Vishnu · Traditional devotional text · Source: vignanam.org (Traditional devotional text (public-domain shlokas))
তব বিলোকনাদ্গোপিকাজনাঃ প্রমদসংকুলাঃ পংকজেক্ষণ । অমৃতধারয়া সংপ্লুতা ইব স্তিমিততাং দধুস্ত্বত্পুরোগতাঃ ॥1॥
তদনু কাচন ত্বত্করাংবুজং সপদি গৃহ্ণতী নির্বিশংকিতম্ । ঘনপয়োধরে সন্নিধায় সা পুলকসংবৃতা তস্থুষী চিরম্ ॥2॥
Offered for worship and study, not as prediction. Non-commercial.
More devotional texts
তব বিভোঽপরা কোমলং ভুজং নিজগলাংতরে পর্যবেষ্টযত্ । গলসমুদ্গতং প্রাণমারুতং প্রতিনিরুংধতীবাতিহর্ষুলা ॥3॥
অপগতত্রপা কাপি কামিনী তব মুখাংবুজাত্ পূগচর্বিতম্ । প্রতিগৃহয়্য় তদ্বক্ত্রপংকজে নিদধতী গতা পূর্ণকামতাম্ ॥4॥
বিকরুণো বনে সংবিহায় মামপগতোঽসি কা ত্বামিহ স্পৃশেত্ । ইতি সরোষয়া তাবদেকয়া সজললোচনং বীক্ষিতো ভবান্ ॥5॥
ইতি মুদাঽঽকুলৈর্বল্লবীজনৈঃ সমমুপাগতো যামুনে তটে । মৃদুকুচাংবরৈঃ কল্পিতাসনে ঘুসৃণভাসুরে পর্যশোভথাঃ ॥6॥
কতিবিধা কৃপা কেঽপি সর্বতো ধৃতদয়োদয়াঃ কেচিদাশ্রিতে । কতিচিদীদৃশা মাদৃশেষ্বপীত্যভিহিতো ভবান্ বল্লবীজনৈঃ ॥7॥
অয়ি কুমারিকা নৈব শংক্যতাং কঠিনতা ময়ি প্রেমকাতরে । ময়ি তু চেতসো বোঽনুবৃত্তয়ে কৃতমিদং ময়েত্য়ূচিবান্ ভবান্ ॥8॥
অয়ি নিশম্যতাং জীববল্লভাঃ প্রিযতমো জনো নেদৃশো মম । তদিহ রম্যতাং রম্যয়ামিনীষ্বনুপরোধমিত্য়ালপো বিভো ॥9॥
ইতি গিরাধিকং মোদমেদুরৈর্ব্রজবধূজনৈঃ সাকমারমন্ । কলিতকৌতুকো রাসখেলনে গুরুপুরীপতে পাহি মাং গদাত্ ॥10॥
Browse Related Categories: