Vedic · Traditional devotional text · Source: vignanam.org (Traditional devotional text (public-domain shlokas))
యది మన్యసే సువేదేతి దహరమేవాపి నూనం త్వం-వేఀత్థ బ్రహ్మణో రూపమ్ । యదస్య త్వం-యఀదస్య దేవేష్వథ ను మీమామ్స్యమేవ తే మన్యే విదితమ్ ॥ 1॥
నాహం మన్యే సువేదేతి నో న వేదేతి వేద చ । యో నస్తద్వేద తద్వేద నో న వేదేతి వేద చ ॥ 2॥
యస్యామతం తస్య మతం మతం-యఀస్య న వేద సః । అవిజ్ఞాతం-విఀజానతాం-విఀజ్ఞాతమవిజానతామ్ ॥ 3॥
ప్రతిబోధవిదితం మతమమృతత్వం హి విందతే । ఆత్మనా విందతే వీర్యం-విఀద్యయా విందతేఽమృతమ్ ॥ 4॥
ఇహ చేదవేదీదథ సత్యమస్తి న చేదిహావేదీన్మహతీ వినష్టిః । భూతేషు భూతేషు విచిత్య ధీరాః ప్రేత్యాస్మాల్లోకాదమృతా భవంతి ॥ 5॥
॥ ఇతి కేనోపనిషది ద్వితీయః ఖండః ॥
Browse Related Categories:
Offered for worship and study, not as prediction. Non-commercial.