Vedic · Traditional devotional text · Source: vignanam.org (Traditional devotional text (public-domain shlokas))
dvitīyaḥ praśnaḥ
atha haina-mbhārgavō vaidarbhiḥ paprachCha। bhagavan katyēva dēvāḥ prajāṃ vidhārayantē katara ētatprakāśayantē kaḥ punarēṣāṃ variṣṭhaḥ iti ॥1॥
tasmai sa hōvāchākāśō ha vā ēṣa dēvō vāyuragnirāpaḥ pṛthivī vāṅmanaśchakṣu-śśrōtra-ñcha। tē prakāśyābhivadanti vayamētadbāṇamavaṣṭabhya vidhārayāmaḥ ॥2॥
tān variṣṭhaḥ prāṇa uvācha।
mā mōhamāpadyatha ahamēvaitatpañchadhātmāna-mpravibhajyaitadbāṇamavaṣṭabhya vidhārayāmīti tē-'śraddadhānā babhūvuḥ ॥3
sō-'bhimānādūrdhvamutkrāmata iva tasminnutkrāmatyathētarē sarva ēvōtkrāmantē tasmiṃścha pratiṣṭhamānē sarva ēva pratiṣṭhantē। tadyathā makṣikā madhukararājānamutkrāmantaṃ sarva ēvōtkrāmantē tasmiṃścha pratiṣṭhamānē sarva ēva pratiṣṭanta ēvaṃ vāṅmanaṣchakṣu-śśrōtra-ñcha tē prītāḥ prāṇaṃ stunvanti ॥4॥
ēṣō-'gnistapatyēṣa sūrya ēṣa parjanyō maghavānēṣa vāyuḥ। ēṣa pṛthivī rayirdēva-ssadasachchāmṛta-ñcha yat ॥5॥
arā iva rathanābhau prāṇē sarva-mpratiṣṭhitam। ṛchō yajūṣi sāmāni yajñaḥ, kṣatra-mbrahma cha ॥6॥
Offered for worship and study, not as prediction. Non-commercial.
prajāpatiścharasi garbhē tvamēva pratijāyasē। tubhya-mprāṇa prajāstvimā baliṃ haranti yaḥ prāṇaiḥ pratitiṣṭhasi ॥7॥
dēvānāmasi vahnitamaḥ pitṛṇā-mprathamā svadhā। ṛṣīṇā-ñcharitaṃ satyamatharvāṅgirasāmasi ॥8॥
indrastva-mprāṇa tējasā rudrō-'si parirakṣitā। tvamantarikṣē charasi sūryastva-ñjyōtiṣā-mpatiḥ ॥9॥
yadā tvamabhivarṣasyathēmāḥ prāṇa tē prajāḥ। ānandarūpāstiṣṭhanti kāmāyānna-mbhaviṣyatīti ॥10॥
vrātyastva-mprāṇaikarṣarattā viśvasya satpatiḥ। vayamādyasya dātāraḥ pitā tva-mmātariśva naḥ ॥11॥
yā tē tanūrvāchi pratiṣṭhitā yā śrōtrē yā cha chakṣuṣi। yā cha manasi santatā śivā-ntā-ṅkurū mōtkramīḥ ॥12॥
prāṇasyēdaṃ vaśē sarva-ntridivē ya-tpratiṣṭhitam। mātēva putrā-nrakṣasva śrīścha prajñā-ñcha vidhēhi na iti ॥13॥
Browse Related Categories: