Vishnu · Traditional devotional text · Source: vignanam.org (Traditional devotional text (public-domain shlokas))
atha dvitīyastōtram
svajanōdadhisaṃvṛddhi pūrṇachandrō guṇārṇavaḥ । (sujanōdadhisaṃvṛddhi) amandānanda sāndrō naḥ sadāvyādindirāpatiḥ ॥ 1॥ (prīyātāmindirāpatiḥ) ramāchakōrīvidhavē duṣṭadarpōdavahnayē । (duṣṭasarpōdavahnayē) satpānthajanagēhāya namō nārāyaṇāya tē ॥ 2॥
Offered for worship and study, not as prediction. Non-commercial.
More devotional texts
chidachidbhēdaṃ akhilaṃ vidhāyādhāya bhuñjatē । avyākṛtaguhasthāya ramāpraṇayinē namaḥ ॥ 3॥
amandaguṇasārō'pi mandahāsēna vīkṣitaḥ । nityamindirayā'nandasāndrō yō naumi taṃ harim ॥ 4॥
vaśī vaśō (vaśē) na kasyāpi yō'jitō vijitākhilaḥ । sarvakartā na kriyatē taṃ namāmi ramāpatim ॥ 5॥
aguṇāyaguṇōdrēka svarūpāyādikāriṇē । vidāritārisaṅghāya vāsudēvāya tē namaḥ ॥ 6॥
ādidēvāya dēvānāṃ patayē sāditārayē । anādyajñānapārāya namaḥ pārāvarāśraya ॥ 7॥ (namō varavarāya tē) ajāya janayitrē'sya vijitākhiladānava । ajādi pūjyapādāya namastē garuḍadhvaja ॥ 8॥
indirāmandasāndrāgrya kaṭākṣaprēkṣitātmanē । asmadiṣṭaika kāryāya pūrṇāya harayē namaḥ ॥ 9॥
iti śrīmadānandatīrthabhagavatpādāchārya virachitaṃ dvādaśastōtrēṣu dvitīyastōtraṃ sampūrṇam
Browse Related Categories: