Vishnu · Traditional devotional text · Source: vignanam.org (Traditional devotional text (public-domain shlokas))
কংসোঽথ নারদগিরা ব্রজবাসিনং ত্বা- মাকর্ণ্য় দীর্ণহৃদয়ঃ স হি গাংদিনেযম্ । আহূয় কার্মুকমখচ্ছলতো ভবংত- মানেতুমেনমহিনোদহিনাথশায়িন্ ॥1॥
অক্রূর এষ ভবদংঘ্রিপরশ্চিরায় ত্বদ্দর্শনাক্ষমমনাঃ ক্ষিতিপালভীত্য়া । তস্য়াজ্ঞয়ৈব পুনরীক্ষিতুমুদ্যতস্ত্বা- মানংদভারমতিভূরিতরং বভার ॥2॥
সোঽয়ং রথেন সুকৃতী ভবতো নিবাসং গচ্ছন্ মনোরথগণাংস্ত্বয়ি ধার্যমাণান্ । আস্বাদযন্ মুহুরপাযভয়েন দৈবং সংপ্রার্থযন্ পথি ন কিংচিদপি ব্যজানাত্ ॥3॥
দ্রক্ষ্য়ামি বেদশতগীতগতিং পুমাংসং স্প্রক্ষ্য়ামি কিংস্বিদপি নাম পরিষ্বজেযম্ । কিং বক্ষ্যতে স খলু মাং ক্বনু বীক্ষিতঃ স্য়া- দিত্থং নিনায় স ভবন্মযমেব মার্গম্ ॥4॥
ভূয়ঃ ক্রমাদভিবিশন্ ভবদংঘ্রিপূতং বৃংদাবনং হরবিরিংচসুরাভিবংদ্যম্ । আনংদমগ্ন ইব লগ্ন ইব প্রমোহে কিং কিং দশাংতরমবাপ ন পংকজাক্ষ ॥5॥
পশ্যন্নবংদত ভবদ্বিহৃতিস্থলানি পাংসুষ্ববেষ্টত ভবচ্চরণাংকিতেষু । কিং ব্রূমহে বহুজনা হি তদাপি জাতা এবং তু ভক্তিতরলা বিরলাঃ পরাত্মন্ ॥6॥
সায়ং স গোপভবনানি ভবচ্চরিত্র- গীতামৃতপ্রসৃতকর্ণরসাযনানি । পশ্যন্ প্রমোদসরিতেব কিলোহ্যমানো গচ্ছন্ ভবদ্ভবনসন্নিধিমন্বয়াসীত্ ॥7॥
তাবদ্দদর্শ পশুদোহবিলোকলোলং ভক্তোত্তমাগতিমিব প্রতিপালয়ংতম্ । ভূমন্ ভবংতমযমগ্রজবংতমংত- র্ব্রহ্মানুভূতিরসসিংধুমিবোদ্বমংতম্ ॥8॥
Offered for worship and study, not as prediction. Non-commercial.
More devotional texts
সায়ংতনাপ্লববিশেষবিবিক্তগাত্রৌ দ্বৌ পীতনীলরুচিরাংবরলোভনীয়ৌ । নাতিপ্রপংচধৃতভূষণচারুবেষৌ মংদস্মিতার্দ্রবদনৌ স যুবাং দদর্শ ॥9॥
দূরাদ্রথাত্সমবরুহ্য় নমংতমেন- মুত্থাপ্য় ভক্তকুলমৌলিমথোপগূহন্ । হর্ষান্মিতাক্ষরগিরা কুশলানুয়োগী পাণিং প্রগৃহ্য় সবলোঽথ গৃহং নিনেথ ॥10॥
নংদেন সাকমমিতাদরমর্চয়িত্বা তং যাদবং তদুদিতাং নিশময়্য় বার্তাম্ । গোপেষু ভূপতিনিদেশকথাং নিবেদ্য় নানাকথাভিরিহ তেন নিশামনৈষীঃ ॥11॥
চংদ্রাগৃহে কিমুত চংদ্রভগাগৃহে নু রাধাগৃহে নু ভবনে কিমু মৈত্রবিংদে । ধূর্তো বিলংবত ইতি প্রমদাভিরুচ্চৈ- রাশংকিতো নিশি মরুত্পুরনাথ পায়াঃ ॥12॥
Browse Related Categories: