নারাযণীয়ং দশক 44 - নামকরণসংস্কারাদি

গূঢং বসুদেবগিরা কর্তুং তে নিষ্ক্রিযস্য় সংস্কারান্ । হৃদ্গতহোরাতত্ত্বো গর্গমুনিস্ত্বত্ গৃহং বিভো গতবান্ ॥1॥

নংদোঽথ নংদিতাত্মা বৃংদিষ্টং মানযন্নমুং যমিনাম্ । মংদস্মিতার্দ্রমূচে ত্বত্সংস্কারান্ বিধাতুমুত্সুকধীঃ ॥2॥

যদুবংশাচার্যত্বাত্ সুনিভৃতমিদমার্য় কার্যমিতি কথযন্ । গর্গো নির্গতপুলকশ্চক্রে তব সাগ্রজস্য় নামানি ॥3॥

কথমস্য় নাম কুর্বে সহস্রনাম্নো হ্যনংতনাম্নো বা । ইতি নূনং গর্গমুনিশ্চক্রে তব নাম নাম রহসি বিভো ॥4॥

কৃষিধাতুণকারাভ্য়াং সত্তানংদাত্মতাং কিলাভিলপত্ । জগদঘকর্ষিত্বং বা কথযদৃষিঃ কৃষ্ণনাম তে ব্যতনোত্ ॥5॥

অন্য়াংশ্চ নামভেদান্ ব্য়াকুর্বন্নগ্রজে চ রামাদীন্ । অতিমানুষানুভাবং ন্যগদত্ত্বামপ্রকাশযন্ পিত্রে ॥6॥

স্নিহ্যতি যস্তব পুত্রে মুহ্যতি স ন মায়িকৈঃ পুনঃ শোকৈঃ । দ্রুহ্যতি যঃ স তু নশ্য়েদিত্যবদত্তে মহত্ত্বমৃষিবর্য়ঃ ॥7॥

জেষ্যতি বহুতরদৈত্য়ান্ নেষ্যতি নিজবংধুলোকমমলপদম্ । শ্রোষ্যসি সুবিমলকীর্তীরস্য়েতি ভবদ্বিভূতিমৃষিরূচে ॥8॥