অষ্টাবক্র গীতা প্রথমোঽধ্য়ায়ঃ

অহং কর্তেত্যহংমানমহাকৃষ্ণাহিদংশিতঃ । নাহং কর্তেতি বিশ্বাসামৃতং পীত্বা সুখং চর ॥ 1-8॥

একো বিশুদ্ধবোধোঽহমিতি নিশ্চযবহ্নিনা । প্রজ্বাল্য়াজ্ঞানগহনং বীতশোকঃ সুখী ভব ॥ 1-9॥

যত্র বিশ্বমিদং ভাতি কল্পিতং রজ্জুসর্পবত্ । আনংদপরমানংদঃ স বোধস্ত্বং সুখং ভব ॥ 1-10॥

মুক্তাভিমানী মুক্তো হি বদ্ধো বদ্ধাভিমান্যপি । কিংবদংতীহ সত্য়েয়ং যা মতিঃ সা গতির্ভবেত্ ॥ 1-11॥

আত্মা সাক্ষী বিভুঃ পূর্ণ একো মুক্তশ্চিদক্রিয়ঃ । অসংগো নিঃস্পৃহঃ শাংতো ভ্রমাত্সংসারবানিব ॥ 1-12॥

কূটস্থং বোধমদ্বৈতমাত্মানং পরিভাবয় । আভাসোঽহং ভ্রমং মুক্ত্বা ভাবং বাহ্যমথাংতরম্ ॥ 1-13॥

দেহাভিমানপাশেন চিরং বদ্ধোঽসি পুত্রক । বোধোঽহং জ্ঞানখড্গেন তন্নিকৃত্য় সুখী ভব ॥ 1-14॥

নিঃসংগো নিষ্ক্রিয়োঽসি ত্বং স্বপ্রকাশো নিরংজনঃ । অযমেব হি তে বংধঃ সমাধিমনুতিষ্ঠসি ॥ 1-15॥

ত্বয়া ব্য়াপ্তমিদং বিশ্বং ত্বয়ি প্রোতং যথার্থতঃ । শুদ্ধবুদ্ধস্বরূপস্ত্বং মা গমঃ ক্ষুদ্রচিত্ততাম্ ॥ 1-16॥

নিরপেক্ষো নির্বিকারো নির্ভরঃ শীতলাশয়ঃ । অগাধবুদ্ধিরক্ষুব্ধো ভব চিন্মাত্রবাসনঃ ॥ 1-17॥

সাকারমনৃতং বিদ্ধি নিরাকারং তু নিশ্চলম্ । এতত্তত্ত্বোপদেশেন ন পুনর্ভবসংভবঃ ॥ 1-18॥

যথৈবাদর্শমধ্যস্থে রূপেঽংতঃ পরিতস্তু সঃ । তথৈবাঽস্মিন্ শরীরেঽংতঃ পরিতঃ পরমেশ্বরঃ ॥ 1-19॥

একং সর্বগতং ব্য়োম বহিরংতর্যথা ঘটে । নিত্য়ং নিরংতরং ব্রহ্ম সর্বভূতগণে তথা ॥ 1-20॥

Browse Related Categories: