Categories: