Adi Shankaracharya · Traditional devotional text · Source: vignanam.org (Traditional devotional text (public-domain shlokas))
prātaḥ smarāmi hṛdi saṃsphuradātmatattvaṃ sachchitsukhaṃ paramahaṃsagatiṃ turīyam । yatsvapnajāgarasuṣuptamavaiti nityaṃ tadbrahma niṣkalamahaṃ na cha bhūtasaṅghaḥ ॥ 1 ॥
prātarbhajāmi manasāṃ vachasāmagamyaṃ vāchō vibhānti nikhilā yadanugrahēṇa । yannētinēti vachanairnigamā avōchuḥ taṃ dēvadēvamajamachyutamāhuragryam ॥ 2 ॥
prātarnamāmi tamasaḥ paramarkavarṇaṃ pūrṇaṃ sanātanapadaṃ puruṣōttamākhyam । yasminnidaṃ jagadaśēṣamaśēṣamūrtau rajjvāṃ bhujaṅgama iva pratibhāsitaṃ vai ॥ 3 ॥
ślōkatrayamidaṃ puṇyaṃ lōkatrayavibhūṣaṇam prātaḥ kālē paṭhēdyastu sa gachChētparamaṃ padam ॥
Browse Related Categories:
Offered for worship and study, not as prediction. Non-commercial.