Chanakya Neethi · Traditional devotional text · Source: vignanam.org (Traditional devotional text (public-domain shlokas))
মুহূর্তমপি জীবেচ্চ নরঃ শুক্লেন কর্মণা । ন কল্পমপি কষ্টেন লোকদ্বযবিরোধিনা ॥ 01 ॥
গতে শোকো ন কর্তব্য়ো ভবিষ্য়ং নৈব চিংতয়েত্ । বর্তমানেন কালেন বর্তয়ংতি বিচক্ষণাঃ ॥ 02 ॥
স্বভাবেন হি তুষ্য়ংতি দেবাঃ সত্পুরুষাঃ পিতা । জ্ঞাতয়ঃ স্নানপানাভ্য়াং বাক্যদানেন পংডিতাঃ ॥ 03 ॥
আয়ুঃ কর্ম চ বিত্তং চ বিদ্য়া নিধনমেব চ । পংচৈতানি হি সৃজ্য়ংতে গর্ভস্থস্য়ৈব দেহিনঃ ॥ 04 (4.1) ॥
অহো বত বিচিত্রাণি চরিতানি মহাত্মনাম্ । লক্ষ্মীং তৃণায় মন্য়ংতে তদ্ভারেণ নমংতি চ ॥ 05 ॥
যস্য় স্নেহো ভয়ং তস্য় স্নেহো দুঃখস্য় ভাজনম্ । স্নেহমূলানি দুঃখানি তানি ত্যক্ত্বা বসেত্ সুখম্ ॥ 06 ॥
অনাগতবিধাতা চ প্রত্য়ুত্পন্নমতিস্তথা । দ্বাবেতৌ সুখমেধেতে যদ্ভবিষ্য়ো বিনশ্যতি ॥ 07 ॥
রাজ্ঞি ধর্মিণি ধর্মিষ্ঠাঃ পাপে পাপাঃ সমে সমাঃ । রাজানমনুবর্তংতে যথা রাজা তথা প্রজাঃ ॥ 08 ॥
জীবংতং মৃতবন্মন্য়ে দেহিনং ধর্মবর্জিতম্ । মৃতো ধর্মেণ সংয়ুক্তো দীর্ঘজীবী ন সংশয়ঃ ॥ 09 ॥
Offered for worship and study, not as prediction. Non-commercial.
More devotional texts
ধর্মার্থকামমোক্ষাণাং যস্য়ৈকোঽপি ন বিদ্যতে । অজাগলস্তনস্য়েব তস্য় জন্ম নিরর্থকম্ ॥ 10 ॥
দহ্যমানাঃ সুতীব্রেণ নীচাঃ পরযশোঽগ্নিনা । অশক্তাস্তত্পদং গংতুং ততো নিংডাং প্রকুর্বতে ॥ 11 ॥
বংধায় বিষয়াসংগো মুক্ত্য়ৈ নির্বিষয়ং মনঃ । মন এব মনুষ্য়াণাং কারণং বংধমোক্ষয়োঃ ॥ 12 ॥
দেহাভিমানে গলিতং জ্ঞানেন পরমাত্মনি । যত্র যত্র মনো যাতি তত্র তত্র সমাধয়ঃ ॥ 13 ॥
ঈপ্সিতং মনসঃ সর্বং কস্য় সংপদ্যতে সুখম্ । দৈবাযত্তং যতঃ সর্বং তস্মাত্সংতোষমাশ্রয়েত্ ॥ 14 ॥
যথা ধেনুসহস্রেষু বত্সো গচ্ছতি মাতরম্ । তথা যচ্চ কৃতং কর্ম কর্তারমনুগচ্ছতি ॥ 15 ॥
অনবস্থিতকার্যস্য় ন জনে ন বনে সুখম্ । জনো দহতি সংসর্গাদ্বনং সংগবিবর্জনাত্ ॥ 16 ॥
খনিত্বা হি খনিত্রেণ ভূতলে বারি বিংদতি । তথা গুরুগতাং বিদ্য়াং শুশ্রূষুরধিগচ্ছতি ॥ 17 ॥
কর্মাযত্তং ফলং পুংসাং বুদ্ধিঃ কর্মানুসারিণী । তথাপি সুধিযশ্চার্য়া সুবিচার্য়ৈব কুর্বতে ॥ 18 ॥
একাক্ষরপ্রদাতারং যো গুরুং নাভিবংদতে । শ্বানয়োনিশতং গত্বা চাংডালেষ্বভিজাযতে ॥ 19 ॥
যুগাংতে প্রচলেন্মেরুঃ কল্পাংতে সপ্ত সাগরাঃ । সাধবঃ প্রতিপন্নার্থান্ন চলংতি কদাচন ॥ 20 ॥
পৃথিব্য়াং ত্রীণি রত্নানি জলমন্নং সুভাষিতম্ । মূঢৈঃ পাষাণখংডেষু রত্নসংজ্ঞা বিধীযতে ॥ 21 ॥
Browse Related Categories: