শিব নামাবল্যষ্টকং (নামাবলী অষ্টকং)

হে চংদ্রচূড মদনাংতক শূলপাণে স্থাণো গিরীশ গিরিজেশ মহেশ শংভো । ভূতেশ ভীতভযসূদন মামনাথং সংসারদুঃখগহনাজ্জগদীশ রক্ষ ॥ 1 ॥

হে পার্বতীহৃদযবল্লভ চংদ্রমৌলে ভূতাধিপ প্রমথনাথ গিরীশচাপ । হে বামদেব ভব রুদ্র পিনাকপাণে সংসারদুঃখগহনাজ্জগদীশ রক্ষ ॥ 2 ॥

হে নীলকংঠ বৃষভধ্বজ পংচবক্ত্র লোকেশ শেষবলয় প্রমথেশ শর্ব । হে ধূর্জটে পশুপতে গিরিজাপতে মাং সংসারদুঃখগহনাজ্জগদীশ রক্ষ ॥ 3 ॥

হে বিশ্বনাথ শিব শংকর দেবদেব গংগাধর প্রমথনাযক নংদিকেশ । বাণেশ্বরাংধকরিপো হর লোকনাথ সংসারদুঃখগহনাজ্জগদীশ রক্ষ ॥ 4 ॥

বারাণসীপুরপতে মণিকর্ণিকেশ বীরেশ দক্ষমখকাল বিভো গণেশ । সর্বজ্ঞ সর্বহৃদয়ৈকনিবাস নাথ সংসারদুঃখগহনাজ্জগদীশ রক্ষ ॥ 5 ॥

শ্রীমন্মহেশ্বর কৃপাময় হে দয়ালো হে ব্য়োমকেশ শিতিকংঠ গণাধিনাথ । ভস্মাংগরাগ নৃকপালকলাপমাল সংসারদুঃখগহনাজ্জগদীশ রক্ষ ॥ 6 ॥

কৈলাসশৈলবিনিবাস বৃষাকপে হে মৃত্য়ুংজয় ত্রিনযন ত্রিজগন্নিবাস । নারাযণপ্রিয় মদাপহ শক্তিনাথ সংসারদুঃখগহনাজ্জগদীশ রক্ষ ॥ 7 ॥

বিশ্বেশ বিশ্বভবনাশক বিশ্বরূপ বিশ্বাত্মক ত্রিভুবনৈকগুণাধিকেশ । হে বিশ্বনাথ করুণাময় দীনবংধো সংসারদুঃখগহনাজ্জগদীশ রক্ষ ॥ 8 ॥