Uddhava Geetha - Chapter 7

tasmāt yuktaindriyagrāmaḥ yuktachittaḥ idaṃ jagat । ātmani īkṣasva vitataṃ ātmānaṃ mayi adhīśvarē ॥ 9॥

jñānavijñānasaṃyuktaḥ ātmabhūtaḥ śarīriṇām । ātmānubhavatuṣṭātmā na antarāyaiḥ vihanyasē ॥ 10॥

dōṣabuddhyā ubhayātītaḥ niṣēdhāt na nivartatē । guṇabuddhyā cha vihitaṃ na karōti yathā arbhakaḥ ॥ 11॥

sarvabhūtasuhṛt śāntaḥ jñānavijñānaniśchayaḥ । paśyan madātmakaṃ viśvaṃ na vipadyēta vai punaḥ ॥ 12॥

śrī śukaḥ uvācha

iti ādiṣṭaḥ bhagavatā mahābhāgavataḥ nṛpa । uddhavaḥ praṇipatya āha tattvajijñāsuḥ achyutam ॥ 13

uddhavaḥ uvācha

yōgēśa yōgavinnyāsa yōgātma yōgasambhava । niḥśrēyasāya mē prōktaḥ tyāgaḥ sannyāsalakṣaṇaḥ ॥ 14

tyāgaḥ ayaṃ duṣkaraḥ bhūman kāmānāṃ viṣayātmabhiḥ । sutarāṃ tvayi sarvātman na abhaktaiḥ iti mē matiḥ ॥ 15॥

saḥ ahaṃ mama ahaṃ iti mūḍhamatiḥ vigāḍhaḥ tvat māyayā virachita ātmani sānubandhē । tat tu añjasā nigaditaṃ bhavatā yathā aham saṃsādhayāmi bhagavan anuśādhi bhṛtyam ॥ 16॥

satyasya tē svadṛśaḥ ātmanaḥ ātmanaḥ anyam vaktāraṃ īśa vibudhēṣu api na anuchakṣē । sarvē vimōhitadhiyaḥ tava māyayā imē brahmādayaḥ tanubhṛtaḥ bahiḥ arthabhāvaḥ ॥ 17॥

tasmāt bhavantaṃ anavadyaṃ anantapāram sarvajñaṃ īśvaraṃ akuṇṭhavikuṇṭhadhiṣṇi ayam । nirviṇṇadhīḥ ahaṃ u ha vṛjanābhitaptaḥ nārāyaṇaṃ narasakhaṃ śaraṇaṃ prapadyē ॥ 18॥

śrī bhagavān uvācha

prāyēṇa manujā lōkē lōkatattvavichakṣaṇāḥ । samuddharanti hi ātmānaṃ ātmanā ēva aśubhāśayāt ॥ 19

ātmanaḥ guruḥ ātmā ēva puruṣasya viśēṣataḥ । yat pratyakṣa anumānābhyāṃ śrēyaḥ asau anuvindatē ॥ 20॥

puruṣatvē cha māṃ dhīrāḥ sāṅkhyayōgaviśāradāḥ । āvistarāṃ prapaśyanti sarvaśakti upabṛṃhitam ॥ 21॥

ēkadvitrichatuṣpādaḥ bahupādaḥ tathā apadaḥ । bahvyaḥ santi puraḥ sṛṣṭāḥ tāsāṃ mē pauruṣī priyā ॥ 22॥

atra māṃ mārgayantyaddhāḥ yuktāḥ hētubhiḥ īśvaram । gṛhyamāṇaiḥ guṇaiḥ liṅgaiḥ agrāhyaṃ anumānataḥ ॥ 23॥

atra api udāharanti imaṃ itihāsaṃ purātanam । avadhūtasya saṃvādaṃ yadōḥ amitatējasaḥ ॥ 24॥

(atha avadhūtagītam ।) avadhūtaṃ dvijaṃ kañchit charantaṃ akutōbhayam । kaviṃ nirīkṣya taruṇaṃ yaduḥ paprachCha dharmavit ॥ 25॥

yaduḥ uvācha

kutaḥ buddhiḥ iyaṃ brahman akartuḥ suviśāradā । yāṃ āsādya bhavān lōkaṃ vidvān charati bālavat ॥ 26

prāyaḥ dharmārthakāmēṣu vivitsāyāṃ cha mānavāḥ । hētunā ēva samīhantē āyuṣaḥ yaśasaḥ śriyaḥ ॥ 27॥

tvaṃ tu kalpaḥ kaviḥ dakṣaḥ subhagaḥ amṛtabhāṣaṇaḥ । na kartā nēhasē kiñchit jaḍaunmattapiśāchavat ॥ 28॥

janēṣu dahyamānēṣu kāmalōbhadavāgninā । na tapyasē agninā muktaḥ gaṅgāmbhasthaḥ iva dvipaḥ ॥ 29॥

tvaṃ hi naḥ pṛchChatāṃ brahman ātmani ānandakāraṇam । brūhi sparśavihīnasya bhavataḥ kēvala ātmanaḥ ॥ 30॥

śrī bhagavān uvācha

yadunā ēvaṃ mahābhāgaḥ brahmaṇyēna sumēdhasā । pṛṣṭaḥ sabhājitaḥ prāha praśraya avanataṃ dvijaḥ ॥ 31

brāhmaṇaḥ uvācha

santi mē guravaḥ rājan bahavaḥ buddhyā upāśritāḥ । yataḥ buddhiṃ upādāya muktaḥ aṭāmi iha tān śruṇu ॥ 32

pṛthivī vāyuḥ ākāśaṃ āpaḥ agniḥ chandramā raviḥ । kapōtaḥ ajagaraḥ sindhuḥ pataṅgaḥ madhukṛd gajaḥ ॥ 33॥

madhuhā hariṇaḥ mīnaḥ piṅgalā kuraraḥ arbhakaḥ । kumārī śarakṛt sarpaḥ ūrṇanābhiḥ supēśakṛt ॥ 34॥

ētē mē guravaḥ rājan chaturviṃśatiḥ āśritāḥ । śikṣā vṛttibhiḥ ētēṣāṃ anvaśikṣaṃ iha ātmanaḥ ॥ 35॥

yataḥ yat anuśikṣāmi yathā vā nāhuṣātmaja । tat tathā puruṣavyāghra nibōdha kathayāmi tē ॥ 36॥

bhūtaiḥ ākramāṇaḥ api dhīraḥ daivavaśānugaiḥ । tat vidvān na chalēt mārgāt anvaśikṣaṃ kṣitēḥ vratam ॥ 37॥

śaśvat parārthasarvēhaḥ parārtha ēkāntasambhavaḥ । sādhuḥ śikṣēta bhūbhṛttaḥ nagaśiṣyaḥ parātmatām ॥

38॥

prāṇavṛttyā ēva santuṣyēt muniḥ na ēva indriyapriyaiḥ । jñānaṃ yathā na naśyēta na avakīryēta vāṅmanaḥ ॥ 39॥

viṣayēṣu āviśan yōgī nānādharmēṣu sarvataḥ । guṇadōṣavyapēta ātmā na viṣajjēta vāyuvat ॥ 40॥

pārthivēṣu iha dēhēṣu praviṣṭaḥ tat guṇāśrayaḥ । guṇaiḥ na yujyatē yōgī gandhaiḥ vāyuḥ iva ātmadṛk ॥ 41॥

antaḥ hitaḥ cha sthirajaṅgamēṣu brahma ātmabhāvēna samanvayēna । vyāptya avachChēdaṃ asaṅgaṃ ātmanaḥ muniḥ nabhaḥ tvaṃ vitatasya bhāvayēt ॥ 42॥

tējaḥ abannamayaiḥ bhāvaiḥ mēgha ādyaiḥ vāyunā īritaiḥ । na spṛśyatē nabhaḥ tadvat kālasṛṣṭaiḥ guṇaiḥ pumān ॥

43॥

svachChaḥ prakṛtitaḥ snigdhaḥ mādhuryaḥ tīrthabhūḥ nṛṇām । muniḥ punāti apāṃ mitraṃ īkṣa upasparśakīrtanaiḥ ॥ 44॥

tējasvī tapasā dīptaḥ durdharṣaudarabhājanaḥ । sarvabhakṣaḥ api yukta ātmā na ādattē malaṃ agnivat ॥ 45॥

kvachit śannaḥ kvachit spaṣṭaḥ upāsyaḥ śrēyaḥ ichChatām । bhuṅktē sarvatra dātṝṇāṃ dahan prāk uttara aśubham ॥

46॥

svamāyayā sṛṣṭaṃ idaṃ sat asat lakṣaṇaṃ vibhuḥ । praviṣṭaḥ īyatē tat tat svarūpaḥ agniḥ iva ēdhasi ॥ 47॥

visargādyāḥ śmaśānāntāḥ bhāvāḥ dēhasya na ātmanaḥ । kalānāṃ iva chandrasya kālēna avyaktavartmanā ॥ 48॥

kālēna hi ōghavēgēna bhūtānāṃ prabhava api ayau । nityau api na dṛśyētē ātmanaḥ agnēḥ yathā archiṣām ॥ 49॥

guṇaiḥ guṇān upādattē yathākālaṃ vimuñchati । na tēṣu yujyatē yōgī gōbhiḥ gāḥ iva gōpatiḥ ॥ 50॥

budhyatē svēna bhēdēna vyaktisthaḥ iva tat gataḥ । lakṣyatē sthūlamatibhiḥ ātmā cha avasthitaḥ arkavat ॥ 51॥

na atisnēhaḥ prasaṅgaḥ vā kartavyaḥ kva api kēnachit । kurvan vindēta santāpaṃ kapōtaḥ iva dīnadhīḥ ॥ 52॥

kapōtaḥ kaśchana araṇyē kṛtanīḍaḥ vanaspatau । kapōtyā bhāryayā sārdhaṃ uvāsa katichit samāḥ ॥ 53॥

kapōtau snēhaguṇitahṛdayau gṛhadharmiṇau । dṛṣṭiṃ dṛṣṭyāṅgaṃ aṅgēna buddhiṃ buddhyā babandhatuḥ ॥

54॥

śayyāsanāṭanasthānavārtākrīḍāśanādikam । mithunībhūya visrabdhau chēratuḥ vanarājiṣu ॥ 55॥

yaṃ yaṃ vāñChati sā rājan tarpayanti anukampitā । taṃ taṃ samanayat kāmaṃ kṛchChrēṇa api ajitaindriyaḥ ॥ 56॥

kapōtī prathamaṃ garbhaṃ gṛhṇati kālaḥ āgatē । aṇḍāni suṣuvē nīḍē svapatyuḥ sannidhau satī ॥ 57॥

tēṣū kālē vyajāyanta rachitāvayavā harēḥ । śaktibhiḥ durvibhāvyābhiḥ kōmalāṅgatanūruhāḥ ॥ 58॥

prajāḥ pupuṣatuḥ prītau dampatī putravatsalau । śa‍ṛṇvantau kūjitaṃ tāsāṃ nirvṛtau kalabhāṣitaiḥ ॥ 59॥

tāsāṃ patatraiḥ susparśaiḥ kūjitaiḥ mugdhachēṣṭitaiḥ । pratyudgamaiḥ adīnānāṃ pitarau mudaṃ āpatuḥ ॥ 60॥

snēhānubaddhahṛdayau anyōnyaṃ viṣṇumāyayā । vimōhitau dīnadhiyau śiśūn pupuṣatuḥ prajāḥ ॥ 61॥

ēkadā jagmatuḥ tāsāṃ annārthaṃ tau kuṭumbinau । paritaḥ kānanē tasmin arthinau chēratuḥ chiram ॥ 62॥

dṛṣṭvā tān lubdhakaḥ kaśchit yadṛchCha ataḥ vanēcharaḥ । jagṛhē jālaṃ ātatya charataḥ svālayāntikē ॥ 63॥

kapōtaḥ cha kapōtī cha prajāpōṣē sadā utsukau । gatau pōṣaṇaṃ ādāya svanīḍaṃ upajagmatuḥ ॥ 64॥

kapōtī svātmajān vīkṣya bālakān jālasaṃvṛtān । tān abhyadhāvat krōśantī krōśataḥ bhṛśaduḥkhitā ॥ 65॥

sā asakṛt snēhaguṇitā dīnachittā ajamāyayā । svayaṃ cha abadhyata śichā baddhān paśyanti apasmṛtiḥ ॥ 66॥

kapōtaḥ cha ātmajān baddhān ātmanaḥ api adhikān priyān । bhāryāṃ cha ātmasamāṃ dīnaḥ vilalāpa atiduḥkhitaḥ ॥ 67॥

ahō mē paśyata apāyaṃ alpapuṇyasya durmatēḥ । atṛptasya akṛtārthasya gṛhaḥ traivargikaḥ hataḥ ॥ 68॥

anurūpā anukūlā cha yasya mē patidēvatā । śūnyē gṛhē māṃ santyajya putraiḥ svaryāti sādhubhiḥ ॥ 69॥

saḥ ahaṃ śūnyē gṛhē dīnaḥ mṛtadāraḥ mṛtaprajaḥ । jijīviṣē kimarthaṃ vā vidhuraḥ duḥkhajīvitaḥ ॥ 70॥

tān tathā ēva āvṛtān śigbhiḥ mṛtyugrastān vichēṣṭataḥ । svayaṃ cha kṛpaṇaḥ śikṣu paśyan api abudhaḥ apatat ॥ 71॥

taṃ labdhvā lubdhakaḥ krūraḥ kapōtaṃ gṛhamēdhinam । kapōtakān kapōtīṃ cha siddhārthaḥ prayayau gṛham ॥ 72॥

ēvaṃ kuṭumbī aśānta ātmā dvandva ārāmaḥ patat trivat । puṣṇan kuṭumbaṃ kṛpaṇaḥ sānubandhaḥ avasīdati ॥ 73॥

yaḥ prāpya mānuṣaṃ lōkaṃ muktidvāraṃ apāvṛtam । gṛhēṣu khagavat saktaḥ taṃ ārūḍhachyutaṃ viduḥ ॥ 74॥

iti śrīmadbhāgavatē mahāpurāṇē pāramahaṃsyāṃ saṃhitāyāmēkādaśaskandhē śrīkṛṣṇōddhavasaṃvādē yadvadhūtētihāsē saptamō'dhyāyaḥ ॥

Browse Related Categories: