Sri Rama Hrudayam

śrī gaṇēśāya namaḥ । śrī mahādēva uvācha

tatō rāmaḥ svayaṃ prāha hanumantamupasthitam । śa‍ṛṇu yatvaṃ pravakṣyāmi hyātmānātmaparātmanām ॥ 1

ākāśasya yathā bhēdastrividhō dṛśyatē mahān । jalāśayē mahākāśastadavachChinna ēva hi । pratibimbākhyamaparaṃ dṛśyatē trividhaṃ nabhaḥ ॥ 2॥

buddhyavachChinnachaitanyamēkaṃ pūrṇamathāparam । ābhāsastvaparaṃ bimbabhūtamēvaṃ tridhā chitiḥ ॥ 3॥

sābhāsabuddhēḥ kartṛtvamavichChinnē'vikāriṇi । sākṣiṇyārōpyatē bhrāntyā jīvatvaṃ cha tathā'budhaiḥ ॥ 4॥

ābhāsastu mṛṣābuddhiravidyākāryamuchyatē । avichChinnaṃ tu tadbrahma vichChēdastu vikalpitaḥ ॥ 5॥

avichChinnasya pūrṇēna ēkatvaṃ pratipadyatē । tattvamasyādivākyaiścha sābhāsasyāhamastathā ॥ 6॥

aikyajñānaṃ yadōtpannaṃ mahāvākyēna chātmanōḥ । tadā'vidyā svakāryaiścha naśyatyēva na saṃśayaḥ ॥ 7॥

ētadvijñāya madbhaktō madbhāvāyōpapadyatē madbhaktivimukhānāṃ hi śāstragartēṣu muhyatām । na jñānaṃ na cha mōkṣaḥ syāttēṣāṃ janmaśatairapi ॥ 8॥