Sri Satyanarayana Swami Vratha Katha

tatra nārāyaṇa-ndēvaṃ śuklavarṇa-ñchaturbhujam । śaṅkha-chakra-gadā-padma-vanamālā-vibhūṣitam ॥ 7॥

dṛṣṭvā ta-ndēvadēvēśaṃ stōtuṃ samupachakramē । nārada uvācha । namō vāṅgamanasātītarūpāyānantaśaktayē । ādimadhyāntahīnāya nirguṇāya guṇātmanē ॥ 8॥

sarvēṣāmādibhūtāya bhaktānāmārtināśinē । śrutvā stōtra-ntatō viṣṇurnārada-mpratyabhāṣata ॥ 9॥

śrībhagavānuvācha

kimarthamāgatō-'si tva-ṅki-ntē manasi vartatē । kathayasva mahābhāga tatsarva-ṅkathāyāmi tē ॥ 10

nārada uvācha

martyalōkē janā-ssarvē nānāklēśasamanvitāḥ । nanāyōnisamutpannāḥ pachyantē pāpakarmabhiḥ ॥ 11

tatkathaṃ śamayēnnātha laghūpāyēna tadvada । śrōtumichChāmi tatsarva-ṅkṛpāsti yadi tē mayi ॥ 12॥

śrībhagavānuvācha

sādhu pṛṣṭa-ntvayā vatsa lōkānugrahakāṅkṣayā । yatkṛtvā muchyatē mōha-ttachChṛṇuṣva vadāmi tē ॥ 13

vratamasti mahatpuṇyaṃ svargē martyē cha durlabham । tava snēhānmayā vatsa prakāśaḥ kriyatē-'dhunā ॥ 14॥

satyanārāyaṇasyaiva vrataṃ samyagvidhānataḥ । (satyanārāyaṇasyaivaṃ) kṛtvā sadya-ssukha-mbhuktvā paratra mōkṣamāpnuyāt । tachChrutvā bhagavadvākya-nnāradō munirabravīt ॥ 15॥

nārada uvācha

ki-mphala-ṅkiṃ vidhāna-ñcha kṛta-ṅkēnaiva tad vratam । tatsarvaṃ vistarād brūhi kadā kāryaṃ vrata-mprabhō ॥ 16॥ (kāryaṃhitadvratam)

śrībhagavānuvācha

duḥkhaśōkādiśamana-ndhanadhānyapravardhanam ॥ 17

saubhāgyasantatikaraṃ sarvatra vijayapradam । yasmin kasmi-ndinē martyō bhaktiśraddhāsamanvitaḥ ॥ 18॥

satyanārāyaṇa-ndēvaṃ yajēchchaiva niśāmukhē । brāhmaṇairbāndhavaiśchaiva sahitō dharmatatparaḥ ॥ 19॥

naivēdya-mbhaktitō dadyā-thsapāda-mbhakṣyamuttamam । rambhāphala-ṅghṛta-ṅkṣīra-ṅgōdhūmasya cha chūrṇakam ॥ 20॥

abhāvē śālichūrṇaṃ vā śarkarā vā guḍastathā । sapādaṃ sarvabhakṣyāṇi chaikīkṛtya nivēdayēt ॥ 21॥

viprāya dakṣiṇā-ndadyā-tkathāṃ śrutvā janai-ssaha । tataścha bandhubhi-ssārdhaṃ viprāṃścha pratibhōjayēt ॥ 22॥

prasāda-mbhakṣayēd bhaktyā nṛtyagītādika-ñcharēt । tataścha svagṛha-ṅgachChē-thsatyanārāyaṇaṃ smarann ॥ 23॥

ēva-ṅkṛtē manuṣyāṇāṃ vāñChāsiddhirbhavēd dhruvam । viśēṣataḥ kaliyugē laghūpāyō-'sti bhūtalē ॥ 24॥ (laghūpāyōsti)

॥ iti śrīskāndapurāṇē rēvākhaṇḍē śrīsatyanārāyaṇa vratakathāyā-mprathamō-'dhyāyaḥ ॥ 1 ॥

atha dvitīyō-'dhyāyaḥ

sūta uvācha

athānya-thsampravakṣyāmi kṛtaṃ yēna purā dvijāḥ । kaśchi-tkāśīpurē ramyē hyāsīdviprō-'tinirdhanaḥ ॥ 1॥ (hyāsīdviprōtinirdhanaḥ)

kṣuttṛḍbhyāṃ vyākulōbhūtvā nitya-mbabhrāma bhūtalē । duḥkhita-mbrāhmaṇa-ndṛṣṭvā bhagavā-nbrāhmaṇapriyaḥ ॥ 2॥

vṛddhabrāhmaṇa rūpasta-mpaprachCha dvijamādarāt । kimartha-mbhramasē vipra mahī-nnityaṃ suduḥkhitaḥ । tatsarvaṃ śrōtumichChāmi kathyatā-ndvija sattama ॥ 3॥

brāhmaṇa uvācha

brāhmaṇō-'ti daridrō-'ha-mbhikṣārthaṃ vai bhramē mahīm ॥ 4॥ (brāhmaṇōti)

upāyaṃ yadi jānāsi kṛpayā kathaya prabhō । vṛddhabrāhmaṇa uvācha । satyanārāyaṇō viṣṇurvāñChitārthaphalapradaḥ ॥ 5॥

tasya tva-mpūjanaṃ vipra kuruṣva vratamuttamama । (vratamuttamam) yatkṛtvā sarvaduḥkhēbhyō muktō bhavati mānavaḥ ॥ 6॥

vidhāna-ñcha vratasyāpi viprāyābhāṣya yatnataḥ । satyanārāyaṇō vṛddhastatraivāntaradhīyata ॥ 7॥

tad vrataṃ saṅkariṣyāmi yadukta-mbrāhmaṇēna vai । iti sañchintya viprō-'sau rātrau nidrā na labdhavān ॥ 8॥ (nidrāṃ)

tataḥ prāta-ssamutthāya satyanārāyaṇavratam । kariṣya iti saṅkalpya bhikṣārthamagamadvijaḥ ॥ 9॥ (bhikṣārthamagamaddvijaḥ)

tasminnēva dinē vipraḥ prachura-ndravyamāptavān । tēnaiva bandhubhi-ssārdhaṃ satyasyavratamācharat ॥ 10॥

sarvaduḥkhavinirmukta-ssarvasampatsamanvitaḥ । babhūva sa dvijaśrēṣṭhō vratasyāsya prabhāvataḥ ॥ 11॥

tataḥ prabhṛti kāla-ñcha māsi māsi vrata-ṅkṛtam । ēva-nnārāyaṇasyēdaṃ vrata-ṅkṛtvā dvijōttamaḥ ॥ 12॥

sarvapāpavinirmuktō durlabha-mmōkṣamāptavān । vratamasya yadā vipra pṛthivyāṃ saṅkariṣyati ॥ 13॥ (viprāḥ)

tadaiva sarvaduḥkha-ntu manujasya vinaśyati । (cha manujasya) ēva-nnārāyaṇēnōkta-nnāradāya mahātmanē ॥ 14॥

mayā tatkathitaṃ viprāḥ kimanya-tkathayāmi vaḥ । ṛṣaya ūchuḥ । tasmād viprāchChruta-ṅkēna pṛthivyā-ñcharita-mmunē । tatsarvaṃ śrōtumichChāma-śśraddhā-'smāka-mprajāyatē ॥ 15॥ (śraddhāsmākaṃ)

sūta uvācha

śṛṇudhva-mmunaya-ssarvē vrataṃ yēna kṛta-mbhuvi । ēkadā sa dvijavarō yathāvibhava vistaraiḥ ॥ 16

bandhubhi-ssvajanai-ssārdhaṃ vrata-ṅkartuṃ samudyataḥ । ētasminnantarē kālē kāṣṭhakrētā samāgamat ॥ 17॥

bahiḥ kāṣṭha-ñcha saṃsthāpya viprasya gṛhamāyayau । tṛṣṇāyā pīḍitātmā cha dṛṣṭvā vipra-ṅkṛtaṃ vratam ॥ 18॥ (kṛta)

praṇipatya dvija-mprāha kimida-ṅkriyatē tvayā । kṛtē ki-mphalamāpnōti vistarād vada mē prabhō ॥ 19॥ (vistārād)

vipra uvācha

satyanārāyaṇēsyēdaṃ vrataṃ sarvēpsitapradam । tasya prasādānmē sarva-ndhanadhānyādika-mmahat ॥ 20

tasmādētad vrata-ñjñātvā kāṣṭhakrētā-'tihar​ṣitaḥ । papau jala-mprasāda-ñcha bhuktvā sa nagaraṃ yayau ॥ 21॥

satyanārāyaṇa-ndēva-mmanasā ityachintayat । kāṣṭhaṃ vikrayatō grāmē prāpyatē chādya yad dhanam ॥ 22॥ (prāpyatēmē-'dya)

tēnaiva satyadēvasya kariṣyē vratamuttamam । iti sañchintya manasā kāṣṭha-ndhṛtvā tu mastakē ॥ 23॥

jagāma nagarē ramyē dhanināṃ yatra saṃsthitiḥ । taddinē kāṣṭhamūlya-ñcha dviguṇa-mprāptavānasau ॥ 24॥

tataḥ prasannahṛdaya-ssupakva-ṅkadalī phalam । śarkarāghṛtadugdha-ñcha gōdhūmasya cha chūrṇakam ॥ 25॥

kṛtvaikatra sapāda-ñcha gṛhītvā svagṛhaṃ yayau । tatō bandhūn samāhūya chakāra vidhinā vratam ॥ 26॥

tad vratasya prabhāvēṇa dhanaputrānvitō-'bhavat । (dhanaputrānvitōbhavat) ihalōkē sukha-mbhuktvā chāntē satyapuraṃ yayau ॥ 27॥

॥ iti śrīskāndapurāṇē rēvākhaṇḍē śrīsatyanārāyaṇa vratakathāyā-ndvitīyō-'dhyāyaḥ ॥ 2 ॥

atha tṛtīyō-'dhyāyaḥ

sūta uvācha

punaragrē pravakṣyāmi śṛṇudhva-mmuni sattamāḥ । purā chōlkāmukhō nāma nṛpaśchāsīnmahāmatiḥ ॥ 1

jitēndriya-ssatyavādī yayau dēvālaya-mprati । dinē dinē dhana-ndattvā dvijān santōṣaya-thsudhīḥ ॥ 2॥

bhāryā tasya pramugdhā cha sarōjavadanā satī । bhadraśīlānadī tīrē satyasyavratamācharat ॥ 3॥

ētasminnantarē tatra sādhurēka-ssamāgataḥ । vāṇijyārtha-mbahudhanairanēkaiḥ paripūritaḥ ॥ 4॥

nāvaṃ saṃsthāpya tattīrē jagāma nṛpati-mprati । dṛṣṭvā sa vratina-mbhūpa-mprapachCha vinayānvitaḥ ॥ 5॥

sādhuruvācha

kimida-ṅkuruṣē rāja-nbhaktiyuktēna chētasā । prakāśa-ṅkuru tatsarvaṃ śrōtumichChāmi sāmpratam ॥ 6

rājōvācha । pūjana-ṅkriyatē sādhō viṣṇōratulatējasaḥ । vrata-ñcha svajanai-ssārdha-mputrādyāvāpti kāmyayā ॥ 7॥

bhūpasya vachanaṃ śrutvā sādhuḥ prōvācha sādaram । sarva-ṅkathaya mē rājan kariṣyē-'ha-ntavōditam ॥ 8॥

mamāpi santatirnāsti hyētasmājjāyatē dhruvam । tatō nivṛttya vāṇijyā-thsānandō gṛhamāgataḥ ॥ 9॥

bhāryāyai kathitaṃ sarvaṃ vrataṃ santati dāyakam । tadā vrata-ṅkariṣyāmi yadā mē santatirbhavēt ॥ 10॥

iti līlāvatī-mprāha patnīṃ sādhu-ssa sattamaḥ । ēkasmi-ndivasē tasya bhāryā līlāvatī satī ॥ 11॥ (bhāryāṃ)

bhartṛyuktānandachittā-'bhavad dharmaparāyaṇā । rgabhiṇī sā-'bhava-ttasya bhāryā satyaprasādataḥ ॥ 12॥ (sābhavat)

daśamē māsi vai tasyāḥ kanyāratnamajāyata । dinē dinē sā vavṛdhē śuklapakṣē yathā śaśī ॥ 13॥

nāmnā kalāvatī chēti tannāmakaraṇa-ṅkṛtam । tatō līlāvatī prāha svāmina-mmadhuraṃ vachaḥ ॥ 14॥

na karōṣi kimarthaṃ vai purā saṅkalpitaṃ vratam । sādhuruvācha । vivāha samayē tvasyāḥ kariṣyāmi vrata-mpriyē ॥ 15॥

iti bhāryāṃ samāśvāsya jagāma nagara-mprati । tataḥ kalāvatī kanyā vavṛdhē pitṛvēśmani ॥ 16॥

dṛṣṭvā kanyā-ntata-ssādhurnagarē sakhibhi-ssaha । mantrayitvā druta-ndūta-mprēṣayāmāsa dharmavit ॥ 17॥

vivāhārtha-ñcha kanyāyā varaṃ śrēṣṭhaṃ vichāraya । tēnājñaptaścha dūtō-'sau kāñchana-nnagaraṃ yayau ॥ 18॥

tasmādēkaṃ vaṇikputraṃ samādāyāgatō hi saḥ । dṛṣṭvā tu sundara-mbālaṃ vaṇikputra-ṅguṇānvitam ॥ 19॥

jñātibhirbandhubhi-ssārdha-mparituṣṭēna chētasā । dattāvān sādhuputrāya kanyāṃ vidhividhānataḥ ॥ 20॥ (sādhuḥputrāya)

tatō-'bhāgyavaśā-ttēna vismṛtaṃ vratamuttamam । (tatōbhāgyavaśāt) vivāhasamayē tasyāstēna ruṣṭō bhava-tprabhuḥ ॥ 21॥ (ruṣṭō-'bhavat)

tataḥ kālēna niyatō nijakarma viśāradaḥ । vāṇijyārtha-ntata-śśīghra-ñjāmātṛ sahitō vaṇik ॥ 22॥

ratnasārapurē ramyē gatvā sindhu samīpataḥ । vāṇijyamakarō-thsādhurjāmātrā śrīmatā saha ॥ 23॥

tau gatau nagarē ramyē chandrakētōrnṛpasya cha । (nagarētasya) ētasminnēva kālē tu satyanārāyaṇaḥ prabhuḥ ॥ 24॥

bhraṣṭapratijñamālōkya śāpa-ntasmai pradattavān । dāruṇa-ṅkaṭhina-ñchāsya mahad duḥkha-mbhaviṣyati ॥ 25॥

ēkasmindivasē rājñō dhanamādāya taskaraḥ । tatraiva chāgata śchaurō vaṇijau yatra saṃsthitau ॥ 26॥

tatpaśchād dhāvakā-ndūtā-ndṛṣṭavā bhītēna chētasā । dhanaṃ saṃsthāpya tatraiva sa tu śīghramalakṣitaḥ ॥ 27॥

tatō dūtāssamāyātā yatrāstē sajjanō vaṇik । dṛṣṭvā nṛpadhana-ntatra baddhvā-''nītau vaṇiksutau ॥ 28॥ (baddhvānītau)

har​ṣēṇa dhāvamānāścha prōchurnṛpasamīpataḥ । taskarau dvau samānītau vilōkyājñāpaya prabhō ॥ 29॥

rājñā-''jñaptāstata-śśīghra-ndṛḍha-mbaddhvā tu tā vubhau । sthāpitau dvau mahādurgē kārāgārē-'vichārataḥ ॥ 30॥

māyayā satyadēvasya na śruta-ṅkaistayōrvachaḥ । atastayōrdhanaṃ rājñā gṛhīta-ñchandrakētunā ॥ 31॥

tachChāpāchcha tayōrgēhē bhāryā chaivāti duḥkhitā । chaurēṇāpahṛtaṃ sarva-ṅgṛhē yachcha sthita-ndhanam ॥ 32॥

ādhivyādhisamāyuktā kṣutpipāśāti duḥkhitā । (kṣutpipāsāti) annachintāparā bhūtvā babhrāma cha gṛhē gṛhē । kalāvatī tu kanyāpi babhrāma prativāsaram ॥ 33॥

ēkasmi-ndivasē yātā kṣudhārtā dvijamandiram । (divasē jātā) gatvā-'paśyad vrata-ntatra satyanārāyaṇasya cha ॥ 34॥ (gatvāpaśyad)

upaviśya kathāṃ śrutvā varaṃ rprāthitavatyapi । prasāda bhakṣaṇa-ṅkṛtvā yayau rātrau gṛha-mprati ॥ 35॥

mātā kalāvatī-ṅkanyā-ṅkathayāmāsa prēmataḥ । putri rātrau sthitā kutra ki-ntē manasi vartatē ॥ 36॥

kanyā kalāvatī prāha mātara-mprati satvaram । dvijālayē vrata-mmātardṛṣṭaṃ vāñChitasiddhidam ॥ 37॥

tachChrutvā kanyakā vākyaṃ vrata-ṅkartuṃ samudyatā । sā mudā tu vaṇigbhāryā satyanārāyaṇasya cha ॥ 38॥

vrata-ñchakrē saiva sādhvī bandhubhi-ssvajanai-ssaha । bhartṛjāmātarau kṣipramāgachChētāṃ svamāśramam ॥ 39॥

aparādha-ñcha mē bharturjāmātuḥ, kṣantumar​hasi । vratēnānēna tuṣṭō-'sau satyanārāyaṇaḥ punaḥ ॥ 40॥ (tuṣṭōsau)

dar​śayāmāsa svapnaṃ hī chandrakētu-nnṛpōttamam । bandinau mōchaya prātarvaṇijau nṛpasattama ॥ 41॥

dēya-ndhana-ñcha tatsarva-ṅgṛhītaṃ ya-ttvayā-'dhunā । (tvayādhunā) nō chē-ttvā-nnāśayiṣyāmi sarājyadhanaputrakam ॥ 42॥

ēvamābhāṣya rājāna-ndhyānagamyō-'bhava-tprabhuḥ । (dhyānagamyōbhavat) tataḥ prabhātasamayē rājā cha svajanai-ssaha ॥ 43॥

upaviśya sabhāmadhyē prāha svapna-ñjana-mprati । baddhau mahājanau śīghra-mmōchaya dvau vaṇiksutau ॥ 44॥

iti rājñō vacha-śśrutvā mōchayitvā mahājanau । samānīya nṛpasyāgrē prāhustē vinayānvitāḥ ॥ 45॥

ānītau dvau vaṇikputrau muktau nigaḍabandhanāt । tatō mahājanau natvā chandrakētu-nnṛpōttamam ॥ 46॥

smarantau pūrva vṛttānta-nnōchaturbhayavihvalau । rājā vaṇiksutau vīkṣya vachaḥ prōvācha sādaram ॥ 47॥

dēvā-tprāpta-mmahadduḥkhamidānī-nnāsti vai bhayam । tadā nigaḍasantyāga-ṅkṣaurakarmādyakārayat ॥ 48॥

vastrālaṅkāraka-ndattvā paritōṣya nṛpaścha tau । puraskṛtya vaṇikputrau vachasā-'tōṣayad bhṛśam ॥ 49॥ (vachasātōṣayadbhṛśam)

purānīta-ntu yad dravya-ndviguṇīkṛtya dattavān । prōvācha cha tatō rājā gachCha sādhō nijāśramam ॥ 50॥ (prōvāchatau)

rājāna-mpraṇipatyāha gantavya-ntvatprasādataḥ । ityuktvā tau mahāvaiśyau jagmatu-ssvagṛha-mprati ॥ 51॥ (mahāvaiśyō)

॥ iti śrīskānda purāṇē rēvākhaṇḍē śrīsatyanārāyaṇa vratakathāyā-ntṛtīyō-'dhyāyaḥ ॥ 3 ॥

atha chaturthō-'dhyāyaḥ

sūta uvācha

yātrā-ntu kṛtavān sādhurmaṅgalāyanapūrvikām । brāhmaṇēbhyō dhana-ndattvā tadā tu nagaraṃ yayau ॥ 1

kiyad dūrē gatē sādhō satyanārāyaṇaḥ prabhuḥ । jijñāsā-ṅkṛtavān sādhau kimasti tava nausthitam ॥ 2॥

tatō mahājanau mattau hēlayā cha prahasya vai । (matau) katha-mpṛchChasi bhō daṇḍi-nmudrā-nnētu-ṅkimichChasi ॥ 3॥

latāpatrādika-ñchaiva vartatē taraṇau mama । niṣṭhura-ñcha vacha-śśrutvā satya-mbhavatu tē vachaḥ ॥ 4॥

ēvamuktvā gata-śśīghra-ndaṇḍī tasya samīpataḥ । kiyad dūrē tatō gatvā sthita-ssindhu samīpataḥ ॥ 5॥

gatē daṇḍini sādhuścha kṛtanityakriyastadā । utthitā-ntaraṇī-ndṛṣṭvā vismaya-mparamaṃ yayau ॥ 6॥

dṛṣṭvā latādika-ñchaiva mūrchChitō nyapatad bhuvi । labdhasañjñō vaṇikputrastataśchintānvitō-'bhavat ॥ 7॥ (vaṇikputrastataśchintānvitōbhavat)

tadā tu duhituḥ kāntō vachana-ñchēdamabravīt । kimartha-ṅkriyatē śōka-śśāpō dattaścha daṇḍinā ॥ 8॥

śakyatē tēna sarvaṃ hi kartu-ñchātra na saṃśayaḥ । (śakyatēnē na) atastachCharaṇaṃ yāmō vāñChatārthō bhaviṣyati ॥ 9॥ (vāñChitārthō)

jāmāturvachanaṃ śrutvā tatsakāśa-ṅgatastadā । dṛṣṭvā cha daṇḍina-mbhaktyā natvā prōvācha sādaram ॥ 10॥

kṣamasva chāparādha-mmē yadukta-ntava sannidhau । ēva-mpunaḥ punarnatvā mahāśōkākulō-'bhavat ॥ 11॥ (mahāśōkākulōbhavat)

prōvācha vachana-ndaṇḍī vilapantaṃ vilōkya cha । mā rōdī-śśṛṇumadvākya-mmama pūjābahirmukhaḥ ॥ 12॥

mamājñayā cha durbuddhē labdha-nduḥkha-mmuhurmuhuḥ । tachChrutvā bhagavadvākyaṃ stuti-ṅkartuṃ samudyataḥ ॥ 13॥

sādhuruvācha

tvanmāyāmōhitā-ssarvē brahmādyāstridivaukasaḥ । na jānanti guṇā-nrūpa-ntavāścharyamida-mprabhō ॥ 14

mūḍhō-'ha-ntvā-ṅkatha-ñjānē mōhitastavamāyayā । (mūḍhōhaṃ) prasīda pūjayiṣyāmi yathāvibhavavistaraiḥ ॥ 15॥

purā vitta-ñcha ta-thsarva-ntrāhi māṃ śaraṇāgatam । śrutvā bhaktiyutaṃ vākya-mparituṣṭō janārdanaḥ ॥ 16॥

vara-ñcha vāñChita-ndattvā tatraivāntardadhē hariḥ । tatō nāvaṃ samārūhya dṛṣṭvā vittaprapūritām ॥ 17॥

kṛpayā satyadēvasya saphalaṃ vāñChita-mmama । ityuktvā svajanai-ssārdha-mpūjā-ṅkṛtvā yathāvidhi ॥ 18॥

har​ṣēṇa chābhava-tpūrṇassatyadēvaprasādataḥ । nāvaṃ saṃyōjya yatnēna svadēśagamana-ṅkṛtam ॥ 19॥

sādhurjāmātara-mprāha paśya ratnapurī-mmama । dūta-ñcha prēṣayāmāsa nijavittasya rakṣakam ॥ 20॥

tatō-'sau nagara-ṅgatvā sādhubhāryāṃ vilōkya cha । (dūtōsau) prōvācha vāñChitaṃ vākya-nnatvā baddhāñjalistadā ॥ 21॥

nikaṭē nagarasyaiva jāmātrā sahitō vaṇik । āgatō bandhuvargaiścha vittaiścha bahubhiryutaḥ ॥ 22॥

śrutvā dūtamukhādvākya-mmahāhar​ṣavatī satī । satyapūjā-ntataḥ kṛtvā prōvācha tanujā-mprati ॥ 23॥

vrajāmi śīghramāgachCha sādhusandar​śanāya cha । iti mātṛvacha-śśrutvā vrata-ṅkṛtvā samāpya cha ॥ 24॥

prasāda-ñcha parityajya gatā sā-'pi pati-mprati । (sāpi) tēna ruṣṭā-ssatyadēvō bhartāra-ntaraṇi-ntathā ॥ 25॥ (ruṣṭaḥ, taraṇīṃ)

saṃhṛtya cha dhanai-ssārdha-ñjalē tasyāvamajjayat । tataḥ kalāvatī kanyā na vilōkya nija-mpatim ॥ 26॥

śōkēna mahatā tatra rudantī chāpatad bhuvi । (rudatī) dṛṣṭvā tathāvidhā-nnāva-ṅkanyā-ñcha bahuduḥkhitām ॥ 27॥

bhītēna manasā sādhuḥ kimāścharyamida-mbhavēt । chintyamānāścha tē sarvē babhūvustarivāhakāḥ ॥ 28॥

tatō līlāvatī kanyā-ndṛṣṭvā sā vihvalā-'bhavat । vilalāpātiduḥkhēna bhartāra-ñchēdamabravīta ॥ 29॥

idānī-nnaukayā sārdha-ṅkathaṃ sō-'bhūdalakṣitaḥ । na jānē kasya dēvasya hēlayā chaiva sā hṛtā ॥ 30॥

satyadēvasya māhātmya-ñjñātuṃ vā kēna śakyatē । ityuktvā vilalāpaiva tataścha svajanai-ssaha ॥ 31॥

tatō līlāvatī kanyā-ṅkrauḍē kṛtvā rurōda ha । tataḥkalāvatī kanyā naṣṭē svāmini duḥkhitā ॥ 32॥

gṛhītvā pādukē tasyānugatu-ñcha manōdadhē । (pādukāṃ) kanyāyāścharita-ndṛṣṭvā sabhārya-ssajjanō vaṇik ॥ 33॥

atiśōkēna santaptaśchintayāmāsa dharmavit । hṛtaṃ vā satyadēvēna bhrāntō-'haṃ satyamāyayā ॥ 34॥

satyapūjā-ṅkariṣyāmi yathāvibhavavistaraiḥ । iti sarvān samāhūya kathayitvā manōratham ॥ 35॥

natvā cha daṇḍavad bhūmau satyadēva-mpunaḥ punaḥ । tatastuṣṭa-ssatyadēvō dīnānā-mparipālakaḥ ॥ 36॥

jagāda vachana-ñchaina-ṅkṛpayā bhaktavatsalaḥ । tyaktvā prasāda-ntē kanyā pati-ndraṣṭuṃ samāgatā ॥ 37॥

atō-'dṛṣṭō-'bhavattasyāḥ kanyakāyāḥ patirdhruvam । gṛha-ṅgatvā prasāda-ñcha bhuktvā sā-''yāti chētpunaḥ ॥ 38॥ (sāyāti)

labdhabhartrī sutā sādhō bhaviṣyati na saṃśayaḥ । kanyakā tādṛśaṃ vākyaṃ śrutvā gaganamaṇḍalāt ॥ 39॥

kṣipra-ntadā gṛha-ṅgatvā prasāda-ñcha bubhōja sā । paśchā-thsā punarāgatya dadar​śa svajana-mpatim ॥ 40॥ (sāpaśchātpunarāgatya, sajanaṃ)

tataḥ kalāvatī kanyā jagāda pitara-mprati । idānī-ñcha gṛhaṃ yāhi vilamba-ṅkuruṣē katham ॥ 41॥

tachChrutvā kanyakāvākyaṃ santuṣṭō-'bhūdvaṇiksutaḥ । pūjanaṃ satyadēvasya kṛtvā vidhividhānataḥ ॥ 42॥

dhanairbandhugaṇai-ssārdha-ñjagāma nijamandiram । paurṇamāsyā-ñcha saṅkrāntau kṛtavān satyasya pūjanam ॥ 43॥ (satyapūjanam)

ihalōkē sukha-mbhuktvā chāntē satyapuraṃ yayau ॥ 44॥

॥ iti śrīskānda purāṇē rēvākhaṇḍē śrīsatyanārāyaṇa vratakathāyā-ñchaturthō-'dhyāyaḥ ॥ 4 ॥

atha pañchamō-'dhyāyaḥ

sūta uvācha

athānyachcha pravakṣyāmi śruṇudhva-mmunisattamāḥ । āsī-ttuṅgadhvajō rājā prajāpālanatatparaḥ ॥ 1

prasādaṃ satyadēvasya tyaktvā duḥkhamavāpa saḥ । ēkadā sa vana-ṅgatvā hatvā bahuvidhā-npaśūn ॥ 2॥

āgatya vaṭamūla-ñcha dṛṣṭvā satyasya pūjanam । (chāpaśyat) gōpāḥ kurvanti santuṣṭā bhaktiyuktā-ssa bāndhavāḥ ॥ 3॥

rājā dṛṣṭvā tu darpēṇa na gatō na nanāma saḥ । tatō gōpagaṇā-ssarvē prasāda-nnṛpasannidhau ॥ 4॥

saṃsthāpya punarāgatya bhuktatvā sarvē yathēpsitam । tataḥ prasādaṃ santyajya rājā duḥkhamavāpa saḥ ॥ 5॥

tasya putraśata-nnaṣṭa-ndhanadhānyādika-ñcha yat । satyadēvēna tatsarva-nnāśita-mmama niśchitam ॥ 6॥

atastatraiva gachChāmi yatra dēvasya pūjanam । manasā tu viniśchitya yayau gōpālasannidhau ॥ 7॥

tatō-'sau satyadēvasya pūjā-ṅgōpagaṇaissaha । bhaktiśraddhānvitō bhūtvā chakāra vidhinā nṛpaḥ ॥ 8॥

satyadēvaprasādēna dhanaputrānvitō-'bhavat । ihalōkē sukha-mbhuktatvā chāntē satyapuraṃ yayau ॥ 9॥

ya ida-ṅkurutē satyavrata-mparamadurlabham । śṛṇōti cha kathā-mpuṇyā-mbhaktiyuktaḥ phalapradām ॥ 10॥

dhanadhānyādika-ntasya bhavē-thsatyaprasādataḥ । daridrō labhatē vitta-mbaddhō muchyēta bandhanāt ॥ 11॥

bhītō bhayā-tpramuchyēta satyamēva na saṃśayaḥ । īpsita-ñcha phala-mbhuktvā chāntē satyapuraṃvrajēt ॥ 12॥

iti vaḥ kathitaṃ viprā-ssatyanārāyaṇavratam । ya-tkṛtvā sarvaduḥkhēbhyō muktō bhavati mānavaḥ ॥ 13॥

viśēṣataḥ kaliyugē satyapūjā phalapradā । kēchi-tkālaṃ vadiṣyanti satyamīśa-ntamēva cha ॥ 14॥

satyanārāyaṇa-ṅkēchi-thsatyadēva-ntathāparē । nānārūpadharō bhūtvā sarvēṣāmīpsitapradam ॥ 15॥ (sarvēṣāmīpsitapradaḥ)

bhaviṣyati kalau satyavratarūpī sanātanaḥ । śrīviṣṇunā dhṛtaṃ rūpaṃ sarvēṣāmīpsitapradam ॥ 16॥

ya ida-mpaṭhatē nityaṃ śṛṇōti munisattamāḥ । tasya naśyanti pāpāni satyadēvaprasādataḥ ॥ 17॥

vrataṃ yaistu kṛta-mpūrvaṃ satyanārāyaṇasya cha । tēṣā-ntvaparajanmāni kathayāmi munīśvarāḥ ॥ 18॥

śatānandōmahāprājñassudāmābrāhmaṇō hyabhūt । tasmiñjanmani śrīkṛṣṇa-ndhyātvā mōkṣamavāpa ha ॥ 19॥

kāṣṭhabhāravahō bhillō guharājō babhūva ha । tasmiñjanmani śrīrāmaṃ sēvya mōkṣa-ñjagāma vai ॥ 20॥

ulkāmukhō mahārājō nṛpō daśarathō-'bhavat । śrīraṅganāthaṃ sampūjya śrīvaikuṇṭha-ntadāgamat ॥ 21॥ (śrīrāmachandrasamprāpya)

rdhāmika-ssatyasandhaścha sādhurmōradhvajō-'bhavat । (sādhurmōradhvajōbhavat) dēhārdha-ṅkrakachaiśChittvā datvā mōkṣamavāpa ha ॥ 22॥

tuṅgadhvajō mahārāja-ssvāyambhuvō-'bhava-tkila । (svāyambhūrabhavat) sarvā-nbhāgavatān kṛtvā śrīvaikuṇṭha-ntadā-'gamat ॥ 23॥ (kṛttvā, tadāgamat)

bhūtvā gōpāścha tē sarvē vrajamaṇḍalavāsinaḥ । nihatya rākṣasān sarvā-ngōlōka-ntu tadā yayuḥ ॥ 24॥

॥ iti śrīskāndapurāṇē rēvākhaṇḍē śrīsatyanārāyaṇa vratakathāyā-mpañchamō-'dhyāyaḥ ॥ 5 ॥

Browse Related Categories: