Bhaarata Maata · Traditional devotional text · Source: vignanam.org (Traditional devotional text (public-domain shlokas))
prakṛtyā suramyaṃ viśālaṃ prakāmaṃ sarittārahāraiḥ lalāmaṃ nikāmam । himādrirlalāṭē padē chaiva sindhuḥ priyaṃ bhārataṃ sarvadā darśanīyam ॥ 1 ॥
dhanānāṃ nidhānaṃ dharāyāṃ pradhānaṃ idaṃ bhārataṃ dēvalōkēna tulyam । yaśō yasya śubhraṃ vidēśēṣu gītaṃ priyaṃ bhārataṃ tat sadā pūjanīyam ॥ 2 ॥
anēkē pradēśāḥ anēkē cha vēṣāḥ anēkāni rupāṇi bhāṣā anēkāḥ । paraṃ yatra sarvē vayaṃ bhāratīyāḥ priyaṃ bhārataṃ tat sadā rakṣaṇīyam ॥ 3 ॥
vayaṃ bhāratīyāḥ svadēśaṃ namāmaḥ paraṃ dharmamēkaṃ sadā mānayāmaḥ । tadarthaṃ dhanaṃ jīvanaṃ chārpayāma priyaṃ bhārataṃ mē sadā vandanīyam ॥ 4 ॥
rachana: ḍā. chandrabhānu tripāṭhī
Browse Related Categories:
Offered for worship and study, not as prediction. Non-commercial.
More devotional texts