Vishnu · Traditional devotional text · Source: vignanam.org (Traditional devotional text (public-domain shlokas))
রামেঽথ গোকুলগতে প্রমদাপ্রসক্তে হূতানুপেতযমুনাদমনে মদাংধে । স্বৈরং সমারমতি সেবকবাদমূঢো দূতং ন্যয়ুংক্ত তব পৌংড্রকবাসুদেবঃ ॥1॥
নারাযণোঽহমবতীর্ণ ইহাস্মি ভূমৌ ধত্সে কিল ত্বমপি মামকলক্ষণানি । উত্সৃজ্য় তানি শরণং ব্রজ মামিতি ত্বাং দূতো জগাদ সকলৈর্হসিতঃ সভায়াম্ ॥2॥
Offered for worship and study, not as prediction. Non-commercial.
More devotional texts
দূতেঽথ যাতবতি যাদবসৈনিকৈস্ত্বং যাতো দদর্শিথ বপুঃ কিল পৌংড্রকীযম্ । তাপেন বক্ষসি কৃতাংকমনল্পমূল্য়- শ্রীকৌস্তুভং মকরকুংডলপীতচেলম্ ॥3॥
কালাযসং নিজসুদর্শনমস্যতোঽস্য় কালানলোত্করকিরেণ সুদর্শনেন । শীর্ষং চকর্তিথ মমর্দিথ চাস্য় সেনাং তন্মিত্রকাশিপশিরোঽপি চকর্থ কাশ্য়াম্ ॥4॥
জাল্য়েন বালকগিরাঽপি কিলাহমেব শ্রীবাসুদেব ইতি রূঢমতিশ্চিরং সঃ । সায়ুজ্যমেব ভবদৈক্যধিয়া গতোঽভূত্ কো নাম কস্য় সুকৃতং কথমিত্যবেয়াত্ ॥5॥
কাশীশ্বরস্য় তনয়োঽথ সুদক্ষিণাখ্য়ঃ শর্বং প্রপূজ্য় ভবতে বিহিতাভিচারঃ । কৃত্য়ানলং কমপি বাণ্ররণাতিভীতৈ- র্ভূতৈঃ কথংচন বৃতৈঃ সমমভ্যমুংচত্ ॥6॥
তালপ্রমাণচরণামখিলং দহংতীং কৃত্য়াং বিলোক্য় চকিতৈঃ কথিতোঽপি পৌরৈঃ । দ্য়ূতোত্সবে কিমপি নো চলিতো বিভো ত্বং পার্শ্বস্থমাশু বিসসর্জিথ কালচক্রম্ ॥7॥
অভ্য়াপতত্যমিতধাম্নি ভবন্মহাস্ত্রে হা হেতি বিদ্রুতবতী খলু ঘোরকৃত্য়া। রোষাত্ সুদক্ষিণমদক্ষিণচেষ্টিতং তং পুপ্লোষ চক্রমপি কাশিপুরীমধাক্ষীত্ ॥8॥
স খলু বিবিদো রক্ষোঘাতে কৃতোপকৃতিঃ পুরা তব তু কলয়া মৃত্য়ুং প্রাপ্তুং তদা খলতাং গতঃ । নরকসচিবো দেশক্লেশং সৃজন্ নগরাংতিকে ঝটিতি হলিনা যুধ্যন্নদ্ধা পপাত তলাহতঃ ॥9॥
সাংবং কৌরব্যপুত্রীহরণনিযমিতং সাংত্বনার্থী কুরূণাং যাতস্তদ্বাক্যরোষোদ্ধৃতকরিনগরো মোচয়ামাস রামঃ । তে ঘাত্য়াঃ পাংডবেয়ৈরিতি যদুপৃতনাং নামুচস্ত্বং তদানীং তং ত্বাং দুর্বোধলীলং পবনপুরপতে তাপশাংত্য়ৈ নিষেবে ॥10॥
Browse Related Categories: