అష్టావక్ర గీతా దశమోఽధ్యాయః

అష్టావక్ర ఉవాచ

విహాయ వైరిణం కామమర్థం చానర్థసంకులమ్ । ధర్మమప్యేతయోర్హేతుం సర్వత్రానాదరం కురు ॥ 10-1

స్వప్నేంద్రజాలవత్ పశ్య దినాని త్రీణి పంచ వా । మిత్రక్షేత్రధనాగారదారదాయాదిసంపదః ॥ 10-2॥

యత్ర యత్ర భవేత్తృష్ణా సంసారం విద్ధి తత్ర వై । ప్రౌఢవైరాగ్యమాశ్రిత్య వీతతృష్ణః సుఖీ భవ ॥ 10-3॥

తృష్ణామాత్రాత్మకో బంధస్తన్నాశో మోక్ష ఉచ్యతే । భవాసంసక్తిమాత్రేణ ప్రాప్తితుష్టిర్ముహుర్ముహుః ॥ 10-4॥

త్వమేకశ్చేతనః శుద్ధో జడం విశ్వమసత్తథా । అవిద్యాపి న కించిత్సా కా బుభుత్సా తథాపి తే ॥ 10-5॥

రాజ్యం సుతాః కలత్రాణి శరీరాణి సుఖాని చ । సంసక్తస్యాపి నష్టాని తవ జన్మని జన్మని ॥ 10-6॥

అలమర్థేన కామేన సుకృతేనాపి కర్మణా । ఏభ్యః సంసారకాంతారే న విశ్రాంతమభూన్ మనః ॥ 10-7॥

కృతం న కతి జన్మాని కాయేన మనసా గిరా । దుఃఖమాయాసదం కర్మ తదద్యాప్యుపరమ్యతామ్ ॥ 10-8॥

Browse Related Categories: