Vishnu · Traditional devotional text · Source: vignanam.org (Traditional devotional text (public-domain shlokas))
atha aṣṭamastōtram
vanditāśēṣavandyōruvṛndārakaṃ chandanācharchitōdārapīnāṃsakam । indirāchañchalāpāṅganīrājitaṃ mandarōddhārivṛttōdbhujābhōginam । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 1॥
Offered for worship and study, not as prediction. Non-commercial.
More devotional texts
sṛṣṭisaṃhāralīlāvilāsātataṃ puṣṭaṣāḍguṇyasadvigrahōllāsinam । duṣṭaniḥśēṣasaṃhārakarmōdyataṃ hṛṣṭapuṣṭātiśiṣṭa (anuśiṣṭa) prajāsaṃśrayam । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 2॥
unnataprārthitāśēṣasaṃsādhakaṃ sannatālaukikānandadaśrīpadam । bhinnakarmāśayaprāṇisamprērakaṃ tanna kiṃ nēti vidvatsu mīmāṃsitam । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 3॥
vipramukhyaiḥ sadā vēdavādōnmukhaiḥ supratāpaiḥ kṣitīśēśvaraiśchārchchitam । apratarkyōrusaṃvidguṇaṃ nirmalaṃ saprakāśājarānandarūpaṃ param । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 4॥
atyayō yasya (yēna) kēnāpi na kvāpi hi pratyayō yadguṇēṣūttamānāṃ paraḥ । satyasaṅkalpa ēkō varēṇyō vaśī matyanūnaiḥ sadā vēdavādōditaḥ । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 5॥
paśyatāṃ duḥkhasantānanirmūlanaṃ dṛśyatāṃ dṛśyatāmityajēśārchitam । naśyatāṃ dūragaṃ sarvadāpyā'tmagaṃ vaśyatāṃ svēchChayā sajjanēṣvāgatam । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 6॥
agrajaṃ yaḥ sasarjājamagryākṛtiṃ vigrahō yasya sarvē guṇā ēva hi । ugra ādyō'pi yasyātmajāgryātmajaḥ sadgṛhītaḥ sadā yaḥ paraṃ daivatam । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 7॥
achyutō yō guṇairnityamēvākhilaiḥ prachyutō'śēṣadōṣaiḥ sadā pūrtitaḥ । uchyatē sarvavēdōruvādairajaḥ svarchitō brahmarudrēndrapūrvaiḥ sadā । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 8॥
dhāryatē yēna viśvaṃ sadājādikaṃ vāryatē'śēṣaduḥkhaṃ nijadhyāyinām । pāryatē sarvamanyairnayatpāryatē kāryatē chākhilaṃ sarvabhūtaiḥ sadā । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 9॥
sarvapāpāniyatsaṃsmṛtēḥ saṅkṣayaṃ sarvadā yānti bhaktyā viśuddhātmanām । śarvagurvādigīrvāṇa saṃsthānadaḥ kurvatē karma yatprītayē sajjanāḥ । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 10॥
akṣayaṃ karma yasmin parē svarpitaṃ prakṣayaṃ yānti duḥkhāni yannāmataḥ । akṣarō yō'jaraḥ sarvadaivāmṛtaḥ kukṣigaṃ yasya viśvaṃ sadā'jādikam । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 11॥
nanditīrthōrusannāminō nandinaḥ sandadhānāḥ sadānandadēvē matim । mandahāsāruṇā pāṅgadattōnnatiṃ vanditāśēṣadēvādivṛndaṃ sadā । prīṇayāmō vāsudēvaṃ dēvatāmaṇḍalākhaṇḍamaṇḍanaṃ prīṇayāmō vāsudēvam ॥ 12॥
iti śrīmadānandatīrthabhagavatpādāchārya virachitaṃ dvādaśastōtrēṣu aṣṭamastōtraṃ sampūrṇam
Browse Related Categories: