Surya Bhagavan · Traditional devotional text · Source: vignanam.org (Traditional devotional text (public-domain shlokas))
atulyavīryamugratējasaṃ suraṃ sukāntimindriyapradaṃ sukāntidam । kṛpārasaikapūrṇamādirūpiṇaṃ divākaraṃ sadā bhajē subhāsvaram ॥ 1 ॥
inaṃ mahīpatiṃ cha nityasaṃstutaṃ kalāsuvarṇabhūṣaṇaṃ rathasthitam । achintyamātmarūpiṇaṃ grahāśrayaṃ divākaraṃ sadā bhajē subhāsvaram ॥ 2 ॥
uṣōdayaṃ vasupradaṃ suvarchasaṃ vidikprakāśakaṃ kaviṃ kṛpākaram । suśāntamūrtimūrdhvagaṃ jagajjvalaṃ divākaraṃ sadā bhajē subhāsvaram ॥ 3 ॥
ṛṣiprapūjitaṃ varaṃ viyachcharaṃ paraṃ prabhuṃ sarōruhasya vallabham । samastabhūmipaṃ cha tārakāpatiṃ divākaraṃ sadā bhajē subhāsvaram ॥ 4 ॥
grahādhipaṃ guṇānvitaṃ cha nirjaraṃ sukhapradaṃ śubhāśayaṃ bhayāpaham । hiraṇyagarbhamuttamaṃ cha bhāskaraṃ divākaraṃ sadā bhajē subhāsvaram ॥ 5 ॥
iti śrī divākara pañchakam ।
Browse Related Categories:
Offered for worship and study, not as prediction. Non-commercial.
More devotional texts