নারাযণীয়ং দশক 63 - গোবর্ধনোদ্ধারণম্

দদৃশিরে কিল তত্ক্ষণমক্ষত- স্তনিতজৃংভিতকংপিতদিক্তটাঃ । সুষময়া ভবদংগতুলাং গতা ব্রজপদোপরি বারিধরাস্ত্বয়া ॥1॥

বিপুলকরকমিশ্রৈস্তোযধারানিপাতৈ- র্দিশিদিশি পশুপানাং মংডলে দংড্যমানে । কুপিতহরিকৃতান্নঃ পাহি পাহীতি তেষাং বচনমজিত শ্রৃণ্বন্ মা বিভীতেত্যভাণীঃ ॥2॥

কুল ইহ খলু গোত্রো দৈবতং গোত্রশত্রো- র্বিহতিমিহ স রুংধ্য়াত্ কো নু বঃ সংশয়োঽস্মিন্ । ইতি সহসিতবাদী দেব গোবর্দ্ধনাদ্রিং ত্বরিতমুদমুমূলো মূলতো বালদোর্ভ্য়াম্ ॥3॥

তদনু গিরিবরস্য় প্রোদ্ধৃতস্য়াস্য় তাবত্ সিকতিলমৃদুদেশে দূরতো বারিতাপে । পরিকরপরিমিশ্রান্ ধেনুগোপানধস্তা- দুপনিদধদধত্থা হস্তপদ্মেন শৈলম্ ॥4॥

ভবতি বিধৃতশৈলে বালিকাভির্বযস্য়ৈ- রপি বিহিতবিলাসং কেলিলাপাদিলোলে । সবিধমিলিতধেনূরেকহস্তেন কংডূ- যতি সতি পশুপালাস্তোষমৈষংত সর্বে ॥5॥

অতিমহান্ গিরিরেষ তু বামকে করসরোরুহি তং ধরতে চিরম্ । কিমিদমদ্ভুতমদ্রিবলং ন্বিতি ত্বদবলোকিভিরাকথি গোপকৈঃ ॥6॥

অহহ ধার্ষ্ট্যমমুষ্য় বটোর্গিরিং ব্যথিতবাহুরসাববরোপয়েত্ । ইতি হরিস্ত্বয়ি বদ্ধবিগর্হণো দিবসসপ্তকমুগ্রমবর্ষযত্ ॥7॥

অচলতি ত্বয়ি দেব পদাত্ পদং গলিতসর্বজলে চ ঘনোত্করে । অপহৃতে মরুতা মরুতাং পতি- স্ত্বদভিশংকিতধীঃ সমুপাদ্রবত্ ॥8॥