Narayaniyam Dashaka 31

prītyā daityastava tanumahaḥprēkṣaṇāt sarvathā'pi tvāmārādhyannajita rachayannañjaliṃ sañjagāda । mattaḥ kiṃ tē samabhilaṣitaṃ viprasūnō vada tvaṃ vittaṃ bhaktaṃ bhavanamavanīṃ vā'pi sarvaṃ pradāsyē ॥1॥

tāmīkṣaṇāṃ baligiramupākarṇya kāruṇyapūrṇō'- pyasyōtsēkaṃ śamayitumanā daityavaṃśaṃ praśaṃsan । bhūmiṃ pādatrayaparimitāṃ prārthayāmāsitha tvaṃ sarvaṃ dēhīti tu nigaditē kasya hāsyaṃ na vā syāt ॥2॥

viśvēśaṃ māṃ tripadamiha kiṃ yāchasē bāliśastvaṃ sarvāṃ bhūmiṃ vṛṇu kimamunētyālapattvāṃ sa dṛpyan । yasmāddarpāt tripadaparipūrtyakṣamaḥ kṣēpavādān bandhaṃ chāsāvagamadatadarhō'pi gāḍhōpaśāntyai ॥3॥

pādatrayyā yadi na muditō viṣṭapairnāpi tuṣyē- dityuktē'smin varada bhavatē dātukāmē'tha tōyam । daityāchāryastava khalu parīkṣārthinaḥ prēraṇāttaṃ mā mā dēyaṃ harirayamiti vyaktamēvābabhāṣē ॥4॥

yāchatyēvaṃ yadi sa bhagavān pūrṇakāmō'smi sō'haṃ dāsyāmyēva sthiramiti vadan kāvyaśaptō'pi daityaḥ । vindhyāvalyā nijadayitayā dattapādyāya tubhyaṃ chitraṃ chitraṃ sakalamapi sa prārpayattōyapūrvam ॥5॥

nissandēhaṃ ditikulapatau tvayyaśēṣārpaṇaṃ tad- vyātanvānē mumuchuḥ-ṛṣayaḥ sāmarāḥ puṣpavarṣam । divyaṃ rūpaṃ tava cha tadidaṃ paśyatāṃ viśvabhājā- muchchairuchchairavṛdhadavadhīkṛtya viśvāṇḍabhāṇḍam ॥6॥

tvatpādāgraṃ nijapadagataṃ puṇḍarīkōdbhavō'sau kuṇḍītōyairasichadapunādyajjalaṃ viśvalōkān । harṣōtkarṣāt subahu nanṛtē khēcharairutsavē'smin bhērīṃ nighnan bhuvanamacharajjāmbavān bhaktiśālī ॥7॥