Devi · Traditional devotional text · Source: vignanam.org (Traditional devotional text (public-domain shlokas))
తే ధ్యానయోగానుగతా అపశ్యన్ త్వామేవ దేవీం స్వగుణైర్నిగూఢామ్ । త్వమేవ శక్తిః పరమేశ్వరస్య మాం పాహి సర్వేశ్వరి మోక్షదాత్రి ॥ 1 ॥
దేవాత్మశక్తిః శ్రుతివాక్యగీతా మహర్షిలోకస్య పురః ప్రసన్నా । గుహా పరం వ్యోమ సతః ప్రతిష్ఠా మాం పాహి సర్వేశ్వరి మోక్షదాత్రి ॥ 2 ॥
పరాస్య శక్తిః వివిధైవ శ్రూయసే శ్వేతాశ్వవాక్యోదితదేవి దుర్గే । స్వాభావికీ జ్ఞానబలక్రియా తే మాం పాహి సర్వేశ్వరి మోక్షదాత్రి ॥ 3 ॥
దేవాత్మశబ్దేన శివాత్మభూతా యత్కూర్మవాయవ్యవచోవివృత్యా త్వం పాశవిచ్ఛేదకరీ ప్రసిద్ధా మాం పాహి సర్వేశ్వరి మోక్షదాత్రి ॥ 4 ॥
త్వం బ్రహ్మపుచ్ఛా వివిధా మయూరీ బ్రహ్మప్రతిష్ఠాస్యుపదిష్టగీతా । జ్ఞానస్వరూపాత్మతయాఖిలానాం మాం పాహి సర్వేశ్వరి మోక్షదాత్రి ॥ 5 ॥
ఇతి పరమపూజ్య శ్రీ చంద్రశేఖరేంద్ర సరస్వతీ స్వామి కృతం దుర్గా పంచరత్నం సంపూర్ణమ్ ।
Browse Related Categories:
Offered for worship and study, not as prediction. Non-commercial.