Sri Krishna · Traditional devotional text · Source: vignanam.org (Traditional devotional text (public-domain shlokas))
॥ অষ্টমঃ সর্গঃ ॥ ॥ বিলক্ষ্যলক্ষ্মীপতিঃ ॥
অথ কথমপি যামিনীং বিনীয় স্মরশরজর্জরিতাপি সা প্রভাতে । অনুনযবচনং বদংতমগ্রে প্রণতমপি প্রিযমাহ সাভ্যসূযম্ ॥ 49 ॥
Offered for worship and study, not as prediction. Non-commercial.
More devotional texts
॥ গীতং 17 ॥
রজনিজনিতগুরুজাগররাগকষায়িতমলসনিবেশম্ । বহতি নযনমনুরাগমিব স্ফুটমুদিতরসাভিনিবেশম্ ॥ হরিহরি যাহি মাধব যাহি কেশব মা বদ কৈতববাদং তামনুসর সরসীরুহলোচন যা তব হরতি বিষাদম্ ॥ 50 ॥
কজ্জলমলিনবিলোচনচুংবনবিরচিতনীলিমরূপম্ । দশনবসনমরুণং তব কৃষ্ণ তনোতি তনোরনুরূপম্ ॥ 2 ॥
বপুরনুহরতি তব স্মরসংগরখরনখরক্ষতরেখম্ । মরকতশকলকলিতকলধৌতলিপিরেব রতিজযলেখম্ ॥ 3 ॥
চরণকমলগলদলক্তকসিক্তমিদং তব হৃদযমুদারম্ । দর্শযতীব বহির্মদনদ্রুমনবকিসলযপরিবারম্ ॥ 4 ॥
দশনপদং ভবদধরগতং মম জনযতি চেতসি খেদম্ । কথযতি কথমধুনাপি ময়া সহ তব বপুরেতদভেদম্ ॥ 5 ॥
বহিরিব মলিনতরং তব কৃষ্ণ মনোঽপি ভবিষ্যতি নূনম্ । কথমথ বংচযসে জনমনুগতমসমশরজ্বরদূনম্ ॥ 6 ॥
ভ্রমতি ভবানবলাকবলায় বনেষু কিমত্র বিচিত্রম্ । প্রথযতি পূতনিকৈব বধূবধনির্দযবালচরিত্রম্ ॥ 7 ॥
শ্রীজযদেবভণিতরতিবংচিতখংডিতয়ুবতিবিলাপম্ । শৃণুত সুধামধুরং বিবুধা বিবুধালযতোঽপি দুরাপম্ ॥ 8 ॥
তদেবং পশ্য়ংত্য়াঃ প্রসরদনুরাগং বহিরিব প্রিয়াপাদালক্তচ্ছুরিতমরুণচ্ছাযহৃদযম্ । মমাদ্য় প্রখ্য়াতপ্রণযভরভংগেন কিতব ত্বদালোকঃ শোকাদপি কিমপি লজ্জাং জনযতি ॥ 50 ॥
॥ ইতি গীতগোবিংদে খংডিতাবর্ণনে বিলক্ষ্যলক্ষ্মীপতির্নাম অষ্ঠমঃ সর্গঃ ॥
Browse Related Categories: