Subrahmanya Bhujanga Prayata Stotram

anēkārkakōṭi-prabhāvajjvalaṃ taṃ manōhāri māṇikya bhūṣōjjvalaṃ tam । śritānāmabhīṣṭaṃ niśāntaṃ nitāntaṃ bhajē ṣaṇmukhaṃ taṃ śarachchandrakāntam ॥ 3 ॥

kṛpāvāri kallōlabhāsvatkaṭākṣaṃ virājanmanōhāri śōṇāmbujākṣam । prayōgapradānapravāhaikadakṣaṃ bhajē kāntikāntaṃ parastōmarakṣam ॥ 4 ॥

sukastūrisindūrabhāsvallalāṭaṃ dayāpūrṇachittaṃ mahādēvaputram । ravīndūllasadratnarājatkirīṭaṃ bhajē krīḍitākāśa gaṅgādrikūṭam ॥ 5 ॥

sukundaprasūnāvaḻīśōbhitāṅgaṃ śaratpūrṇachandraprabhākāntikāntam । śirīṣaprasūnābhirāmaṃ bhavantaṃ bhajē dēvasēnāpatiṃ vallabhaṃ tam ॥ 6 ॥

sulāvaṇyasatsūryakōṭipratīkaṃ prabhuṃ tārakāriṃ dviṣaḍbāhumīśam । nijāṅkaprabhādivyamānāpadīśaṃ bhajē pārvatīprāṇaputraṃ sukēśam ॥ 7 ॥

ajaṃ sarvalōkapriyaṃ lōkanāthaṃ guhaṃ śūrapadmādidambhōḻidhāram । suchāruṃ sunāsāpuṭaṃ sachcharitraṃ bhajē kārtikēyaṃ sadā bāhulēyam ॥ 8 ॥

śarāraṇyasambhūtamindrādivandyaṃ dviṣaḍbāhusaṅkhyāyudhaśrēṇiramyam । marutsārathiṃ kukkuṭēśaṃ sukētuṃ bhajē yōgihṛtpadmamadhyādhivāsam ॥ 9 ॥

viriñchīndravallīśa dēvēśamukhyaṃ praśastāmarastōmasaṃstūyamānam । diśa tvaṃ dayāḻō śriyaṃ niśchalāṃ mē vinā tvāṃ gatiḥ kā prabhō mē prasīda ॥ 10 ॥

padāmbhōjasēvā samāyātabṛndā- rakaśrēṇikōṭīrabhāsvallalāṭam । kaḻatrōllasatpārśvayugmaṃ varēṇyaṃ bhajē dēvamādyantahīnaprabhāvam ॥ 11 ॥

bhavāmbhōdhimadhyē taraṅgē patantaṃ prabhō māṃ sadā pūrṇadṛṣṭyā samīkṣya । bhavadbhaktināvōddhara tvaṃ dayāḻō sugatyantaraṃ nāsti dēva prasīda ॥ 12 ॥

gaḻē ratnabhūṣaṃ tanau mañjuvēṣaṃ karē jñānaśaktiṃ darasmēramāsyē । kaṭinyastapāṇiṃ śikhisthaṃ kumāraṃ bhajē'haṃ guhādanyadēvaṃ na manyē ॥ 13 ॥

dayāhīnachittaṃ paradrōhapātraṃ sadā pāpaśīlaṃ gurōrbhaktihīnam । ananyāvalambaṃ bhavannētrapātraṃ kṛpāśīla māṃ bhō pavitraṃ kuru tvam ॥ 14 ॥

mahāsēna gāṅgēya vallīsahāya prabhō tārakārē ṣaḍāsyāmarēśa । sadā pāyasānnapradātarguhēti smariṣyāmi bhaktyā sadāhaṃ vibhō tvām ॥ 15 ॥

pratāpasya bāhō namadvīrabāhō prabhō kārtikēyēṣṭakāmapradēti । yadā yē paṭhantē bhavantaṃ tadēvaṃ prasannastu tēṣāṃ bahuśrīṃ dadāsi ॥ 16 ॥

apārātidāridryavārāśimadhyē bhramantaṃ janagrāhapūrṇē nitāntam । mahāsēna māmuddhara tvaṃ kaṭākṣā- valōkēna kiñchitprasīda prasīda ॥ 17 ॥

sthirāṃ dēhi bhaktiṃ bhavatpādapadmē śriyaṃ niśchalāṃ dēhi mahyaṃ kumāra । guhaṃ chandratāraṃ suvaṃśābhivṛddhiṃ kuru tvaṃ prabhō mē manaḥ kalpasālaḥ ॥ 18 ॥

namastē namastē mahāśaktipāṇē namastē namastē lasadvajrapāṇē । namastē namastē kaṭinyastapāṇē namastē namastē sadābhīṣṭapāṇē ॥ 19 ॥

namastē namastē mahāśaktidhārin namastē surāṇāṃ mahāsaukhyadāyin । namastē sadā kukkuṭēśākhyaka tvaṃ samastāparādhaṃ vibhō mē kṣamasva ॥ 20 ॥

kumārātparaṃ karmayōgaṃ na jānē kumārātparaṃ karmaśīlaṃ na jānē । ya ēkō munīnāṃ hṛdabjādhivāsaḥ śivāṅkaṃ samāruhya satpīṭhakalpam ॥ 21 ॥

viriñchāya mantrōpadēśaṃ chakāra pramōdēna sō'yaṃ tanōtu śriyaṃ mē । yamāhuḥ paraṃ vēda śūrēṣu mukhyaṃ sadā yasya śaktyā jagatbhītabhītā ॥ 22 ॥

yamāśritya dēvāḥ sthiraṃ svargapālāḥ sadōṅkārarūpaṃ chidānandamīḍē । guhastōtramētat kṛtaṃ tārakārē bhujaṅgaprayātēna hṛdyēna kāntam ॥ 23 ॥

janā yē paṭhantē mahābhaktiyuktāḥ pramōdēna sāyaṃ prabhātē viśēṣaḥ । na janmarkṣayōgē yadā tē rudāntā manōvāñChitān sarvakāmān labhantē ॥ 23 ॥

iti śrī subrahmaṇya bhujaṅga prayāta stōtram ।

Browse Related Categories: