Vishnu · Traditional devotional text · Source: vignanam.org (Traditional devotional text (public-domain shlokas))
গরুডগমন তব চরণকমলমিহ মনসি লসতু মম নিত্যম্ মনসি লসতু মম নিত্যম্ । মম তাপমপাকুরু দেব, মম পাপমপাকুরু দেব ॥ ধ্রু.॥
জলজনযন বিধিনমুচিহরণমুখ বিবুধবিনুত-পদপদ্ম মম তাপমপাকুরু দেব, মম পাপমপাকুরু দেব ॥ 1॥
ভুজগশযন ভব মদনজনক মম জননমরণ-ভযহারিন্ মম তাপমপাকুরু দেব, মম পাপমপাকুরু দেব ॥ 2॥
শংখচক্রধর দুষ্টদৈত্যহর সর্বলোক-শরণ মম তাপমপাকুরু দেব, মম পাপমপাকুরু দেব ॥ 3॥
অগণিত-গুণগণ অশরণশরণদ বিদলিত-সুররিপুজাল মম তাপমপাকুরু দেব, মম পাপমপাকুরু দেব ॥ 4॥
ভক্তবর্যমিহ ভূরিকরুণয়া পাহি ভারতীতীর্থম্ মম তাপমপাকুরু দেব, মম পাপমপাকুরু দেব ॥ 5॥
ইতি জগদ্গুরু শৃংগেরী পীঠাধিপতি ভারতীতীর্থস্বামিনা বিরচিতং মহাবিষ্ণুস্তোত্রং সংপূর্ণম্ ।
Browse Related Categories:
Offered for worship and study, not as prediction. Non-commercial.
More devotional texts