Vishnu · Traditional devotional text · Source: vignanam.org (Traditional devotional text (public-domain shlokas))
গোপীজনায় কথিতং নিযমাবসানে মারোত্সবং ত্বমথ সাধয়িতুং প্রবৃত্তঃ । সাংদ্রেণ চাংদ্রমহসা শিশিরীকৃতাশে প্রাপূরয়ো মুরলিকাং যমুনাবনাংতে ॥1॥
সম্মূর্ছনাভিরুদিতস্বরমংডলাভিঃ সম্মূর্ছয়ংতমখিলং ভুবনাংতরালম্ । ত্বদ্বেণুনাদমুপকর্ণ্য় বিভো তরুণ্য়- স্তত্তাদৃশং কমপি চিত্তবিমোহমাপুঃ ॥2॥
Offered for worship and study, not as prediction. Non-commercial.
More devotional texts
তা গেহকৃত্যনিরতাস্তনযপ্রসক্তাঃ কাংতোপসেবনপরাশ্চ সরোরুহাক্ষ্য়ঃ । সর্বং বিসৃজ্য় মুরলীরবমোহিতাস্তে কাংতারদেশময়ি কাংততনো সমেতাঃ ॥3॥
কাশ্চিন্নিজাংগপরিভূষণমাদধানা বেণুপ্রণাদমুপকর্ণ্য় কৃতার্ধভূষাঃ । ত্বামাগতা ননু তথৈব বিভূষিতাভ্য়- স্তা এব সংরুরুচিরে তব লোচনায় ॥4॥
হারং নিতংবভুবি কাচন ধারয়ংতী কাংচীং চ কংঠভুবি দেব সমাগতা ত্বাম্ । হারিত্বমাত্মজঘনস্য় মুকুংদ তুভ্য়ং ব্যক্তং বভাষ ইব মুগ্ধমুখী বিশেষাত্ ॥5॥
কাচিত্ কুচে পুনরসজ্জিতকংচুলীকা ব্য়ামোহতঃ পরবধূভিরলক্ষ্যমাণা । ত্বামাযয়ৌ নিরুপমপ্রণয়াতিভার- রাজ্য়াভিষেকবিধয়ে কলশীধরেব ॥6॥
কাশ্চিত্ গৃহাত্ কিল নিরেতুমপারয়ংত্য়- স্ত্বামেব দেব হৃদয়ে সুদৃঢং বিভাব্য় । দেহং বিধূয় পরচিত্সুখরূপমেকং ত্বামাবিশন্ পরমিমা ননু ধন্যধন্য়াঃ ॥7॥
জারাত্মনা ন পরমাত্মতয়া স্মরংত্য়ো নার্য়ো গতাঃ পরমহংসগতিং ক্ষণেন । তং ত্বাং প্রকাশপরমাত্মতনুং কথংচি- চ্চিত্তে বহন্নমৃতমশ্রমমশ্নুবীয় ॥8॥
অভ্য়াগতাভিরভিতো ব্রজসুংদরীভি- র্মুগ্ধস্মিতার্দ্রবদনঃ করুণাবলোকী । নিস্সীমকাংতিজলধিস্ত্বমবেক্ষ্যমাণো বিশ্বৈকহৃদ্য় হর মে পবনেশ রোগান্ ॥9॥
Browse Related Categories: