Pancha Ratna Stotras · Traditional devotional text · Source: vignanam.org (Traditional devotional text (public-domain shlokas))
ಲೋಕವೀರಂ ಮಹಾಪೂಜ್ಯಂ ಸರ್ವರಕ್ಷಾಕರಂ ವಿಭುಮ್ । ಪಾರ್ವತೀ ಹೃದಯಾನಂದಂ ಶಾಸ್ತಾರಂ ಪ್ರಣಮಾಮ್ಯಹಮ್ ॥ 1 ॥
ವಿಪ್ರಪೂಜ್ಯಂ ವಿಶ್ವವಂದ್ಯಂ ವಿಷ್ಣುಶಂಭೋಃ ಪ್ರಿಯಂ ಸುತಮ್ । ಕ್ಷಿಪ್ರಪ್ರಸಾದನಿರತಂ ಶಾಸ್ತಾರಂ ಪ್ರಣಮಾಮ್ಯಹಮ್ ॥ 2 ॥
ಮತ್ತಮಾತಂಗಗಮನಂ ಕಾರುಣ್ಯಾಮೃತಪೂರಿತಮ್ । ಸರ್ವವಿಘ್ನಹರಂ ದೇವಂ ಶಾಸ್ತಾರಂ ಪ್ರಣಮಾಮ್ಯಹಮ್ ॥ 3 ॥
ಅಸ್ಮತ್ಕುಲೇಶ್ವರಂ ದೇವಂ-ಅಸ್ಮಚ್ಛತ್ರು ವಿನಾಶನಮ್ । ಅಸ್ಮದಿಷ್ಟಪ್ರದಾತಾರಂ ಶಾಸ್ತಾರಂ ಪ್ರಣಮಾಮ್ಯಹಮ್ ॥ 4 ॥
ಪಾಂಡ್ಯೇಶವಂಶತಿಲಕಂ ಕೇರಲೇ ಕೇಲಿವಿಗ್ರಹಮ್ । ಆರ್ತತ್ರಾಣಪರಂ ದೇವಂ ಶಾಸ್ತಾರಂ ಪ್ರಣಮಾಮ್ಯಹಮ್ ॥ 5 ॥
ಪಂಚರತ್ನಾಖ್ಯಮೇತದ್ಯೋ ನಿತ್ಯಂ ಶುದ್ಧಃ ಪಠೇನ್ನರಃ । ತಸ್ಯ ಪ್ರಸನ್ನೋ ಭಗವಾನ್ ಶಾಸ್ತಾ ವಸತಿ ಮಾನಸೇ ॥
ಇತಿ ಶ್ರೀ ಶಾಸ್ತಾ ಪಂಚರತ್ನಮ್ ।
——
ಅಥ ಶಾಸ್ತಾ ನಮಸ್ಕಾರ ಶ್ಲೋಕಾಃ ।
Offered for worship and study, not as prediction. Non-commercial.
More devotional texts
ತ್ರಯಂಬಕಪುರಾಧೀಶಂ ಗಣಾಧಿಪಸಮನ್ವಿತಮ್ । ಗಜಾರೂಢಮಹಂ ವಂದೇ ಶಾಸ್ತಾರಂ ಪ್ರಣಮಾಮ್ಯಹಮ್ ॥ 1 ॥
ಶಿವವೀರ್ಯಸಮುದ್ಭೂತಂ ಶ್ರೀನಿವಾಸತನೂದ್ಭವಮ್ । ಶಿಖಿವಾಹಾನುಜಂ ವಂದೇ ಶಾಸ್ತಾರಂ ಪ್ರಣಮಾಮ್ಯಹಮ್ ॥ 2 ॥
ಯಸ್ಯ ಧನ್ವಂತರಿರ್ಮಾತಾ ಪಿತಾ ದೇವೋ ಮಹೇಶ್ವರಃ । ತಂ ಶಾಸ್ತಾರಮಹಂ ವಂದೇ ಮಹಾರೋಗನಿವಾರಣಮ್ ॥ 3 ॥
ಭೂತನಾಥ ಸದಾನಂದ ಸರ್ವಭೂತದಯಾಪರ । ರಕ್ಷ ರಕ್ಷ ಮಹಾಬಾಹೋ ಶಾಸ್ತ್ರೇ ತುಭ್ಯಂ ನಮೋ ನಮಃ ॥ 4 ॥
Browse Related Categories: