বিবেক চূডামণি

উদ্ধরেদাত্মনাঽঽত্মানং মগ্নং সংসারবারিধৌ । যোগারূঢত্বমাসাদ্য় সম্যগ্দর্শননিষ্ঠয়া ॥ 9॥

সন্ন্যস্য় সর্বকর্মাণি ভববংধবিমুক্তয়ে । যত্যতাং পংডিতৈর্ধীরৈরাত্মাভ্য়াস উপস্থিতৈঃ ॥ 10॥

চিত্তস্য় শুদ্ধয়ে কর্ম ন তু বস্তূপলব্ধয়ে । বস্তুসিদ্ধির্বিচারেণ ন কিংচিত্কর্মকোটিভিঃ ॥ 11॥

সম্যগ্বিচারতঃ সিদ্ধা রজ্জুতত্ত্বাবধারণা । ভ্রাংতোদিতমহাসর্পভযদুঃখবিনাশিনী ॥ 12॥ (পাঠভেদঃ - ভ্রাংত্য়ো) অর্থস্য় নিশ্চয়ো দৃষ্টো বিচারেণ হিতোক্তিতঃ । ন স্নানেন ন দানেন প্রাণায়ামশতেন বা ॥ 13॥

অধিকারিণমাশাস্তে ফলসিদ্ধির্বিশেষতঃ । উপায়া দেশকালাদ্য়াঃ সংত্যস্মিন্সহকারিণঃ ॥ 14॥ (পাঠভেদঃ - সংত্যস্য়াং) অতো বিচারঃ কর্তব্য়ো জিজ্ঞাসোরাত্মবস্তুনঃ ॥

সমাসাদ্য় দয়াসিংধুং গুরুং ব্রহ্মবিদুত্তমম্ ॥ 15॥

মেধাবী পুরুষো বিদ্বানূহাপোহবিচক্ষণঃ । অধিকার্য়াত্মবিদ্য়ায়ামুক্তলক্ষণলক্ষিতঃ ॥ 16॥

বিবেকিনো বিরক্তস্য় শমাদিগুণশালিনঃ । মুমুক্ষোরেব হি ব্রহ্মজিজ্ঞাসায়োগ্যতা মতা ॥ 17॥

সাধনান্যত্র চত্বারি কথিতানি মনীষিভিঃ । যেষু সত্স্বেব সন্নিষ্ঠা যদভাবে ন সিধ্যতি ॥ 18॥

আদৌ নিত্য়ানিত্যবস্তুবিবেকঃ পরিগণ্যতে । ইহামুত্রফলভোগবিরাগস্তদনংতরম্ । শমাদিষট্কসংপত্তির্মুমুক্ষুত্বমিতি স্ফুটম্ ॥ 19॥

ব্রহ্ম সত্য়ং জগন্মিথ্য়েত্য়েবংরূপো বিনিশ্চয়ঃ । সোঽয়ং নিত্য়ানিত্যবস্তুবিবেকঃ সমুদাহৃতঃ ॥ 20॥

তদ্বৈরাগ্য়ং জিহাসা যা দর্শনশ্রবণাদিভিঃ । (পাঠভেদঃ - জুগুপ্সা যা) দেহাদিব্রহ্মপর্য়ংতে হ্যনিত্য়ে ভোগবস্তুনি ॥ 21॥ (পাঠভেদঃ - ভোগ্যবস্তুনি) বিরজ্য় বিষযব্রাতাদ্দোষদৃষ্ট্য়া মুহুর্মুহুঃ । স্বলক্ষ্য়ে নিযতাবস্থা মনসঃ শম উচ্যতে ॥ 22॥

বিষয়েভ্য়ঃ পরাবর্ত্য় স্থাপনং স্বস্বগোলকে । উভয়েষামিংদ্রিয়াণাং স দমঃ পরিকীর্তিতঃ । বাহ্য়ানালংবনং বৃত্তেরেষোপরতিরুত্তমা ॥ 23॥

সহনং সর্বদুঃখানামপ্রতীকারপূর্বকম্ । চিংতাবিলাপরহিতং সা তিতিক্ষা নিগদ্যতে ॥ 24॥

শাস্ত্রস্য় গুরুবাক্যস্য় সত্যবুদ্ধ্যবধারণম্ । (পাঠভেদঃ - সত্যবুদ্ধ্য়াবধারণা) সা শ্রদ্ধা কথিতা সদ্ভির্যয়া বস্তূপলভ্যতে ॥ 25॥

সর্বদা স্থাপনং বুদ্ধেঃ শুদ্ধে ব্রহ্মণি সর্বদা । (পাঠভেদঃ - সম্যগাস্থাপনং) তত্সমাধানমিত্য়ুক্তং ন তু চিত্তস্য় লালনম্ ॥ 26॥

অহংকারাদিদেহাংতান্ বংধানজ্ঞানকল্পিতান্ । স্বস্বরূপাববোধেন মোক্তুমিচ্ছা মুমুক্ষুতা ॥ 27॥

মংদমধ্যমরূপাপি বৈরাগ্য়েণ শমাদিনা । প্রসাদেন গুরোঃ সেয়ং প্রবৃদ্ধা সূযতে ফলম্ ॥ 28॥

বৈরাগ্য়ং চ মুমুক্ষুত্বং তীব্রং যস্য় তু বিদ্যতে । তস্মিন্নেবার্থবংতঃ স্য়ুঃ ফলবংতঃ শমাদয়ঃ ॥ 29॥

এতয়োর্মংদতা যত্র বিরক্তত্বমুমুক্ষয়োঃ । মরৌ সলিলবত্তত্র শমাদের্ভানমাত্রতা ॥ 30॥

মোক্ষকারণসামগ্র্য়াং ভক্তিরেব গরীযসী । স্বস্বরূপানুসংধানং ভক্তিরিত্যভিধীযতে ॥ 31॥

স্বাত্মতত্ত্বানুসংধানং ভক্তিরিত্যপরে জগুঃ । উক্তসাধনসংপন্নস্তত্ত্বজিজ্ঞাসুরাত্মনঃ । উপসীদেদ্গুরুং প্রাজ্ঞং যস্মাদ্বংধবিমোক্ষণম্ ॥ 32॥

শ্রোত্রিয়োঽবৃজিনোঽকামহতো যো ব্রহ্মবিত্তমঃ । ব্রহ্মণ্য়ুপরতঃ শাংতো নিরিংধন ইবানলঃ । অহেতুকদয়াসিংধুর্বংধুরানমতাং সতাম্ ॥ 33॥

তমারাধ্য় গুরুং ভক্ত্য়া প্রহ্বপ্রশ্রযসেবনৈঃ । (পাঠভেদঃ - প্রহ্বঃ) প্রসন্নং তমনুপ্রাপ্য় পৃচ্ছেজ্জ্ঞাতব্যমাত্মনঃ ॥ 34॥

স্বামিন্নমস্তে নতলোকবংধো কারুণ্যসিংধো পতিতং ভবাব্ধৌ । মামুদ্ধরাত্মীযকটাক্ষদৃষ্ট্য়া ঋজ্ব্য়াতিকারুণ্যসুধাভিবৃষ্ট্য়া ॥ 35॥

দুর্বারসংসারদবাগ্নিতপ্তং দোধূযমানং দুরদৃষ্টবাতৈঃ । ভীতং প্রপন্নং পরিপাহি মৃত্য়োঃ শরণ্যমন্যদ্যদহং ন জানে ॥ 36॥ (পাঠভেদঃ - অন্য়ং)

শাংতা মহাংতো নিবসংতি সংতো বসংতবল্লোকহিতং চরংতঃ । তীর্ণাঃ স্বয়ং ভীমভবার্ণবং জনা- নহেতুনান্য়ানপি তারয়ংতঃ ॥ 37॥

অয়ং স্বভাবঃ স্বত এব যত্পর- শ্রমাপনোদপ্রবণং মহাত্মনাম্ । সুধাংশুরেষ স্বযমর্ককর্কশ- প্রভাভিতপ্তামবতি ক্ষিতিং কিল ॥ 38॥

ব্রহ্মানংদরসানুভূতিকলিতৈঃ পূতৈঃ সুশীতৈর্য়ুতৈ- (পাঠভেদঃ - সুশীতৈঃ সিতৈঃ) র্য়ুষ্মদ্বাক্কলশোজ্ঝিতৈঃ শ্রুতিসুখৈর্বাক্য়ামৃতৈঃ সেচয় । সংতপ্তং ভবতাপদাবদহনজ্বালাভিরেনং প্রভো ধন্য়াস্তে ভবদীক্ষণক্ষণগতেঃ পাত্রীকৃতাঃ স্বীকৃতাঃ ॥ 39॥

কথং তরেয়ং ভবসিংধুমেতং কা বা গতির্মে কতমোঽস্ত্য়ুপায়ঃ । জানে ন কিংচিত্কৃপয়াঽব মাং প্রভো সংসারদুঃখক্ষতিমাতনুষ্ব ॥ 40॥

তথা বদংতং শরণাগতং স্বং সংসারদাবানলতাপতপ্তম্ । নিরীক্ষ্য় কারুণ্যরসার্দ্রদৃষ্ট্য়া দদ্য়াদভীতিং সহসা মহাত্মা ॥ 41॥

বিদ্বান্ স তস্মা উপসত্তিমীয়ুষে মুমুক্ষবে সাধু যথোক্তকারিণে । প্রশাংতচিত্তায় শমান্বিতায় তত্ত্বোপদেশং কৃপয়ৈব কুর্য়াত্ ॥ 42॥

মা ভৈষ্ট বিদ্বংস্তব নাস্ত্যপায়ঃ সংসারসিংধোস্তরণেঽস্ত্য়ুপায়ঃ । যেনৈব যাতা যতয়োঽস্য় পারং তমেব মার্গং তব নির্দিশামি ॥ 43॥

অস্ত্য়ুপায়ো মহান্কশ্চিত্সংসারভযনাশনঃ । তেন তীর্ত্বা ভবাংভোধিং পরমানংদমাপ্স্যসি ॥ 44॥

বেদাংতার্থবিচারেণ জাযতে জ্ঞানমুত্তমম্ । তেনাত্য়ংতিকসংসারদুঃখনাশো ভবত্যনু ॥ 45॥

শ্রদ্ধাভক্তিধ্য়ানয়োগান্মুমুক্ষোঃ মুক্তের্হেতূন্বক্তি সাক্ষাচ্ছ্রুতের্গীঃ । যো বা এতেষ্বেব তিষ্ঠত্যমুষ্য় মোক্ষোঽবিদ্য়াকল্পিতাদ্দেহবংধাত্ ॥ 46॥

অজ্ঞানয়োগাত্পরমাত্মনস্তব হ্যনাত্মবংধস্তত এব সংসৃতিঃ । তয়োর্বিবেকোদিতবোধবহ্নিঃ অজ্ঞানকার্য়ং প্রদহেত্সমূলম্ ॥ 47॥

শিষ্য় উবাচ

কৃপয়া শ্রূযতাং স্বামিন্প্রশ্নোঽয়ং ক্রিযতে ময়া । যদুত্তরমহং শ্রুত্বা কৃতার্থঃ স্য়াং ভবন্মুখাত্ ॥ 48

কো নাম বংধঃ কথমেষ আগতঃ কথং প্রতিষ্ঠাস্য় কথং বিমোক্ষঃ । কোঽসাবনাত্মা পরমঃ ক আত্মা তয়োর্বিবেকঃ কথমেতদুচ্যতাম্ ॥ 49॥

শ্রীগুরুবাচ

ধন্য়োঽসি কৃতকৃত্য়োঽসি পাবিতং তে কুলং ত্বয়া । (পাঠভেদঃ - পাবিতং) যদবিদ্য়াবংধমুক্ত্য়া ব্রহ্মীভবিতুমিচ্ছসি ॥ 50

ঋণমোচনকর্তারঃ পিতুঃ সংতি সুতাদয়ঃ । বংধমোচনকর্তা তু স্বস্মাদন্য়ো ন কশ্চন ॥ 51॥

মস্তকন্যস্তভারাদের্দুঃখমন্য়ৈর্নিবার্যতে । ক্ষুধাদিকৃতদুঃখং তু বিনা স্বেন ন কেনচিত্ ॥ 52॥

পথ্যমৌষধসেবা চ ক্রিযতে যেন রোগিণা । আরোগ্যসিদ্ধির্দৃষ্টাঽস্য় নান্য়ানুষ্ঠিতকর্মণা ॥ 53॥

বস্তুস্বরূপং স্ফুটবোধচক্ষুষা স্বেনৈব বেদ্য়ং ন তু পংডিতেন । চংদ্রস্বরূপং নিজচক্ষুষৈব জ্ঞাতব্যমন্য়ৈরবগম্যতে কিম্ ॥ 54॥

অবিদ্য়াকামকর্মাদিপাশবংধং বিমোচিতুম্ । কঃ শক্নুয়াদ্বিনাঽঽত্মানং কল্পকোটিশতৈরপি ॥ 55॥

ন যোগেন ন সাংখ্য়েন কর্মণা নো ন বিদ্যয়া । ব্রহ্মাত্মৈকত্ববোধেন মোক্ষঃ সিধ্যতি নান্যথা ॥ 56॥

বীণায়া রূপসৌংদর্য়ং তংত্রীবাদনসৌষ্ঠবম্ । প্রজারংজনমাত্রং তন্ন সাম্রাজ্য়ায় কল্পতে ॥ 57॥

বাগ্বৈখরী শব্দঝরী শাস্ত্রব্য়াখ্য়ানকৌশলম্ । বৈদুষ্য়ং বিদুষাং তদ্বদ্ভুক্তয়ে ন তু মুক্তয়ে ॥ 58॥

অবিজ্ঞাতে পরে তত্ত্বে শাস্ত্রাধীতিস্তু নিষ্ফলা । বিজ্ঞাতেঽপি পরে তত্ত্বে শাস্ত্রাধীতিস্তু নিষ্ফলা ॥ 59॥

শব্দজালং মহারণ্য়ং চিত্তভ্রমণকারণম্ । অতঃ প্রযত্নাজ্জ্ঞাতব্য়ং তত্ত্বজ্ঞৈস্তত্ত্বমাত্মনঃ ॥ 60॥ তত্ত্বজ্ঞাত্তত্ত্ব অজ্ঞানসর্পদষ্টস্য় ব্রহ্মজ্ঞানৌষধং বিনা । কিমু বেদৈশ্চ শাস্ত্রৈশ্চ কিমু মংত্রৈঃ কিমৌষধৈঃ ॥ 61॥

ন গচ্ছতি বিনা পানং ব্য়াধিরৌষধশব্দতঃ । বিনাঽপরোক্ষানুভবং ব্রহ্মশব্দৈর্ন মুচ্যতে ॥ 62॥

অকৃত্বা দৃশ্যবিলযমজ্ঞাত্বা তত্ত্বমাত্মনঃ । ব্রহ্মশব্দৈঃ কুতো মুক্তিরুক্তিমাত্রফলৈর্নৃণাম্ ॥ 63॥ (পাঠভেদঃ - বাহ্যশব্দৈঃ)

অকৃত্বা শত্রুসংহারমগত্বাখিলভূশ্রিযম্ । রাজাহমিতি শব্দান্নো রাজা ভবিতুমর্হতি ॥ 64॥

আপ্তোক্তিং খননং তথোপরিশিলাদ্য়ুত্কর্ষণং স্বীকৃতিং (পাঠভেদঃ - পরিশিলাপাকর্ষণং) নিক্ষেপঃ সমপেক্ষতে ন হি বহিঃশব্দৈস্তু নির্গচ্ছতি । তদ্বদ্ব্রহ্মবিদোপদেশমননধ্য়ানাদিভির্লভ্যতে মায়াকার্যতিরোহিতং স্বমমলং তত্ত্বং ন দুর্য়ুক্তিভিঃ ॥ 65॥

তস্মাত্সর্বপ্রযত্নেন ভববংধবিমুক্তয়ে । স্বৈরেব যত্নঃ কর্তব্য়ো রোগাদাবিব পংডিতৈঃ ॥ 66॥ (পাঠভেদঃ - রোগাদেরিব)

যস্ত্বয়াদ্য় কৃতঃ প্রশ্নো বরীয়াংছাস্ত্রবিন্মতঃ । (পাঠভেদঃ - সম্মতঃ) সূত্রপ্রায়ো নিগূঢার্থো জ্ঞাতব্যশ্চ মুমুক্ষুভিঃ ॥ 67॥

শঋণুষ্বাবহিতো বিদ্বন্যন্ময়া সমুদীর্যতে । তদেতচ্ছ্রবণাত্সদ্য়ো ভববংধাদ্বিমোক্ষ্যসে ॥ 68॥

মোক্ষস্য় হেতুঃ প্রথমো নিগদ্যতে বৈরাগ্যমত্য়ংতমনিত্যবস্তুষু । ততঃ শমশ্চাপি দমস্তিতিক্ষা ন্য়াসঃ প্রসক্তাখিলকর্মণাং ভৃশম্ ॥ 69॥

ততঃ শ্রুতিস্তন্মননং সতত্ত্ব- ধ্য়ানং চিরং নিত্যনিরংতরং মুনেঃ । ততোঽবিকল্পং পরমেত্য় বিদ্বান্ ইহৈব নির্বাণসুখং সমৃচ্ছতি ॥ 70॥

যদ্বোদ্ধব্য়ং তবেদানীমাত্মানাত্মবিবেচনম্ । তদুচ্যতে ময়া সম্যক্ শ্রুত্বাত্মন্যবধারয় ॥ 71॥

মজ্জাস্থিমেদঃপলরক্তচর্ম- ত্বগাহ্বয়ৈর্ধাতুভিরেভিরন্বিতম্ । পাদোরুবক্ষোভুজপৃষ্ঠমস্তকৈঃ অংগৈরুপাংগৈরুপয়ুক্তমেতত্ ॥ 72॥

অহম্মমেতি প্রথিতং শরীরং মোহাস্পদং স্থূলমিতীর্যতে বুধৈঃ । নভোনভস্বদ্দহনাংবুভূময়ঃ সূক্ষ্মাণি ভূতানি ভবংতি তানি ॥ 73॥

পরস্পরাংশৈর্মিলিতানি ভূত্বা স্থূলানি চ স্থূলশরীরহেতবঃ । মাত্রাস্তদীয়া বিষয়া ভবংতি শব্দাদয়ঃ পংচ সুখায় ভোক্তুঃ ॥ 74॥

য এষু মূঢা বিষয়েষু বদ্ধা রাগোরুপাশেন সুদুর্দমেন । আয়াংতি নির্য়াংত্যধ ঊর্ধ্বমুচ্চৈঃ স্বকর্মদূতেন জবেন নীতাঃ ॥ 75॥

শব্দাদিভিঃ পংচভিরেব পংচ পংচত্বমাপুঃ স্বগুণেন বদ্ধাঃ । কুরংগমাতংগপতংগমীন- ভৃংগা নরঃ পংচভিরংচিতঃ কিম্ ॥ 76॥

দোষেণ তীব্রো বিষয়ঃ কৃষ্ণসর্পবিষাদপি । বিষং নিহংতি ভোক্তারং দ্রষ্টারং চক্ষুষাপ্যযম্ ॥ 77॥

বিষয়াশামহাপাশাদ্য়ো বিমুক্তঃ সুদুস্ত্যজাত্ । স এব কল্পতে মুক্ত্য়ৈ নান্য়ঃ ষট্শাস্ত্রবেদ্যপি ॥ 78॥

আপাতবৈরাগ্যবতো মুমুক্ষূন্ ভবাব্ধিপারং প্রতিয়াতুমুদ্যতান্ । আশাগ্রহো মজ্জযতেঽংতরালে নিগৃহ্য় কংঠে বিনিবর্ত্য় বেগাত্ ॥ 79॥

বিষয়াখ্যগ্রহো যেন সুবিরক্ত্যসিনা হতঃ । স গচ্ছতি ভবাংভোধেঃ পারং প্রত্য়ূহবর্জিতঃ ॥ 80॥

বিষমবিষযমার্গৈর্গচ্ছতোঽনচ্ছবুদ্ধেঃ (পাঠভেদঃ - বিষযমার্গে গচ্ছতো) প্রতিপদমভিয়াতো মৃত্য়ুরপ্য়েষ বিদ্ধি । (পাঠভেদঃ - প্রতিপদমভিঘাতো মৃত্য়ুরপ্য়েষ সিদ্ধঃ) হিতসুজনগুরূক্ত্য়া গচ্ছতঃ স্বস্য় যুক্ত্য়া প্রভবতি ফলসিদ্ধিঃ সত্যমিত্য়েব বিদ্ধি ॥ 81॥

মোক্ষস্য় কাংক্ষা যদি বৈ তবাস্তি ত্যজাতিদূরাদ্বিষয়ান্বিষং যথা । পীয়ূষবত্তোষদয়াক্ষমার্জব- প্রশাংতিদাংতীর্ভজ নিত্যমাদরাত্ ॥ 82॥

অনুক্ষণং যত্পরিহৃত্য় কৃত্য়ং অনাদ্যবিদ্য়াকৃতবংধমোক্ষণম্ । দেহঃ পরার্থোঽযমমুষ্য় পোষণে যঃ সজ্জতে স স্বমনেন হংতি ॥ 83॥

শরীরপোষণার্থী সন্ য আত্মানং দিদৃক্ষতি । (পাঠভেদঃ - দিদৃক্ষতে) গ্রাহং দারুধিয়া ধৃত্বা নদীং তর্তুং স গচ্ছতি ॥ 84॥ (পাঠভেদঃ - স ইচ্ছতি)

মোহ এব মহামৃত্য়ুর্মুমুক্ষোর্বপুরাদিষু । মোহো বিনির্জিতো যেন স মুক্তিপদমর্হতি ॥ 85॥

মোহং জহি মহামৃত্য়ুং দেহদারসুতাদিষু । যং জিত্বা মুনয়ো যাংতি তদ্বিষ্ণোঃ পরমং পদম্ ॥ 86॥

ত্বঙ্মাংসরুধিরস্নায়ুমেদোমজ্জাস্থিসংকুলম্ । পূর্ণং মূত্রপুরীষাভ্য়াং স্থূলং নিংদ্যমিদং বপুঃ ॥ 87॥

পংচীকৃতেভ্য়ো ভূতেভ্য়ঃ স্থূলেভ্য়ঃ পূর্বকর্মণা । সমুত্পন্নমিদং স্থূলং ভোগাযতনমাত্মনঃ । অবস্থা জাগরস্তস্য় স্থূলার্থানুভবো যতঃ ॥ 88॥

বাহ্য়েংদ্রিয়ৈঃ স্থূলপদার্থসেবাং স্রক্চংদনস্ত্র্য়াদিবিচিত্ররূপাম্ । করোতি জীবঃ স্বযমেতদাত্মনা তস্মাত্প্রশস্তির্বপুষোঽস্য় জাগরে ॥ 89॥

সর্বোঽপি বাহ্যসংসারঃ পুরুষস্য় যদাশ্রয়ঃ । বিদ্ধি দেহমিদং স্থূলং গৃহবদ্গৃহমেধিনঃ ॥ 90॥

স্থূলস্য় সংভবজরামরণানি ধর্মাঃ স্থৌল্য়াদয়ো বহুবিধাঃ শিশুতাদ্যবস্থাঃ । বর্ণাশ্রমাদিনিযমা বহুধাঽঽময়াঃ স্য়ুঃ পূজাবমানবহুমানমুখা বিশেষাঃ ॥ 91॥

বুদ্ধীংদ্রিয়াণি শ্রবণং ত্বগক্ষি ঘ্রাণং চ জিহ্বা বিষয়াববোধনাত্ । বাক্পাণিপাদা গুদমপ্য়ুপস্থঃ (পাঠভেদঃ - উপস্থং) কর্মেংদ্রিয়াণি প্রবণেন কর্মসু ॥ 92॥ (পাঠভেদঃ - প্রবণানি) নিগদ্যতেঽংতঃকরণং মনোধীঃ অহংকৃতিশ্চিত্তমিতি স্ববৃত্তিভিঃ । মনস্তু সংকল্পবিকল্পনাদিভিঃ বুদ্ধিঃ পদার্থাধ্যবসাযধর্মতঃ ॥ 93॥

অত্রাভিমানাদহমিত্যহংকৃতিঃ । স্বার্থানুসংধানগুণেন চিত্তম্ ॥ 94॥

প্রাণাপানব্য়ানোদানসমানা ভবত্যসৌ প্রাণঃ । স্বযমেব বৃত্তিভেদাদ্বিকৃতিভেদাত্সুবর্ণসলিলাদিবত্ ॥ 95॥ (পাঠভেদঃ - বিকৃতের্ভেদাত্সুবর্ণসলিলমিব)

বাগাদি পংচ শ্রবণাদি পংচ প্রাণাদি পংচাভ্রমুখানি পংচ । বুদ্ধ্য়াদ্যবিদ্য়াপি চ কামকর্মণী পুর্যষ্টকং সূক্ষ্মশরীরমাহুঃ ॥ 96॥

ইদং শরীরং শ‍ঋণু সূক্ষ্মসংজ্ঞিতং লিংগং ত্বপংচীকৃতভূতসংভবম্ । সবাসনং কর্মফলানুভাবকং স্বাজ্ঞানতোঽনাদিরুপাধিরাত্মনঃ ॥ 97॥

স্বপ্নো ভবত্যস্য় বিভক্ত্যবস্থা স্বমাত্রশেষেণ বিভাতি যত্র । স্বপ্নে তু বুদ্ধিঃ স্বযমেব জাগ্রত্ কালীননানাবিধবাসনাভিঃ ॥ 98॥

কর্ত্রাদিভাবং প্রতিপদ্য় রাজতে যত্র স্বয়ং ভাতি হ্যয়ং পরাত্মা । (পাঠভেদঃ - স্বয়ংজ্য়োতিরয়ং) ধীমাত্রকোপাধিরশেষসাক্ষী ন লিপ্যতে তত্কৃতকর্মলেশৈঃ । কর্মলেপৈঃ যস্মাদসংগস্তত এব কর্মভিঃ ন লিপ্যতে কিংচিদুপাধিনা কৃতৈঃ ॥ 99॥

সর্বব্য়াপৃতিকরণং লিংগমিদং স্য়াচ্চিদাত্মনঃ পুংসঃ । বাস্য়াদিকমিব তক্ষ্ণস্তেনৈবাত্মা ভবত্যসংগোঽযম্ ॥ 100॥

অংধত্বমংদত্বপটুত্বধর্মাঃ সৌগুণ্যবৈগুণ্যবশাদ্ধি চক্ষুষঃ । বাধির্যমূকত্বমুখাস্তথৈব শ্রোত্রাদিধর্মা ন তু বেত্তুরাত্মনঃ ॥ 101॥

উচ্ছ্বাসনিঃশ্বাসবিজৃংভণক্ষু- ত্প্রস্য়ংদনাদ্য়ুত্ক্রমণাদিকাঃ ক্রিয়াঃ । (পাঠভেদঃ - প্রস্পংদনাদ্য়্) প্রাণাদিকর্মাণি বদংতি তজ্ঞাঃ (পাঠভেদঃ - তজ্জ্ঞাঃ) প্রাণস্য় ধর্মাবশনাপিপাসে ॥ 102॥

অংতঃকরণমেতেষু চক্ষুরাদিষু বর্ষ্মণি । অহমিত্যভিমানেন তিষ্ঠত্য়াভাসতেজসা ॥ 103॥

অহংকারঃ স বিজ্ঞেয়ঃ কর্তা ভোক্তাভিমান্যযম্ । সত্ত্বাদিগুণয়োগেন চাবস্থাত্রযমশ্নুতে ॥ 104॥ (পাঠভেদঃ - যোগেনাবস্থাত্রিতযম্শ্নুতে)

বিষয়াণামানুকূল্য়ে সুখী দুঃখী বিপর্যয়ে । সুখং দুঃখং চ তদ্ধর্মঃ সদানংদস্য় নাত্মনঃ ॥ 105॥

আত্মার্থত্বেন হি প্রেয়ান্বিষয়ো ন স্বতঃ প্রিয়ঃ । স্বত এব হি সর্বেষামাত্মা প্রিযতমো যতঃ । তত আত্মা সদানংদো নাস্য় দুঃখং কদাচন ॥ 106॥

যত্সুষুপ্তৌ নির্বিষয় আত্মানংদোঽনুভূযতে । শ্রুতিঃ প্রত্যক্ষমৈতিহ্যমনুমানং চ জাগ্রতি ॥ 107॥

অব্যক্তনাম্নী পরমেশশক্তিঃ অনাদ্যবিদ্য়া ত্রিগুণাত্মিকা পরা । কার্য়ানুমেয়া সুধিয়ৈব মায়া যয়া জগত্সর্বমিদং প্রসূযতে ॥ 108॥

সন্নাপ্যসন্নাপ্য়ুভয়াত্মিকা নো ভিন্নাপ্যভিন্নাপ্য়ুভয়াত্মিকা নো । সাংগাপ্যনংগা হ্য়ুভয়াত্মিকা নো (পাঠভেদঃ - অনংগাপ্য়ুভয়াত্মিকা) মহাদ্ভুতাঽনির্বচনীযরূপা ॥ 109॥

শুদ্ধাদ্বযব্রহ্মবিবোধনাশ্য়া সর্পভ্রমো রজ্জুবিবেকতো যথা । রজস্তমঃসত্ত্বমিতি প্রসিদ্ধা গুণাস্তদীয়াঃ প্রথিতৈঃ স্বকার্য়ৈঃ ॥ 110॥

বিক্ষেপশক্তী রজসঃ ক্রিয়াত্মিকা যতঃ প্রবৃত্তিঃ প্রসৃতা পুরাণী । রাগাদয়োঽস্য়াঃ প্রভবংতি নিত্য়ং দুঃখাদয়ো যে মনসো বিকারাঃ ॥ 111॥

কামঃ ক্রোধো লোভদংভাদ্যসূয়া (পাঠভেদঃ - লোভদংভাভ্যসূয়া) অহংকারের্ষ্য়ামত্সরাদ্য়াস্তু ঘোরাঃ । ধর্মা এতে রাজসাঃ পুংপ্রবৃত্তি- র্যস্মাদেষা তদ্রজো বংধহেতুঃ ॥ 112॥ (পাঠভেদঃ - যস্মাদেতত্তদ্রজো)

এষাঽঽবৃতির্নাম তমোগুণস্য় শক্তির্ময়া বস্ত্ববভাসতেঽন্যথা । শক্তির্যয়া সৈষা নিদানং পুরুষস্য় সংসৃতেঃ বিক্ষেপশক্তেঃ প্রবণস্য় হেতুঃ ॥ 113॥ (পাঠভেদঃ - প্রসরস্য়)

প্রজ্ঞাবানপি পংডিতোঽপি চতুরোঽপ্যত্য়ংতসূক্ষ্মাত্মদৃগ্- (পাঠভেদঃ - সূক্ষ্মার্থদৃগ্) ব্য়ালীঢস্তমসা ন বেত্তি বহুধা সংবোধিতোঽপি স্ফুটম্ । ভ্রাংত্য়ারোপিতমেব সাধু কলযত্য়ালংবতে তদ্গুণান্ হংতাসৌ প্রবলা দুরংততমসঃ শক্তির্মহত্য়াবৃতিঃ ॥ 114॥

অভাবনা বা বিপরীতভাবনাঽ- (পাঠভেদঃ - বিপরীতভাবনা) সংভাবনা বিপ্রতিপত্তিরস্য়াঃ । সংসর্গয়ুক্তং ন বিমুংচতি ধ্রুবং বিক্ষেপশক্তিঃ ক্ষপযত্যজস্রম্ ॥ 115॥

অজ্ঞানমালস্যজডত্বনিদ্রা- প্রমাদমূঢত্বমুখাস্তমোগুণাঃ । এতৈঃ প্রয়ুক্তো ন হি বেত্তি কিংচিত্ নিদ্রালুবত্স্তংভবদেব তিষ্ঠতি ॥ 116॥

সত্ত্বং বিশুদ্ধং জলবত্তথাপি তাভ্য়াং মিলিত্বা সরণায় কল্পতে । যত্রাত্মবিংবঃ প্রতিবিংবিতঃ সন্ প্রকাশযত্যর্ক ইবাখিলং জডম্ ॥ 117॥

মিশ্রস্য় সত্ত্বস্য় ভবংতি ধর্মাঃ ত্বমানিতাদ্য়া নিযমা যমাদ্য়াঃ । শ্রদ্ধা চ ভক্তিশ্চ মুমুক্ষুতা চ দৈবী চ সংপত্তিরসন্নিবৃত্তিঃ ॥ 118॥

বিশুদ্ধসত্ত্বস্য় গুণাঃ প্রসাদঃ স্বাত্মানুভূতিঃ পরমা প্রশাংতিঃ । তৃপ্তিঃ প্রহর্ষঃ পরমাত্মনিষ্ঠা যয়া সদানংদরসং সমৃচ্ছতি ॥ 119॥

অব্যক্তমেতত্ত্রিগুণৈর্নিরুক্তং তত্কারণং নাম শরীরমাত্মনঃ । সুষুপ্তিরেতস্য় বিভক্ত্যবস্থা প্রলীনসর্বেংদ্রিযবুদ্ধিবৃত্তিঃ ॥ 120॥

সর্বপ্রকারপ্রমিতিপ্রশাংতিঃ বীজাত্মনাবস্থিতিরেব বুদ্ধেঃ । সুষুপ্তিরেতস্য় কিল প্রতীতিঃ (পাঠভেদঃ - সুষুপ্তিরত্রাস্য়) কিংচিন্ন বেদ্মীতি জগত্প্রসিদ্ধেঃ ॥ 121॥

দেহেংদ্রিযপ্রাণমনোঽহমাদয়ঃ সর্বে বিকারা বিষয়াঃ সুখাদয়ঃ । ব্য়োমাদিভূতান্যখিলং চ বিশ্বং অব্যক্তপর্য়ংতমিদং হ্যনাত্মা ॥ 122॥

মায়া মায়াকার্য়ং সর্বং মহদাদিদেহপর্য়ংতম্ । অসদিদমনাত্মতত্ত্বং বিদ্ধি ত্বং মরুমরীচিকাকল্পম্ ॥ 123॥

অথ তে সংপ্রবক্ষ্য়ামি স্বরূপং পরমাত্মনঃ । যদ্বিজ্ঞায় নরো বংধান্মুক্তঃ কৈবল্যমশ্নুতে ॥ 124॥

অস্তি কশ্চিত্স্বয়ং নিত্যমহংপ্রত্যযলংবনঃ । অবস্থাত্রযসাক্ষী সন্পংচকোশবিলক্ষণঃ ॥ 125॥

যো বিজানাতি সকলং জাগ্রত্স্বপ্নসুষুপ্তিষু । বুদ্ধিতদ্বৃত্তিসদ্ভাবমভাবমহমিত্যযম্ ॥ 126॥

যঃ পশ্যতি স্বয়ং সর্বং যং ন পশ্যতি কশ্চন । (পাঠভেদঃ - কিংচন) যশ্চেতযতি বুদ্ধ্য়াদি ন তদ্য়ং চেতযত্যযম্ ॥ 127॥

যেন বিশ্বমিদং ব্য়াপ্তং যং ন ব্য়াপ্নোতি কিংচন । আভারূপমিদং সর্বং যং ভাংতমনুভাত্যযম্ ॥ 128॥

যস্য় সন্নিধিমাত্রেণ দেহেংদ্রিযমনোধিয়ঃ । বিষয়েষু স্বকীয়েষু বর্তংতে প্রেরিতা ইব ॥ 129॥

অহংকারাদিদেহাংতা বিষয়াশ্চ সুখাদয়ঃ । বেদ্য়ংতে ঘটবদ্য়েন নিত্যবোধস্বরূপিণা ॥ 130॥

এষোঽংতরাত্মা পুরুষঃ পুরাণো নিরংতরাখংডসুখানুভূতিঃ । সদৈকরূপঃ প্রতিবোধমাত্রো যেনেষিতা বাগসবশ্চরংতি ॥ 131॥

অত্রৈব সত্ত্বাত্মনি ধীগুহায়াং অব্য়াকৃতাকাশ উশত্প্রকাশঃ । (পাঠভেদঃ - উরুপ্রকাশঃ) আকাশ উচ্চৈ রবিবত্প্রকাশতে স্বতেজসা বিশ্বমিদং প্রকাশযন্ ॥ 132॥

জ্ঞাতা মনোঽহংকৃতিবিক্রিয়াণাং দেহেংদ্রিযপ্রাণকৃতক্রিয়াণাম্ । অয়োঽগ্নিবত্তাননুবর্তমানো ন চেষ্টতে নো বিকরোতি কিংচন ॥ 133॥

ন জাযতে নো ম্রিযতে ন বর্ধতে ন ক্ষীযতে নো বিকরোতি নিত্য়ঃ । বিলীযমানেঽপি বপুষ্যমুষ্মি- ন্ন লীযতে কুংভ ইবাংবরং স্বযম্ ॥ 134॥

প্রকৃতিবিকৃতিভিন্নঃ শুদ্ধবোধস্বভাবঃ সদসদিদমশেষং ভাসযন্নির্বিশেষঃ । বিলসতি পরমাত্মা জাগ্রদাদিষ্ববস্থা- স্বহমহমিতি সাক্ষাত্সাক্ষিরূপেণ বুদ্ধেঃ ॥ 135॥

নিযমিতমনসামুং ত্বং স্বমাত্মানমাত্ম- ন্যযমহমিতি সাক্ষাদ্বিদ্ধি বুদ্ধিপ্রসাদাত্ । জনিমরণতরংগাপারসংসারসিংধুং প্রতর ভব কৃতার্থো ব্রহ্মরূপেণ সংস্থঃ ॥ 136॥

অত্রানাত্মন্যহমিতি মতির্বংধ এষোঽস্য় পুংসঃ প্রাপ্তোঽজ্ঞানাজ্জননমরণক্লেশসংপাতহেতুঃ । যেনৈবায়ং বপুরিদমসত্সত্যমিত্য়াত্মবুদ্ধ্য়া পুষ্যত্য়ুক্ষত্যবতি বিষয়ৈস্তংতুভিঃ কোশকৃদ্বত্ ॥ 137॥

অতস্মিংস্তদ্বুদ্ধিঃ প্রভবতি বিমূঢস্য় তমসা বিবেকাভাবাদ্বৈ স্ফুরতি ভুজগে রজ্জুধিষণা । ততোঽনর্থব্রাতো নিপততি সমাদাতুরধিকঃ ততো যোঽসদ্গ্রাহঃ স হি ভবতি বংধঃ শঋণু সখে ॥ 138॥

অখংডনিত্য়াদ্বযবোধশক্ত্য়া স্ফুরংতমাত্মানমনংতবৈভবম্ । সমাবৃণোত্য়াবৃতিশক্তিরেষা তমোময়ী রাহুরিবার্কবিংবম্ ॥ 139॥

তিরোভূতে স্বাত্মন্যমলতরতেজোবতি পুমান্ অনাত্মানং মোহাদহমিতি শরীরং কলযতি । ততঃ কামক্রোধপ্রভৃতিভিরমুং বংধনগুণৈঃ (পাঠভেদঃ - বংধকগুণৈঃ) পরং বিক্ষেপাখ্য়া রজস উরুশক্তির্ব্যথযতি ॥ 140॥

মহামোহগ্রাহগ্রসনগলিতাত্মাবগমনো ধিয়ো নানাবস্থাং স্বযমভিনয়ংস্তদ্গুণতয়া । (পাঠভেদঃ - নানাবস্থাঃ) অপারে সংসারে বিষযবিষপূরে জলনিধৌ নিমজ্য়োন্মজ্য়ায়ং ভ্রমতি কুমতিঃ কুত্সিতগতিঃ ॥ 141॥

ভানুপ্রভাসংজনিতাভ্রপংক্তিঃ ভানুং তিরোধায় বিজৃংভতে যথা । আত্মোদিতাহংকৃতিরাত্মতত্ত্বং তথা তিরোধায় বিজৃংভতে স্বযম্ ॥ 142॥

কবলিতদিননাথে দুর্দিনে সাংদ্রমেঘৈঃ ব্যথযতি হিমঝংঝাবায়ুরুগ্রো যথৈতান্ । অবিরততমসাঽঽত্মন্য়াবৃতে মূঢবুদ্ধিং ক্ষপযতি বহুদুঃখৈস্তীব্রবিক্ষেপশক্তিঃ ॥ 143॥

এতাভ্য়ামেব শক্তিভ্য়াং বংধঃ পুংসঃ সমাগতঃ । যাভ্য়াং বিমোহিতো দেহং মত্বাঽঽত্মানং ভ্রমত্যযম্ ॥ 144॥

বীজং সংসৃতিভূমিজস্য় তু তমো দেহাত্মধীরংকুরো রাগঃ পল্লবমংবু কর্ম তু বপুঃ স্কংধোঽসবঃ শাখিকাঃ । অগ্রাণীংদ্রিযসংহতিশ্চ বিষয়াঃ পুষ্পাণি দুঃখং ফলং নানাকর্মসমুদ্ভবং বহুবিধং ভোক্তাত্র জীবঃ খগঃ ॥ 145॥

অজ্ঞানমূলোঽযমনাত্মবংধো নৈসর্গিকোঽনাদিরনংত ঈরিতঃ । জন্মাপ্যযব্য়াধিজরাদিদুঃখ- প্রবাহপাতং জনযত্যমুষ্য় ॥ 146॥

নাস্ত্রৈর্ন শস্ত্রৈরনিলেন বহ্নিনা ছেত্তুং ন শক্য়ো ন চ কর্মকোটিভিঃ । বিবেকবিজ্ঞানমহাসিনা বিনা ধাতুঃ প্রসাদেন শিতেন মংজুনা ॥ 147॥

শ্রুতিপ্রমাণৈকমতেঃ স্বধর্ম নিষ্ঠা তয়ৈবাত্মবিশুদ্ধিরস্য় । বিশুদ্ধবুদ্ধেঃ পরমাত্মবেদনং তেনৈব সংসারসমূলনাশঃ ॥ 148॥

কোশৈরন্নময়াদ্য়ৈঃ পংচভিরাত্মা ন সংবৃতো ভাতি । নিজশক্তিসমুত্পন্নৈঃ শৈবালপটলৈরিবাংবু বাপীস্থম্ ॥ 149॥

তচ্ছৈবালাপনয়ে সম্যক্ সলিলং প্রতীযতে শুদ্ধম্ । তৃষ্ণাসংতাপহরং সদ্য়ঃ সৌখ্যপ্রদং পরং পুংসঃ ॥ 150॥

পংচানামপি কোশানামপবাদে বিভাত্যয়ং শুদ্ধঃ । নিত্য়ানংদৈকরসঃ প্রত্যগ্রূপঃ পরঃ স্বয়ংজ্য়োতিঃ ॥ 151॥

আত্মানাত্মবিবেকঃ কর্তব্য়ো বংধমুক্তয়ে বিদুষা । তেনৈবানংদী ভবতি স্বং বিজ্ঞায় সচ্চিদানংদম্ ॥ 152॥

মুংজাদিষীকামিব দৃশ্যবর্গাত্ প্রত্য়ংচমাত্মানমসংগমক্রিযম্ । বিবিচ্য় তত্র প্রবিলাপ্য় সর্বং তদাত্মনা তিষ্ঠতি যঃ স মুক্তঃ ॥ 153॥

দেহোঽযমন্নভবনোঽন্নমযস্তু কোশ- (পাঠভেদঃ - কোশো) শ্চান্নেন জীবতি বিনশ্যতি তদ্বিহীনঃ । (পাঠভেদঃ - হ্যন্নেন) ত্বক্চর্মমাংসরুধিরাস্থিপুরীষরাশি- র্নায়ং স্বয়ং ভবিতুমর্হতি নিত্যশুদ্ধঃ ॥ 154॥

পূর্বং জনেরধিমৃতেরপি নাযমস্তি (পাঠভেদঃ - জনেরপিমৃতেরথ) জাতক্ষণঃ ক্ষণগুণোঽনিযতস্বভাবঃ । নৈকো জডশ্চ ঘটবত্পরিদৃশ্যমানঃ স্বাত্মা কথং ভবতি ভাববিকারবেত্তা ॥ 155॥

পাণিপাদাদিমাংদেহো নাত্মা ব্য়ংগেঽপি জীবনাত্ । তত্তচ্ছক্তেরনাশাচ্চ ন নিযম্য়ো নিয়ামকঃ ॥ 156॥

দেহতদ্ধর্মতত্কর্মতদবস্থাদিসাক্ষিণঃ । সত এব স্বতঃসিদ্ধং তদ্বৈলক্ষণ্যমাত্মনঃ ॥ 157॥

শল্যরাশির্মাংসলিপ্তো মলপূর্ণোঽতিকশ্মলঃ । কথং ভবেদয়ং বেত্তা স্বযমেতদ্বিলক্ষণঃ ॥ 158॥

ত্বঙ্মাংসমেদোঽস্থিপুরীষরাশা- বহম্মতিং মূঢজনঃ করোতি । বিলক্ষণং বেত্তি বিচারশীলো নিজস্বরূপং পরমার্থভূতম্ ॥ 159॥

দেহোঽহমিত্য়েব জডস্য় বুদ্ধিঃ দেহে চ জীবে বিদুষস্ত্বহংধীঃ । বিবেকবিজ্ঞানবতো মহাত্মনো ব্রহ্মাহমিত্য়েব মতিঃ সদাত্মনি ॥ 160॥

অত্রাত্মবুদ্ধিং ত্যজ মূঢবুদ্ধে ত্বঙ্মাংসমেদোঽস্থিপুরীষরাশৌ । সর্বাত্মনি ব্রহ্মণি নির্বিকল্পে কুরুষ্ব শাংতিং পরমাং ভজস্ব ॥ 161॥

দেহেংদ্রিয়াদাবসতি ভ্রমোদিতাং বিদ্বানহংতাং ন জহাতি যাবত্ । তাবন্ন তস্য়াস্তি বিমুক্তিবার্তা- প্যস্ত্বেষ বেদাংতনয়াংতদর্শী ॥ 162॥

ছায়াশরীরে প্রতিবিংবগাত্রে যত্স্বপ্নদেহে হৃদি কল্পিতাংগে । যথাত্মবুদ্ধিস্তব নাস্তি কাচি- জ্জীবচ্ছরীরে চ তথৈব মাঽস্তু ॥ 163॥

দেহাত্মধীরেব নৃণামসদ্ধিয়াং জন্মাদিদুঃখপ্রভবস্য় বীজম্ । যতস্ততস্ত্বং জহি তাং প্রযত্নাত্ ত্যক্তে তু চিত্তে ন পুনর্ভবাশা ॥ 164॥

কর্মেংদ্রিয়ৈঃ পংচভিরংচিতোঽয়ং প্রাণো ভবেত্প্রাণমযস্তু কোশঃ ॥

যেনাত্মবানন্নময়োঽনুপূর্ণঃ প্রবর্ততেঽসৌ সকলক্রিয়াসু ॥ 165॥

নৈবাত্মাপি প্রাণময়ো বায়ুবিকারো (পাঠভেদঃ - নৈবাত্মায়ং) গংতাঽঽগংতা বায়ুবদংতর্বহিরেষঃ । যস্মাত্কিংচিত্ক্বাপি ন বেত্তীষ্টমনিষ্টং স্বং বান্য়ং বা কিংচন নিত্য়ং পরতংত্রঃ ॥ 166॥

জ্ঞানেংদ্রিয়াণি চ মনশ্চ মনোময়ঃ স্য়াত্ কোশো মমাহমিতি বস্তুবিকল্পহেতুঃ । সংজ্ঞাদিভেদকলনাকলিতো বলীয়াং- স্তত্পূর্বকোশমভিপূর্য় বিজৃংভতে যঃ ॥ 167॥ (পাঠভেদঃ - অনুপূর্য়) পংচেংদ্রিয়ৈঃ পংচভিরেব হোতৃভিঃ প্রচীযমানো বিষয়াজ্যধারয়া । জাজ্বল্যমানো বহুবাসনেংধনৈঃ মনোময়াগ্নির্দহতি প্রপংচম্ ॥ 168॥ (পাঠভেদঃ - মনোময়োঽগ্নির্দহতি)

ন হ্যস্ত্যবিদ্য়া মনসোঽতিরিক্তা মনো হ্যবিদ্য়া ভববংধহেতুঃ । তস্মিন্বিনষ্টে সকলং বিনষ্টং বিজৃংভিতেঽস্মিন্সকলং বিজৃংভতে ॥ 169॥

স্বপ্নেঽর্থশূন্য়ে সৃজতি স্বশক্ত্য়া ভোক্ত্রাদিবিশ্বং মন এব সর্বম্ । তথৈব জাগ্রত্যপি নো বিশেষঃ তত্সর্বমেতন্মনসো বিজৃংভণম্ ॥ 170॥

সুষুপ্তিকালে মনসি প্রলীনে নৈবাস্তি কিংচিত্সকলপ্রসিদ্ধেঃ । অতো মনঃকল্পিত এব পুংসঃ সংসার এতস্য় ন বস্তুতোঽস্তি ॥ 171॥

বায়ুনাঽঽনীযতে মেঘঃ পুনস্তেনৈব নীযতে । (পাঠভেদঃ - বায়ুনা নীযতে মেঘঃ পুনস্তেনৈব লীযতে) মনসা কল্প্যতে বংধো মোক্ষস্তেনৈব কল্প্যতে ॥ 172॥

দেহাদিসর্ববিষয়ে পরিকল্প্য় রাগং বধ্নাতি তেন পুরুষং পশুবদ্গুণেন । বৈরস্যমত্র বিষবত্ সুবিধায় পশ্চাদ্ এনং বিমোচযতি তন্মন এব বংধাত্ ॥ 173॥

তস্মান্মনঃ কারণমস্য় জংতোঃ বংধস্য় মোক্ষস্য় চ বা বিধানে । বংধস্য় হেতুর্মলিনং রজোগুণৈঃ মোক্ষস্য় শুদ্ধং বিরজস্তমস্কম্ ॥ 174॥

বিবেকবৈরাগ্যগুণাতিরেকা- চ্ছুদ্ধত্বমাসাদ্য় মনো বিমুক্ত্য়ৈ । ভবত্যতো বুদ্ধিমতো মুমুক্ষো- স্তাভ্য়াং দৃঢাভ্য়াং ভবিতব্যমগ্রে ॥ 175॥

মনো নাম মহাব্য়াঘ্রো বিষয়ারণ্যভূমিষু । চরত্যত্র ন গচ্ছংতু সাধবো যে মুমুক্ষবঃ ॥ 176॥

মনঃ প্রসূতে বিষয়ানশেষান্ স্থূলাত্মনা সূক্ষ্মতয়া চ ভোক্তুঃ । শরীরবর্ণাশ্রমজাতিভেদান্ গুণক্রিয়াহেতুফলানি নিত্যম্ ॥ 177॥

অসংগচিদ্রূপমমুং বিমোহ্য় দেহেংদ্রিযপ্রাণগুণৈর্নিবদ্ধ্য় । অহম্মমেতি ভ্রমযত্যজস্রং মনঃ স্বকৃত্য়েষু ফলোপভুক্তিষু ॥ 178॥

অধ্য়াসদোষাত্পুরুষস্য় সংসৃতিঃ (পাঠভেদঃ - অধ্য়াসয়োগাত্) অধ্য়াসবংধস্ত্বমুনৈব কল্পিতঃ । রজস্তমোদোষবতোঽবিবেকিনো জন্মাদিদুঃখস্য় নিদানমেতত্ ॥ 179॥

অতঃ প্রাহুর্মনোঽবিদ্য়াং পংডিতাস্তত্ত্বদর্শিনঃ । যেনৈব ভ্রাম্যতে বিশ্বং বায়ুনেবাভ্রমংডলম্ ॥ 180॥

তন্মনঃশোধনং কার্য়ং প্রযত্নেন মুমুক্ষুণা । বিশুদ্ধে সতি চৈতস্মিন্মুক্তিঃ করফলাযতে ॥ 181॥

মোক্ষৈকসক্ত্য়া বিষয়েষু রাগং নির্মূল্য় সন্ন্যস্য় চ সর্বকর্ম । সচ্ছ্রদ্ধয়া যঃ শ্রবণাদিনিষ্ঠো রজঃস্বভাবং স ধুনোতি বুদ্ধেঃ ॥ 182॥

মনোময়ো নাপি ভবেত্পরাত্মা হ্য়াদ্য়ংতবত্ত্বাত্পরিণামিভাবাত্ । দুঃখাত্মকত্বাদ্বিষযত্বহেতোঃ দ্রষ্টা হি দৃশ্য়াত্মতয়া ন দৃষ্টঃ ॥ 183॥

বুদ্ধির্বুদ্ধীংদ্রিয়ৈঃ সার্ধং সবৃত্তিঃ কর্তৃলক্ষণঃ । বিজ্ঞানমযকোশঃ স্য়াত্পুংসঃ সংসারকারণম্ ॥ 184॥

অনুব্রজচ্চিত্প্রতিবিংবশক্তিঃ বিজ্ঞানসংজ্ঞঃ প্রকৃতের্বিকারঃ । জ্ঞানক্রিয়াবানহমিত্যজস্রং দেহেংদ্রিয়াদিষ্বভিমন্যতে ভৃশম্ ॥ 185॥

অনাদিকালোঽযমহংস্বভাবো জীবঃ সমস্তব্যবহারবোঢা । করোতি কর্মাণ্যপি পূর্ববাসনঃ (পাঠভেদঃ - কর্মাণ্যনু) পুণ্য়ান্যপুণ্য়ানি চ তত্ফলানি ॥ 186॥

ভুংক্তে বিচিত্রাস্বপি যোনিষু ব্রজ- ন্নায়াতি নির্য়াত্যধ ঊর্ধ্বমেষঃ । অস্য়ৈব বিজ্ঞানমযস্য় জাগ্রত্- স্বপ্নাদ্যবস্থাঃ সুখদুঃখভোগঃ ॥ 187॥

দেহাদিনিষ্ঠাশ্রমধর্মকর্ম- গুণাভিমানঃ সততং মমেতি । বিজ্ঞানকোশোঽযমতিপ্রকাশঃ প্রকৃষ্টসান্নিধ্যবশাত্পরাত্মনঃ । অতো ভবত্য়েষ উপাধিরস্য় যদাত্মধীঃ সংসরতি ভ্রমেণ ॥ 188॥

যোঽয়ং বিজ্ঞানময়ঃ প্রাণেষু হৃদি স্ফুরত্যয়ং জ্য়োতিঃ । (পাঠভেদঃ - স্ফুরত্স্বয়ংজ্য়োতিঃ) কূটস্থঃ সন্নাত্মা কর্তা ভোক্তা ভবত্য়ুপাধিস্থঃ ॥ 189॥

স্বয়ং পরিচ্ছেদমুপেত্য় বুদ্ধেঃ তাদাত্ম্যদোষেণ পরং মৃষাত্মনঃ । সর্বাত্মকঃ সন্নপি বীক্ষতে স্বয়ং স্বতঃ পৃথক্ত্বেন মৃদো ঘটানিব ॥ 190॥

উপাধিসংবংধবশাত্পরাত্মা হ্য়ুপাধিধর্মাননুভাতি তদ্গুণঃ । (পাঠভেদঃ - ঽপ্য়ুপাধি) অয়োবিকারানবিকারিবহ্নিবত্ সদৈকরূপোঽপি পরঃ স্বভাবাত্ ॥ 191॥

শিষ্য় উবাচ

ভ্রমেণাপ্যন্যথা বাঽস্তু জীবভাবঃ পরাত্মনঃ । তদুপাধেরনাদিত্বান্নানাদের্নাশ ইষ্যতে ॥ 192

অতোঽস্য় জীবভাবোঽপি নিত্য়া ভবতি সংসৃতিঃ । ন নিবর্তেত তন্মোক্ষঃ কথং মে শ্রীগুরো বদ ॥ 193॥

শ্রীগুরুরুবাচ

সম্যক্পৃষ্টং ত্বয়া বিদ্বন্সাবধানেন তচ্ছৃণু । প্রামাণিকী ন ভবতি ভ্রাংত্য়া মোহিতকল্পনা ॥ 194

ভ্রাংতিং বিনা ত্বসংগস্য় নিষ্ক্রিযস্য় নিরাকৃতেঃ । ন ঘটেতার্থসংবংধো নভসো নীলতাদিবত্ ॥ 195॥

স্বস্য় দ্রষ্টুর্নির্গুণস্য়াক্রিযস্য় প্রত্যগ্বোধানংদরূপস্য় বুদ্ধেঃ । ভ্রাংত্য়া প্রাপ্তো জীবভাবো ন সত্য়ো মোহাপায়ে নাস্ত্যবস্তুস্বভাবাত্ ॥ 196॥

যাবদ্ভ্রাংতিস্তাবদেবাস্য় সত্তা মিথ্য়াজ্ঞানোজ্জৃংভিতস্য় প্রমাদাত্ । রজ্জ্বাং সর্পো ভ্রাংতিকালীন এব ভ্রাংতের্নাশে নৈব সর্পোঽপি তদ্বত্ ॥ 197॥ (পাঠভেদঃ - সর্পোঽস্তি)

অনাদিত্বমবিদ্য়ায়াঃ কার্যস্য়াপি তথেষ্যতে । উত্পন্নায়াং তু বিদ্য়ায়ামাবিদ্যকমনাদ্যপি ॥ 198॥

প্রবোধে স্বপ্নবত্সর্বং সহমূলং বিনশ্যতি । অনাদ্যপীদং নো নিত্য়ং প্রাগভাব ইব স্ফুটম্ ॥ 199॥

অনাদেরপি বিধ্বংসঃ প্রাগভাবস্য় বীক্ষিতঃ । যদ্বুদ্ধ্য়ুপাধিসংবংধাত্পরিকল্পিতমাত্মনি ॥ 200॥

জীবত্বং ন ততোঽন্যস্তু স্বরূপেণ বিলক্ষণঃ । (পাঠভেদঃ - ততোঽন্যত্তু) সংবংধস্ত্বাত্মনো বুদ্ধ্য়া মিথ্য়াজ্ঞানপুরঃসরঃ ॥ 201॥ (পাঠভেদঃ - সংবংধঃ স্বাত্মনো)

বিনিবৃত্তির্ভবেত্তস্য় সম্যগ্জ্ঞানেন নান্যথা । ব্রহ্মাত্মৈকত্ববিজ্ঞানং সম্যগ্জ্ঞানং শ্রুতের্মতম্ ॥ 202॥

তদাত্মানাত্মনোঃ সম্যগ্বিবেকেনৈব সিধ্যতি । ততো বিবেকঃ কর্তব্য়ঃ প্রত্যগাত্মসদাত্মনোঃ ॥ 203॥ (পাঠভেদঃ - প্রত্যগাত্মাসদাত্মনোঃ)

জলং পংকবদত্য়ংতং পংকাপায়ে জলং স্ফুটম্ । (পাঠভেদঃ - পংকবদস্পষ্টং) যথা ভাতি তথাত্মাপি দোষাভাবে স্ফুটপ্রভঃ ॥ 204॥

অসন্নিবৃত্তৌ তু সদাত্মনা স্ফুটং প্রতীতিরেতস্য় ভবেত্প্রতীচঃ । ততো নিরাসঃ করণীয় এব সদাত্মনঃ সাধ্বহমাদিবস্তুনঃ ॥ 205॥ (পাঠভেদঃ - অসদাত্মনঃ)

অতো নায়ং পরাত্মা স্য়াদ্বিজ্ঞানমযশব্দভাক্ । বিকারিত্বাজ্জডত্বাচ্চ পরিচ্ছিন্নত্বহেতুতঃ । দৃশ্যত্বাদ্ব্যভিচারিত্বান্নানিত্য়ো নিত্য় ইষ্যতে ॥ 206॥

আনংদপ্রতিবিংবচুংবিততনুর্বৃত্তিস্তমোজৃংভিতা স্য়াদানংদময়ঃ প্রিয়াদিগুণকঃ স্বেষ্টার্থলাভোদয়ঃ । পুণ্যস্য়ানুভবে বিভাতি কৃতিনামানংদরূপঃ স্বয়ং সর্বো নংদতি যত্র সাধু তনুভৃন্মাত্রঃ প্রযত্নং বিনা ॥ 207॥ (পাঠভেদঃ - ভূত্বা নংদতি)

আনংদমযকোশস্য় সুষুপ্তৌ স্ফূর্তিরুত্কটা । স্বপ্নজাগরয়োরীষদিষ্টসংদর্শনাদিনা ॥ 208॥

নৈবাযমানংদময়ঃ পরাত্মা সোপাধিকত্বাত্প্রকৃতের্বিকারাত্ । কার্যত্বহেতোঃ সুকৃতক্রিয়ায়া বিকারসংঘাতসমাহিতত্বাত্ ॥ 209॥

পংচানামপি কোশানাং নিষেধে যুক্তিতঃ শ্রুতেঃ । (পাঠভেদঃ - যুক্তিতঃ কৃতে) তন্নিষেধাবধি সাক্ষী বোধরূপোঽবশিষ্যতে ॥ 210॥ (পাঠভেদঃ - তন্নিষেধাবধিঃ)

যোঽযমাত্মা স্বয়ংজ্য়োতিঃ পংচকোশবিলক্ষণঃ । অবস্থাত্রযসাক্ষী সন্নির্বিকারো নিরংজনঃ । সদানংদঃ স বিজ্ঞেয়ঃ স্বাত্মত্বেন বিপশ্চিতা ॥ 211॥

শিষ্য় উবাচ

মিথ্য়াত্বেন নিষিদ্ধেষু কোশেষ্বেতেষু পংচসু । সর্বাভাবং বিনা কিংচিন্ন পশ্য়াম্যত্র হে গুরো । বিজ্ঞেয়ং কিমু বস্ত্বস্তি স্বাত্মনাঽঽত্মবিপশ্চিতা ॥ 212॥ (পাঠভেদঃ - স্বাত্মনাত্র বিপশ্চিতা)

শ্রীগুরুরুবাচ

সত্যমুক্তং ত্বয়া বিদ্বন্নিপুণোঽসি বিচারণে । অহমাদিবিকারাস্তে তদভাবোঽযমপ্যনু ॥ 213॥ (পাঠভেদঃ - ঽযমপ্যথ)

সর্বে যেনানুভূয়ংতে যঃ স্বয়ং নানুভূযতে । তমাত্মানং বেদিতারং বিদ্ধি বুদ্ধ্য়া সুসূক্ষ্ময়া ॥ 214॥

তত্সাক্ষিকং ভবেত্তত্তদ্যদ্যদ্য়েনানুভূযতে । কস্য়াপ্যননুভূতার্থে সাক্ষিত্বং নোপয়ুজ্যতে ॥ 215॥ (পাঠভেদঃ - নোপপদ্যতে)

অসৌ স্বসাক্ষিকো ভাবো যতঃ স্বেনানুভূযতে । অতঃ পরং স্বয়ং সাক্ষাত্প্রত্যগাত্মা ন চেতরঃ ॥ 216॥

জাগ্রত্স্বপ্নসুষুপ্তিষু স্ফুটতরং যোঽসৌ সমুজ্জৃংভতে প্রত্যগ্রূপতয়া সদাহমহমিত্য়ংতঃ স্ফুরন্নৈকধা । (পাঠভেদঃ - স্ফুরন্নেকধা) নানাকারবিকারভাগিন ইমান্ পশ্যন্নহংধীমুখান্ (পাঠভেদঃ - ভাজিন) নিত্য়ানংদচিদাত্মনা স্ফুরতি তং বিদ্ধি স্বমেতং হৃদি ॥ 217॥

ঘটোদকে বিংবিতমর্কবিংব- মালোক্য় মূঢো রবিমেব মন্যতে । তথা চিদাভাসমুপাধিসংস্থং ভ্রাংত্য়াহমিত্য়েব জডোঽভিমন্যতে ॥ 218॥

ঘটং জলং তদ্গতমর্কবিংবং বিহায় সর্বং বিনিরীক্ষ্যতেঽর্কঃ । (পাঠভেদঃ - দিবি বীক্ষ্যতেঽর্কঃ) তটস্থ এতত্ত্রিতয়াবভাসকঃ (পাঠভেদঃ - তটস্থিতঃ তত্ত্রি) স্বয়ংপ্রকাশো বিদুষা যথা তথা ॥ 219॥

দেহং ধিয়ং চিত্প্রতিবিংবমেবং (পাঠভেদঃ - চিত্প্রতিবিংবমেতং) বিসৃজ্য় বুদ্ধৌ নিহিতং গুহায়াম্ । দ্রষ্টারমাত্মানমখংডবোধং সর্বপ্রকাশং সদসদ্বিলক্ষণম্ ॥ 220॥

নিত্য়ং বিভুং সর্বগতং সুসূক্ষ্মং অংতর্বহিঃশূন্যমনন্যমাত্মনঃ । বিজ্ঞায় সম্যঙ্নিজরূপমেতত্ পুমান্ বিপাপ্মা বিরজো বিমৃত্য়ুঃ ॥ 221॥

বিশোক আনংদঘনো বিপশ্চিত্ স্বয়ং কুতশ্চিন্ন বিভেতি কশ্চিত্ । নান্য়োঽস্তি পংথা ভববংধমুক্তেঃ বিনা স্বতত্ত্বাবগমং মুমুক্ষোঃ ॥ 222॥

ব্রহ্মাভিন্নত্ববিজ্ঞানং ভবমোক্ষস্য় কারণম্ । যেনাদ্বিতীযমানংদং ব্রহ্ম সংপদ্যতে বুধৈঃ ॥ 223॥ (পাঠভেদঃ - সংপদ্যতে বুধঃ)

ব্রহ্মভূতস্তু সংসৃত্য়ৈ বিদ্বান্নাবর্ততে পুনঃ । বিজ্ঞাতব্যমতঃ সম্যগ্ব্রহ্মাভিন্নত্বমাত্মনঃ ॥ 224॥

সত্য়ং জ্ঞানমনংতং ব্রহ্ম বিশুদ্ধং পরং স্বতঃসিদ্ধম্ । নিত্য়ানংদৈকরসং প্রত্যগভিন্নং নিরংতরং জযতি ॥ 225॥

সদিদং পরমাদ্বৈতং স্বস্মাদন্যস্য় বস্তুনোঽভাবাত্ । ন হ্যন্যদস্তি কিংচিত্ সম্যক্ পরমার্থতত্ত্ববোধদশায়াম্ ॥ 226॥ (পাঠভেদঃ - পরতত্ত্ববোধসুদশায়াম্)

যদিদং সকলং বিশ্বং নানারূপং প্রতীতমজ্ঞানাত্ । তত্সর্বং ব্রহ্মৈব প্রত্যস্তাশেষভাবনাদোষম্ ॥ 227॥

মৃত্কার্যভূতোঽপি মৃদো ন ভিন্নঃ কুংভোঽস্তি সর্বত্র তু মৃত্স্বরূপাত্ । ন কুংভরূপং পৃথগস্তি কুংভঃ কুতো মৃষা কল্পিতনামমাত্রঃ ॥ 228॥

কেনাপি মৃদ্ভিন্নতয়া স্বরূপং ঘটস্য় সংদর্শয়িতুং ন শক্যতে । অতো ঘটঃ কল্পিত এব মোহা- ন্মৃদেব সত্য়ং পরমার্থভূতম্ ॥ 229॥

সদ্ব্রহ্মকার্য়ং সকলং সদেবং (পাঠভেদঃ - সদৈব) তন্মাত্রমেতন্ন ততোঽন্যদস্তি । (পাঠভেদঃ - সন্মাত্রমেতন্ন) অস্তীতি যো বক্তি ন তস্য় মোহো বিনির্গতো নিদ্রিতবত্প্রজল্পঃ ॥ 230॥

ব্রহ্মৈবেদং বিশ্বমিত্য়েব বাণী শ্রৌতী ব্রূতেঽথর্বনিষ্ঠা বরিষ্ঠা । তস্মাদেতদ্ব্রহ্মমাত্রং হি বিশ্বং নাধিষ্ঠানাদ্ভিন্নতাঽঽরোপিতস্য় ॥ 231॥

সত্য়ং যদি স্য়াজ্জগদেতদাত্মনোঽ নংতত্ত্বহানির্নিগমাপ্রমাণতা । অসত্যবাদিত্বমপীশিতুঃ স্য়া- ন্নৈতত্ত্রয়ং সাধু হিতং মহাত্মনাম্ ॥ 232॥

ঈশ্বরো বস্তুতত্ত্বজ্ঞো ন চাহং তেষ্ববস্থিতঃ । ন চ মত্স্থানি ভূতানীত্য়েবমেব ব্যচীক্লৃপত্ ॥ 233॥ (পাঠভেদঃ - ব্যচীকথত্)

যদি সত্য়ং ভবেদ্বিশ্বং সুষুপ্তাবুপলভ্যতাম্ । যন্নোপলভ্যতে কিংচিদতোঽসত্স্বপ্নবন্মৃষা ॥ 234॥

অতঃ পৃথঙ্নাস্তি জগত্পরাত্মনঃ পৃথক্প্রতীতিস্তু মৃষা গুণাদিবত্ । গুণাহিবত্ আরোপিতস্য়াস্তি কিমর্থবত্তাঽ- ধিষ্ঠানমাভাতি তথা ভ্রমেণ ॥ 235॥

ভ্রাংতস্য় যদ্যদ্ভ্রমতঃ প্রতীতং ব্রহ্মৈব তত্তদ্রজতং হি শুক্তিঃ । ইদংতয়া ব্রহ্ম সদৈব রূপ্যতে (পাঠভেদঃ - সদেব) ত্বারোপিতং ব্রহ্মণি নামমাত্রম্ ॥ 236॥

অতঃ পরং ব্রহ্ম সদদ্বিতীয়ং বিশুদ্ধবিজ্ঞানঘনং নিরংজনম্ । প্রশাংতমাদ্য়ংতবিহীনমক্রিয়ং নিরংতরানংদরসস্বরূপম্ ॥ 237॥

নিরস্তমায়াকৃতসর্বভেদং নিত্য়ং সুখং নিষ্কলমপ্রমেযম্ । (পাঠভেদঃ - নিত্য়ং ধ্রুবং) অরূপমব্যক্তমনাখ্যমব্যয়ং জ্য়োতিঃ স্বয়ং কিংচিদিদং চকাস্তি ॥ 238॥

জ্ঞাতৃজ্ঞেযজ্ঞানশূন্যমনংতং নির্বিকল্পকম্ । কেবলাখংডচিন্মাত্রং পরং তত্ত্বং বিদুর্বুধাঃ ॥ 239॥

অহেযমনুপাদেয়ং মনোবাচামগোচরম্ । অপ্রমেযমনাদ্য়ংতং ব্রহ্ম পূর্ণমহং মহঃ ॥ 240॥ (পাঠভেদঃ - পূর্ণং মহন্মহঃ)

তত্ত্বংপদাভ্য়ামভিধীযমানয়োঃ ব্রহ্মাত্মনোঃ শোধিতয়োর্যদীত্থম্ । (পাঠভেদঃ - শোধিতয়োর্যদিত্থম্) শ্রুত্য়া তয়োস্তত্ত্বমসীতি সম্যগ্ একত্বমেব প্রতিপাদ্যতে মুহুঃ ॥ 241-

এক্য়ং তয়োর্লক্ষিতয়োর্ন বাচ্যয়োঃ নিগদ্যতেঽন্য়োন্যবিরুদ্ধধর্মিণোঃ । খদ্য়োতভান্বোরিব রাজভৃত্যয়োঃ কূপাংবুরাশ্য়োঃ পরমাণুমের্বোঃ ॥ 242॥

তয়োর্বিরোধোঽযমুপাধিকল্পিতো ন বাস্তবঃ কশ্চিদুপাধিরেষঃ । ঈশস্য় মায়া মহদাদিকারণং জীবস্য় কার্য়ং শঋণু পংচকোশম্ ॥ 243॥ (পাঠভেদঃ - পংচকোশাঃ)

এতাবুপাধী পরজীবয়োস্তয়োঃ সম্যঙ্নিরাসে ন পরো ন জীবঃ । রাজ্য়ং নরেংদ্রস্য় ভটস্য় খেটক্- স্তয়োরপোহে ন ভটো ন রাজা ॥ 244॥

অথাত আদেশ ইতি শ্রুতিঃ স্বয়ং নিষেধতি ব্রহ্মণি কল্পিতং দ্বযম্ । শ্রুতিপ্রমাণানুগৃহীতবোধা- (পাঠভেদঃ - প্রমাণানুগৃহীতয়ুক্ত্য়া) ত্তয়োর্নিরাসঃ করণীয় এব ॥ 245॥

নেদং নেদং কল্পিতত্বান্ন সত্য়ং রজ্জুদৃষ্টব্য়ালবত্স্বপ্নবচ্চ । (পাঠভেদঃ - রজ্জৌ) ইত্থং দৃশ্য়ং সাধুয়ুক্ত্য়া ব্যপোহ্য় জ্ঞেয়ঃ পশ্চাদেকভাবস্তয়োর্য়ঃ ॥ 246॥

ততস্তু তৌ লক্ষণয়া সুলক্ষ্য়ৌ তয়োরখংডৈকরসত্বসিদ্ধয়ে । নালং জহত্য়া ন তথাঽজহত্য়া কিংতূভয়ার্থাত্মিকয়ৈব ভাব্যম্ ॥ 247॥ (পাঠভেদঃ - ভয়ার্থৈকতয়ৈব)

স দেবদত্তোঽযমিতীহ চৈকতা বিরুদ্ধধর্মাংশমপাস্য় কথ্যতে । যথা তথা তত্ত্বমসীতিবাক্য়ে বিরুদ্ধধর্মানুভযত্র হিত্বা ॥ 248॥

সংলক্ষ্য় চিন্মাত্রতয়া সদাত্মনোঃ অখংডভাবঃ পরিচীযতে বুধৈঃ । এবং মহাবাক্যশতেন কথ্যতে ব্রহ্মাত্মনোরৈক্যমখংডভাবঃ ॥ 249॥

অস্থূলমিত্য়েতদসন্নিরস্য় সিদ্ধং স্বতো ব্য়োমবদপ্রতর্ক্যম্ । অতো মৃষামাত্রমিদং প্রতীতং জহীহি যত্স্বাত্মতয়া গৃহীতম্ । ব্রহ্মাহমিত্য়েব বিশুদ্ধবুদ্ধ্য়া বিদ্ধি স্বমাত্মানমখংডবোধম্ ॥ 250॥

মৃত্কার্য়ং সকলং ঘটাদি সততং মৃন্মাত্রমেবাহিতং (পাঠভেদঃ - মৃন্মাত্রমেবাভিতঃ) তদ্বত্সজ্জনিতং সদাত্মকমিদং সন্মাত্রমেবাখিলম্ । যস্মান্নাস্তি সতঃ পরং কিমপি তত্সত্য়ং স আত্মা স্বয়ং তস্মাত্তত্ত্বমসি প্রশাংতমমলং ব্রহ্মাদ্বয়ং যত্পরম্ ॥ 251॥

নিদ্রাকল্পিতদেশকালবিষযজ্ঞাত্রাদি সর্বং যথা মিথ্য়া তদ্বদিহাপি জাগ্রতি জগত্স্বাজ্ঞানকার্যত্বতঃ । যস্মাদেবমিদং শরীরকরণপ্রাণাহমাদ্যপ্যসত্ তস্মাত্তত্ত্বমসি প্রশাংতমমলং ব্রহ্মাদ্বয়ং যত্পরম্ ॥ 252॥

যত্র ভ্রাংত্য়া কল্পিতং তদ্বিবেকে (পাঠভেদঃ - যদ্বিবেকে) তত্তন্মাত্রং নৈব তস্মাদ্বিভিন্নম্ । স্বপ্নে নষ্টং স্বপ্নবিশ্বং বিচিত্রং স্বস্মাদ্ভিন্নং কিন্নু দৃষ্টং প্রবোধে ॥ 253॥

জাতিনীতিকুলগোত্রদূরগং নামরূপগুণদোষবর্জিতম্ । দেশকালবিষয়াতিবর্তি যদ্ ব্রহ্ম তত্ত্বমসি ভাবয়াত্মনি ॥ 254॥

যত্পরং সকলবাগগোচরং গোচরং বিমলবোধচক্ষুষঃ । শুদ্ধচিদ্ঘনমনাদি বস্তু যদ্ ব্রহ্ম তত্ত্বমসি ভাবয়াত্মনি ॥ 255॥

ষড্ভিরূর্মিভিরয়োগি যোগিহৃদ্- ভাবিতং ন করণৈর্বিভাবিতম্ । বুদ্ধ্যবেদ্যমনবদ্যমস্তি যদ্ (পাঠভেদঃ - ভূতি যদ্) ব্রহ্ম তত্ত্বমসি ভাবয়াত্মনি ॥ 256॥

ভ্রাংতিকল্পিতজগত্কলাশ্রয়ং স্বাশ্রয়ং চ সদসদ্বিলক্ষণম্ । নিষ্কলং নিরুপমানবদ্ধি যদ্ (পাঠভেদঃ - নিরুপমানমৃদ্ধিমত্) ব্রহ্ম তত্ত্বমসি ভাবয়াত্মনি ॥ 257॥

জন্মবৃদ্ধিপরিণত্যপক্ষয়- ব্য়াধিনাশনবিহীনমব্যযম্ । বিশ্বসৃষ্ট্যববিঘাতকারণং (পাঠভেদঃ - বনঘাতকারণং) ব্রহ্ম তত্ত্বমসি ভাবয়াত্মনি ॥ 258॥

অস্তভেদমনপাস্তলক্ষণং নিস্তরংগজলরাশিনিশ্চলম্ । নিত্যমুক্তমবিভক্তমূর্তি যদ্ ব্রহ্ম তত্ত্বমসি ভাবয়াত্মনি ॥ 259॥

একমেব সদনেককারণং কারণাংতরনিরাস্যকারণম্ । (পাঠভেদঃ - সকারণম্) কার্যকারণবিলক্ষণং স্বয়ং ব্রহ্ম তত্ত্বমসি ভাবয়াত্মনি ॥ 260॥

নির্বিকল্পকমনল্পমক্ষরং যত্ক্ষরাক্ষরবিলক্ষণং পরম্ । নিত্যমব্যযসুখং নিরংজনং ব্রহ্ম তত্ত্বমসি ভাবয়াত্মনি ॥ 261॥

যদ্বিভাতি সদনেকধা ভ্রমা- ন্নামরূপগুণবিক্রিয়াত্মনা । হেমবত্স্বযমবিক্রিয়ং সদা ব্রহ্ম তত্ত্বমসি ভাবয়াত্মনি ॥ 262॥

যচ্চকাস্ত্যনপরং পরাত্পরং প্রত্যগেকরসমাত্মলক্ষণম্ । সত্যচিত্সুখমনংতমব্যয়ং ব্রহ্ম তত্ত্বমসি ভাবয়াত্মনি ॥ 263॥

উক্তমর্থমিমমাত্মনি স্বয়ং ভাবয়েত্প্রথিতয়ুক্তিভির্ধিয়া । (পাঠভেদঃ - ভাবয় প্রথিত) সংশয়াদিরহিতং করাংবুবত্ তেন তত্ত্বনিগমো ভবিষ্যতি ॥ 264॥

সংবোধমাত্রং পরিশুদ্ধতত্ত্বং (পাঠভেদঃ - স্বং বোধমাত্রং) বিজ্ঞায় সংঘে নৃপবচ্চ সৈন্য়ে । তদাশ্রয়ঃ স্বাত্মনি সর্বদা স্থিতো (পাঠভেদঃ - তদাত্মনৈবাত্মনি) বিলাপয় ব্রহ্মণি বিশ্বজাতম্ ॥ 265॥ (পাঠভেদঃ - দৃশ্যজাতম্)

বুদ্ধৌ গুহায়াং সদসদ্বিলক্ষণং ব্রহ্মাস্তি সত্য়ং পরমদ্বিতীযম্ । তদাত্মনা যোঽত্র বসেদ্গুহায়াং পুনর্ন তস্য়াংগগুহাপ্রবেশঃ ॥ 266॥

জ্ঞাতে বস্তুন্যপি বলবতী বাসনাঽনাদিরেষা কর্তা ভোক্তাপ্যহমিতি দৃঢা যাঽস্য় সংসারহেতুঃ । প্রত্যগ্দৃষ্ট্য়াঽঽত্মনি নিবসতা সাপনেয়া প্রযত্না- ন্মুক্তিং প্রাহুস্তদিহ মুনয়ো বাসনাতানবং যত্ ॥ 267॥

অহং মমেতি যো ভাবো দেহাক্ষাদাবনাত্মনি । অধ্য়াসোঽয়ং নিরস্তব্য়ো বিদুষা স্বাত্মনিষ্ঠয়া ॥ 268॥

জ্ঞাত্বা স্বং প্রত্যগাত্মানং বুদ্ধিতদ্বৃত্তিসাক্ষিণম্ । সোঽহমিত্য়েব সদ্বৃত্ত্য়াঽনাত্মন্য়াত্মমতিং জহি ॥ 269॥

লোকানুবর্তনং ত্যক্ত্বা ত্যক্ত্বা দেহানুবর্তনম্ । শাস্ত্রানুবর্তনং ত্যক্ত্বা স্বাধ্য়াসাপনয়ং কুরু ॥ 270॥

লোকবাসনয়া জংতোঃ শাস্ত্রবাসনয়াপি চ । দেহবাসনয়া জ্ঞানং যথাবন্নৈব জাযতে ॥ 271

সংসারকারাগৃহমোক্ষমিচ্ছো- রয়োময়ং পাদনিবংধশঋংখলম্ । (পাঠভেদঃ - নিবদ্ধ) বদংতি তজ্জ্ঞাঃ পটু বাসনাত্রয়ং যোঽস্মাদ্বিমুক্তঃ সমুপৈতি মুক্তিম্ ॥ 272॥

জলাদিসংসর্গবশাত্প্রভূত- (পাঠভেদঃ - জলাদিসংপর্কবশাত্) দুর্গংধধূতাঽগরুদিব্যবাসনা । সংঘর্ষণেনৈব বিভাতি সম্য়- গ্বিধূযমানে সতি বাহ্যগংধে ॥ 273॥

অংতঃশ্রিতানংতদুরংতবাসনা- ধূলীবিলিপ্তা পরমাত্মবাসনা । প্রজ্ঞাতিসংঘর্ষণতো বিশুদ্ধা প্রতীযতে চংদনগংধবত্ স্ফুটম্ ॥ 274॥ (পাঠভেদঃ - স্ফুটা)

অনাত্মবাসনাজালৈস্তিরোভূতাত্মবাসনা । নিত্য়াত্মনিষ্ঠয়া তেষাং নাশে ভাতি স্বয়ং স্ফুটম্ ॥ 275॥ (পাঠভেদঃ - স্ফুটা)

যথা যথা প্রত্যগবস্থিতং মনঃ তথা তথা মুংচতি বাহ্যবাসনাম্ । (পাঠভেদঃ - বাহ্যবাসনাঃ) নিঃশেষমোক্ষে সতি বাসনানাং আত্মানুভূতিঃ প্রতিবংধশূন্য়া ॥ 276॥

স্বাত্মন্য়েব সদা স্থিত্বা মনো নশ্যতি যোগিনঃ । (পাঠভেদঃ - স্থিত্য়া) বাসনানাং ক্ষযশ্চাতঃ স্বাধ্য়াসাপনয়ং কুরু ॥ 277॥

তমো দ্বাভ্য়াং রজঃ সত্ত্বাত্সত্ত্বং শুদ্ধেন নশ্যতি । তস্মাত্সত্ত্বমবষ্টভ্য় স্বাধ্য়াসাপনয়ং কুরু ॥ 278॥

প্রারব্ধং পুষ্যতি বপুরিতি নিশ্চিত্য় নিশ্চলঃ । ধৈর্যমালংব্য় যত্নেন স্বাধ্য়াসাপনয়ং কুরু ॥ 279॥

নাহং জীবঃ পরং ব্রহ্মেত্যতদ্ব্য়াবৃত্তিপূর্বকম্ । বাসনাবেগতঃ প্রাপ্তস্বাধ্য়াসাপনয়ং কুরু ॥ 280॥

শ্রুত্য়া যুক্ত্য়া স্বানুভূত্য়া জ্ঞাত্বা সার্বাত্ম্যমাত্মনঃ । ক্বচিদাভাসতঃ প্রাপ্তস্বাধ্য়াসাপনয়ং কুরু ॥ 281॥

অনাদানবিসর্গাভ্য়ামীষন্নাস্তি ক্রিয়া মুনেঃ । (পাঠভেদঃ - অন্নাদানবিসর্গা) তদেকনিষ্ঠয়া নিত্য়ং স্বাধ্য়াসাপনয়ং কুরু ॥ 282॥

তত্ত্বমস্য়াদিবাক্য়োত্থব্রহ্মাত্মৈকত্ববোধতঃ । ব্রহ্মণ্য়াত্মত্বদার্ঢ্য়ায় স্বাধ্য়াসাপনয়ং কুরু ॥ 283॥

অহংভাবস্য় দেহেঽস্মিন্নিঃশেষবিলয়াবধি । সাবধানেন যুক্তাত্মা স্বাধ্য়াসাপনয়ং কুরু ॥ 284॥

প্রতীতির্জীবজগতোঃ স্বপ্নবদ্ভাতি যাবতা । তাবন্নিরংতরং বিদ্বন্স্বাধ্য়াসাপনয়ং কুরু ॥ 285॥

নিদ্রায়া লোকবার্তায়াঃ শব্দাদেরপি বিস্মৃতেঃ । ক্বচিন্নাবসরং দত্ত্বা চিংতয়াত্মানমাত্মনি ॥ 286॥

মাতাপিত্রোর্মলোদ্ভূতং মলমাংসময়ং বপুঃ । ত্যক্ত্বা চাংডালবদ্দূরং ব্রহ্মীভূয় কৃতী ভব ॥ 287॥

ঘটাকাশং মহাকাশ ইবাত্মানং পরাত্মনি । বিলাপ্য়াখংডভাবেন তূষ্ণী ভব সদা মুনে ॥ 288॥ (পাঠভেদঃ - তূষ্ণীং)

স্বপ্রকাশমধিষ্ঠানং স্বয়ংভূয় সদাত্মনা । ব্রহ্মাংডমপি পিংডাংডং ত্যজ্যতাং মলভাংডবত্ ॥ 289॥

চিদাত্মনি সদানংদে দেহারূঢামহংধিযম্ । নিবেশ্য় লিংগমুত্সৃজ্য় কেবলো ভব সর্বদা ॥ 290॥

যত্রৈষ জগদাভাসো দর্পণাংতঃ পুরং যথা । তদ্ব্রহ্মাহমিতি জ্ঞাত্বা কৃতকৃত্য়ো ভবিষ্যসি ॥ 291॥

যত্সত্যভূতং নিজরূপমাদ্য়ং চিদদ্বয়ানংদমরূপমক্রিযম্ । তদেত্য় মিথ্য়াবপুরুত্সৃজেত (পাঠভেদঃ - সৃজৈত) শৈলূষবদ্বেষমুপাত্তমাত্মনঃ ॥ 292॥

সর্বাত্মনা দৃশ্যমিদং মৃষৈব নৈবাহমর্থঃ ক্ষণিকত্বদর্শনাত্ । জানাম্যহং সর্বমিতি প্রতীতিঃ কুতোঽহমাদেঃ ক্ষণিকস্য় সিধ্য়েত্ ॥ 293॥

অহংপদার্থস্ত্বহমাদিসাক্ষী নিত্য়ং সুষুপ্তাবপি ভাবদর্শনাত্ । ব্রূতে হ্যজো নিত্য় ইতি শ্রুতিঃ স্বয়ং তত্প্রত্যগাত্মা সদসদ্বিলক্ষণঃ ॥ 294॥

বিকারিণাং সর্ববিকারবেত্তা নিত্য়াবিকারো ভবিতুং সমর্হতি । (পাঠভেদঃ - নিত্য়োঽবিকারো) মনোরথস্বপ্নসুষুপ্তিষু স্ফুটং পুনঃ পুনর্দৃষ্টমসত্ত্বমেতয়োঃ ॥ 295॥

অতোঽভিমানং ত্যজ মাংসপিংডে পিংডাভিমানিন্যপি বুদ্ধিকল্পিতে । কালত্রয়াবাধ্যমখংডবোধং জ্ঞাত্বা স্বমাত্মানমুপৈহি শাংতিম্ ॥ 296॥

ত্যজাভিমানং কুলগোত্রনাম- রূপাশ্রমেষ্বার্দ্রশবাশ্রিতেষু । লিংগস্য় ধর্মানপি কর্তৃতাদীং- স্ত্যক্ত্বা ভবাখংডসুখস্বরূপঃ ॥ 297॥

সংত্যন্য়ে প্রতিবংধাঃ পুংসঃ সংসারহেতবো দৃষ্টাঃ । তেষামেবং মূলং প্রথমবিকারো ভবত্যহংকারঃ ॥ 298॥ (পাঠভেদঃ - তেষামেষাং)

যাবত্স্য়াত্স্বস্য় সংবংধোঽহংকারেণ দুরাত্মনা । তাবন্ন লেশমাত্রাপি মুক্তিবার্তা বিলক্ষণা ॥ 299॥

অহংকারগ্রহান্মুক্তঃ স্বরূপমুপপদ্যতে । চংদ্রবদ্বিমলঃ পূর্ণঃ সদানংদঃ স্বয়ংপ্রভঃ ॥ 300॥

যো বা পুরে সোঽহমিতি প্রতীতো (পাঠভেদঃ - পুরৈষোঽহমিতি) বুদ্ধ্য়া প্রক্লৃপ্তস্তমসাঽতিমূঢয়া । (পাঠভেদঃ - বুদ্ধ্য়াঽবিবিক্তস্তমসা) তস্য়ৈব নিঃশেষতয়া বিনাশে ব্রহ্মাত্মভাবঃ প্রতিবংধশূন্য়ঃ ॥ 301॥

ব্রহ্মানংদনিধির্মহাবলবতাঽহংকারঘোরাহিনা সংবেষ্ট্য়াত্মনি রক্ষ্যতে গুণময়ৈশ্চংডেস্ত্রিভির্মস্তকৈঃ (পাঠভেদঃ - চংডৈ) বিজ্ঞানাখ্যমহাসিনা শ্রুতিমতা বিচ্ছিদ্য় শীর্ষত্রয়ং (পাঠভেদঃ - দ্য়ুতিমতা) নির্মূল্য়াহিমিমং নিধিং সুখকরং ধীরোঽনুভোক্তুংক্ষমঃ ॥ 302॥

যাবদ্বা যত্কিংচিদ্বিষদোষস্ফূর্তিরস্তি চেদ্দেহে । কথমারোগ্য়ায় ভবেত্তদ্বদহংতাপি যোগিনো মুক্ত্য়ৈ ॥ 303॥

অহমোঽত্য়ংতনিবৃত্ত্য়া তত্কৃতনানাবিকল্পসংহৃত্য়া । প্রত্যক্তত্ত্ববিবেকাদিদমহমস্মীতি বিংদতে তত্ত্বম্ ॥ 304॥ (পাঠভেদঃ - বিবেকাদযম্)

অহংকারে কর্তর্যহমিতি মতিং মুংচ সহসা (পাঠভেদঃ - অহংকর্তর্যস্মিন্নহমিতি) বিকারাত্মন্য়াত্মপ্রতিফলজুষি স্বস্থিতিমুষি । যদধ্য়াসাত্প্রাপ্তা জনিমৃতিজরাদুঃখবহুলা প্রতীচশ্চিন্মূর্তেস্তব সুখতনোঃ সংসৃতিরিযম্ ॥ 305॥

সদৈকরূপস্য় চিদাত্মনো বিভো- রানংদমূর্তেরনবদ্যকীর্তেঃ । নৈবান্যথা ক্বাপ্যবিকারিণস্তে বিনাহমধ্য়াসমমুষ্য় সংসৃতিঃ ॥ 306॥

তস্মাদহংকারমিমং স্বশত্রুং ভোক্তুর্গলে কংটকবত্প্রতীতম্ । বিচ্ছিদ্য় বিজ্ঞানমহাসিনা স্ফুটং ভুংক্ষ্বাত্মসাম্রাজ্যসুখং যথেষ্টম্ ॥ 307॥

ততোঽহমাদের্বিনিবর্ত্য় বৃত্তিং সংত্যক্তরাগঃ পরমার্থলাভাত্ । তূষ্ণীং সমাস্স্বাত্মসুখানুভূত্য়া পূর্ণাত্মনা ব্রহ্মণি নির্বিকল্পঃ ॥ 308॥

সমূলকৃত্তোঽপি মহানহং পুনঃ ব্য়ুল্লেখিতঃ স্য়াদ্যদি চেতসা ক্ষণম্ । সংজীব্য় বিক্ষেপশতং করোতি নভস্বতা প্রাবৃষি বারিদো যথা ॥ 309॥

নিগৃহ্য় শত্রোরহমোঽবকাশঃ ক্বচিন্ন দেয়ো বিষয়ানুচিংতয়া । স এব সংজীবনহেতুরস্য় প্রক্ষীণজংবীরতরোরিবাংবু ॥ 310॥

দেহাত্মনা সংস্থিত এব কামী বিলক্ষণঃ কাময়িতা কথং স্য়াত্ । অতোঽর্থসংধানপরত্বমেব ভেদপ্রসক্ত্য়া ভববংধহেতুঃ ॥ 311॥

কার্যপ্রবর্ধনাদ্বীজপ্রবৃদ্ধিঃ পরিদৃশ্যতে । কার্যনাশাদ্বীজনাশস্তস্মাত্কার্য়ং নিরোধয়েত্ ॥ 312॥

বাসনাবৃদ্ধিতঃ কার্য়ং কার্যবৃদ্ধ্য়া চ বাসনা । বর্ধতে সর্বথা পুংসঃ সংসারো ন নিবর্ততে ॥ 313॥

সংসারবংধবিচ্ছিত্ত্য়ৈ তদ্ দ্বয়ং প্রদহেদ্যতিঃ । বাসনাবৃদ্ধিরেতাভ্য়াং চিংতয়া ক্রিযয়া বহিঃ ॥ 314॥ (পাঠভেদঃ - বাসনা প্রের্যতে হ্য়ংতঃ)

তাভ্য়াং প্রবর্ধমানা সা সূতে সংসৃতিমাত্মনঃ । ত্রয়াণাং চ ক্ষয়োপায়ঃ সর্বাবস্থাসু সর্বদা ॥ 315॥

সর্বত্র সর্বতঃ সর্বব্রহ্মমাত্রাবলোকনৈঃ । (পাঠভেদঃ - মাত্রাবলোকনম্) সদ্ভাববাসনাদার্ঢ্য়াত্তত্ত্রয়ং লযমশ্নুতে ॥ 316॥

ক্রিয়ানাশে ভবেচ্চিংতানাশোঽস্মাদ্বাসনাক্ষয়ঃ । বাসনাপ্রক্ষয়ো মোক্ষঃ সা জীবন্মুক্তিরিষ্যতে ॥ 317॥ (পাঠভেদঃ - স)

সদ্বাসনাস্ফূর্তিবিজৃংভণে সতি হ্যসৌ বিলীনাপ্যহমাদিবাসনা । (পাঠভেদঃ - বিলীনা ত্বহমাদিবাসনা) অতিপ্রকৃষ্টাপ্যরুণপ্রভায়াং বিলীযতে সাধু যথা তমিস্রা ॥ 318॥

তমস্তমঃকার্যমনর্থজালং ন দৃশ্যতে সত্য়ুদিতে দিনেশে । তথাঽদ্বয়ানংদরসানুভূতৌ নৈবাস্তি বংধো ন চ দুঃখগংধঃ ॥ 319॥

দৃশ্য়ং প্রতীতং প্রবিলাপযন্সন্ (পাঠভেদঃ - প্রবিলাপযন্স্বয়ং) সন্মাত্রমানংদঘনং বিভাবযন্ । সমাহিতঃ সন্বহিরংতরং বা কালং নয়েথাঃ সতি কর্মবংধে ॥ 320॥

প্রমাদো ব্রহ্মনিষ্ঠায়াং ন কর্তব্য়ঃ কদাচন । প্রমাদো মৃত্য়ুরিত্য়াহ ভগবান্ব্রহ্মণঃ সুতঃ ॥ 321॥

ন প্রমাদাদনর্থোঽন্য়ো জ্ঞানিনঃ স্বস্বরূপতঃ । ততো মোহস্ততোঽহংধীস্ততো বংধস্ততো ব্যথা ॥ 322॥

বিষয়াভিমুখং দৃষ্ট্বা বিদ্বাংসমপি বিস্মৃতিঃ । বিক্ষেপযতি ধীদোষৈর্য়োষা জারমিব প্রিযম্ ॥ 323॥

যথাপকৃষ্টং শৈবালং ক্ষণমাত্রং ন তিষ্ঠতি । আবৃণোতি তথা মায়া প্রাজ্ঞং বাপি পরাঙ্মুখম্ ॥ 324॥

লক্ষ্যচ্য়ুতং চেদ্যদি চিত্তমীষদ্ বহির্মুখং সন্নিপতেত্ততস্ততঃ । প্রমাদতঃ প্রচ্য়ুতকেলিকংদুকঃ সোপানপংক্তৌ পতিতো যথা তথা ॥ 325॥

বিষয়েষ্বাবিশচ্চেতঃ সংকল্পযতি তদ্গুণান্ । সম্যক্সংকল্পনাত্কামঃ কামাত্পুংসঃ প্রবর্তনম্ ॥ 326॥

অতঃ প্রমাদান্ন পরোঽস্তি মৃত্য়ুঃ বিবেকিনো ব্রহ্মবিদঃ সমাধৌ । সমাহিতঃ সিদ্ধিমুপৈতি সম্যক্ সমাহিতাত্মা ভব সাবধানঃ ॥ 327॥

ততঃ স্বরূপবিভ্রংশো বিভ্রষ্টস্তু পতত্যধঃ । পতিতস্য় বিনা নাশং পুনর্নারোহ ঈক্ষ্যতে ॥ 328॥

সংকল্পং বর্জয়েত্তস্মাত্সর্বানর্থস্য় কারণম্ । অপথ্য়ানি হি বস্তূনি ব্য়াধিগ্রস্তো যথোত্সৃজে । জীবতো যস্য় কৈবল্য়ং বিদেহে স চ কেবলঃ । যত্কিংচিত্ পশ্যতো ভেদং ভয়ং ব্রূতে যজুঃশ্রুতিঃ ॥ 329॥

যদা কদা বাপি বিপশ্চিদেষ ব্রহ্মণ্যনংতেঽপ্যণুমাত্রভেদম্ । পশ্যত্যথামুষ্য় ভয়ং তদৈব যদ্বীক্ষিতং ভিন্নতয়া প্রমাদাত্ ॥ 330॥ (পাঠভেদঃ - যদীক্ষিতং)

শ্রুতিস্মৃতিন্য়াযশতৈর্নিষিদ্ধে দৃশ্য়েঽত্র যঃ স্বাত্মমতিং করোতি । উপৈতি দুঃখোপরি দুঃখজাতং নিষিদ্ধকর্তা স মলিম্লুচো যথা ॥ 331॥

সত্য়াভিসংধানরতো বিমুক্তো মহত্ত্বমাত্মীযমুপৈতি নিত্যম্ । মিথ্য়াভিসংধানরতস্তু নশ্য়েদ্ দৃষ্টং তদেতদ্যদচৌরচৌরয়োঃ ॥ 332॥ (পাঠভেদঃ - চোরচোরয়োঃ)

যতিরসদনুসংধিং বংধহেতুং বিহায় স্বযমযমহমস্মীত্য়াত্মদৃষ্ট্য়ৈব তিষ্ঠেত্ সুখযতি ননু নিষ্ঠা ব্রহ্মণি স্বানুভূত্য়া হরতি পরমবিদ্য়াকার্যদুঃখং প্রতীতম্ ॥ 333॥

বাহ্য়ানুসংধিঃ পরিবর্ধয়েত্ফলং (পাঠভেদঃ - বাহ্য়াভিসংধিঃ) দুর্বাসনামেব ততস্ততোঽধিকাম্ । জ্ঞাত্বা বিবেকৈঃ পরিহৃত্য় বাহ্য়ং স্বাত্মানুসংধিং বিদধীত নিত্যম্ ॥ 334॥

বাহ্য়ে নিরুদ্ধে মনসঃ প্রসন্নতা মনঃপ্রসাদে পরমাত্মদর্শনম্ । তস্মিন্সুদৃষ্টে ভববংধনাশো বহির্নিরোধঃ পদবী বিমুক্তেঃ ॥ 335॥

কঃ পংডিতঃ সন্সদসদ্বিবেকী শ্রুতিপ্রমাণঃ পরমার্থদর্শী । জানন্হি কুর্য়াদসতোঽবলংবং স্বপাতহেতোঃ শিশুবন্মুমুক্ষুঃ ॥ 336॥

দেহাদিসংসক্তিমতো ন মুক্তিঃ মুক্তস্য় দেহাদ্যভিমত্যভাবঃ । সুপ্তস্য় নো জাগরণং ন জাগ্রতঃ স্বপ্নস্তয়োর্ভিন্নগুণাশ্রযত্বাত্ ॥ 337॥

অংতর্বহিঃ স্বং স্থিরজংগমেষু জ্ঞাত্বাঽঽত্মনাধারতয়া বিলোক্য় । (পাঠভেদঃ - জ্ঞানাত্মন্) ত্যক্তাখিলোপাধিরখংডরূপঃ পূর্ণাত্মনা যঃ স্থিত এষ মুক্তঃ ॥ 338॥

সর্বাত্মনা বংধবিমুক্তিহেতুঃ সর্বাত্মভাবান্ন পরোঽস্তি কশ্চিত্ । দৃশ্য়াগ্রহে সত্য়ুপপদ্যতেঽসৌ সর্বাত্মভাবোঽস্য় সদাত্মনিষ্ঠয়া ॥ 339॥

দৃশ্যস্য়াগ্রহণং কথং নু ঘটতে দেহাত্মনা তিষ্ঠতো বাহ্য়ার্থানুভবপ্রসক্তমনসস্তত্তত্ক্রিয়াং কুর্বতঃ । সন্ন্যস্তাখিলধর্মকর্মবিষয়ৈর্নিত্য়াত্মনিষ্ঠাপরৈঃ তত্ত্বজ্ঞৈঃ করণীযমাত্মনি সদানংদেচ্ছুভির্যত্নতঃ ॥ 340॥

সর্বাত্মসিদ্ধয়ে ভিক্ষোঃ কৃতশ্রবণকর্মণঃ । (পাঠভেদঃ - সার্বাত্ম্য়) সমাধিং বিদধাত্য়েষা শাংতো দাংত ইতি শ্রুতিঃ ॥ 341॥

আরূঢশক্তেরহমো বিনাশঃ কর্তুন্ন শক্য় সহসাপি পংডিতৈঃ । (পাঠভেদঃ - কর্তুং ন) যে নির্বিকল্পাখ্যসমাধিনিশ্চলাঃ তানংতরাঽনংতভবা হি বাসনাঃ ॥ 342॥

অহংবুদ্ধ্য়ৈব মোহিন্য়া যোজয়িত্বাঽঽবৃতের্বলাত্ । বিক্ষেপশক্তিঃ পুরুষং বিক্ষেপযতি তদ্গুণৈঃ ॥ 343॥

বিক্ষেপশক্তিবিজয়ো বিষমো বিধাতুং নিঃশেষমাবরণশক্তিনিবৃত্ত্যভাবে । দৃগ্দৃশ্যয়োঃ স্ফুটপয়োজলবদ্বিভাগে নশ্য়েত্তদাবরণমাত্মনি চ স্বভাবাত্ । নিঃসংশয়েন ভবতি প্রতিবংধশূন্য়ো বিক্ষেপণং ন হি তদা যদি চেন্মৃষার্থে ॥ 344॥ (পাঠভেদঃ - নিক্ষেপণং)

সম্যগ্বিবেকঃ স্ফুটবোধজন্য়ো বিভজ্য় দৃগ্দৃশ্যপদার্থতত্ত্বম্ । ছিনত্তি মায়াকৃতমোহবংধং যস্মাদ্বিমুক্তস্তু পুনর্ন সংসৃতিঃ ॥ 345॥ (পাঠভেদঃ - বিমুক্তস্য়)

পরাবরৈকত্ববিবেকবহ্নিঃ দহত্যবিদ্য়াগহনং হ্যশেষম্ । কিং স্য়াত্পুনঃ সংসরণস্য় বীজং অদ্বৈতভাবং সমুপেয়ুষোঽস্য় ॥ 346॥

আবরণস্য় নিবৃত্তির্ভবতি হি সম্যক্পদার্থদর্শনতঃ । মিথ্য়াজ্ঞানবিনাশস্তদ্বিক্ষেপজনিতদুঃখনিবৃত্তিঃ ॥ 347॥

এতত্ত্রিতয়ং দৃষ্টং সম্যগ্রজ্জুস্বরূপবিজ্ঞানাত্ । তস্মাদ্বস্তুসতত্ত্বং জ্ঞাতব্য়ং বংধমুক্তয়ে বিদুষা ॥ 348॥

অয়োঽগ্নিয়োগাদিব সত্সমন্বয়ান্ মাত্রাদিরূপেণ বিজৃংভতে ধীঃ । তত্কার্যমেতদ্দ্বিতয়ং যতো মৃষা (পাঠভেদঃ - তত্কার্যমেব ত্রিতয়ং) দৃষ্টং ভ্রমস্বপ্নমনোরথেষু ॥ 349॥

ততো বিকারাঃ প্রকৃতেরহম্মুখা দেহাবসানা বিষয়াশ্চ সর্বে । ক্ষণেঽন্যথাভাবিতয়া হ্যমীষা- (পাঠভেদঃ - ভাবিন এষ আত্মা) মসত্ত্বমাত্মা তু কদাপি নান্যথা ॥ 350॥ (পাঠভেদঃ - মসত্ত্বমাত্মা তু কদাপি)

নিত্য়াদ্বয়াখংডচিদেকরূপো বুদ্ধ্য়াদিসাক্ষী সদসদ্বিলক্ষণঃ । অহংপদপ্রত্যযলক্ষিতার্থঃ প্রত্যক্ সদানংদঘনঃ পরাত্মা ॥ 351॥

ইত্থং বিপশ্চিত্সদসদ্বিভজ্য় নিশ্চিত্য় তত্ত্বং নিজবোধদৃষ্ট্য়া । জ্ঞাত্বা স্বমাত্মানমখংডবোধং তেভ্য়ো বিমুক্তঃ স্বযমেব শাম্যতি ॥ 352॥

অজ্ঞানহৃদযগ্রংথের্নিঃশেষবিলযস্তদা । সমাধিনাঽবিকল্পেন যদাঽদ্বৈতাত্মদর্শনম্ ॥ 353॥

ত্বমহমিদমিতীয়ং কল্পনা বুদ্ধিদোষাত্ প্রভবতি পরমাত্মন্যদ্বয়ে নির্বিশেষে । প্রবিলসতি সমাধাবস্য় সর্বো বিকল্পো বিলযনমুপগচ্ছেদ্বস্তুতত্ত্বাবধৃত্য়া ॥ 354॥

শাংতো দাংতঃ পরমুপরতঃ ক্ষাংতিয়ুক্তঃ সমাধিং কুর্বন্নিত্য়ং কলযতি যতিঃ স্বস্য় সর্বাত্মভাবম্ । তেনাবিদ্য়াতিমিরজনিতান্সাধু দগ্ধ্বা বিকল্পান্ ব্রহ্মাকৃত্য়া নিবসতি সুখং নিষ্ক্রিয়ো নির্বিকল্পঃ ॥ 355॥

সমাহিতা যে প্রবিলাপ্য় বাহ্য়ং শ্রোত্রাদি চেতঃ স্বমহং চিদাত্মনি । ত এব মুক্তা ভবপাশবংধৈঃ নান্য়ে তু পারোক্ষ্যকথাভিধায়িনঃ ॥ 356॥

উপাধিভেদাত্স্বযমেব ভিদ্যতে (পাঠভেদঃ - যোগাত্স্বযমেব) চোপাধ্যপোহে স্বযমেব কেবলঃ । তস্মাদুপাধের্বিলয়ায় বিদ্বান্ বসেত্সদাঽকল্পসমাধিনিষ্ঠয়া ॥ 357॥

সতি সক্তো নরো যাতি সদ্ভাবং হ্য়েকনিষ্ঠয়া । কীটকো ভ্রমরং ধ্য়াযন্ ভ্রমরত্বায় কল্পতে ॥ 358॥

ক্রিয়াংতরাসক্তিমপাস্য় কীটকো ধ্য়াযন্নলিত্বং হ্যলিভাবমৃচ্ছতি । (পাঠভেদঃ - ধ্য়াযন্যথালিং) তথৈব যোগী পরমাত্মতত্ত্বং ধ্য়াত্বা সমায়াতি তদেকনিষ্ঠয়া ॥ 359॥

অতীব সূক্ষ্মং পরমাত্মতত্ত্বং ন স্থূলদৃষ্ট্য়া প্রতিপত্তুমর্হতি । সমাধিনাত্য়ংতসুসূক্ষ্মবৃত্ত্য়া জ্ঞাতব্যমার্য়ৈরতিশুদ্ধবুদ্ধিভিঃ ॥ 360॥

যথা সুবর্ণং পুটপাকশোধিতং ত্যক্ত্বা মলং স্বাত্মগুণং সমৃচ্ছতি । তথা মনঃ সত্ত্বরজস্তমোমলং ধ্য়ানেন সংত্যজ্য় সমেতি তত্ত্বম্ ॥ 361॥

নিরংতরাভ্য়াসবশাত্তদিত্থং পক্বং মনো ব্রহ্মণি লীযতে যদা । তদা সমাধিঃ সবিকল্পবর্জিতঃ (পাঠভেদঃ - স বিকল্পবর্জিতঃ) স্বতোঽদ্বয়ানংদরসানুভাবকঃ ॥ 362॥

সমাধিনাঽনেন সমস্তবাসনা- গ্রংথের্বিনাশোঽখিলকর্মনাশঃ । অংতর্বহিঃ সর্বত এব সর্বদা স্বরূপবিস্ফূর্তিরযত্নতঃ স্য়াত্ ॥ 363॥

শ্রুতেঃ শতগুণং বিদ্য়ান্মননং মননাদপি । নিদিধ্য়াসং লক্ষগুণমনংতং নির্বিকল্পকম্ ॥ 364॥

নির্বিকল্পকসমাধিনা স্ফুটং ব্রহ্মতত্ত্বমবগম্যতে ধ্রুবম্ । নান্যথা চলতয়া মনোগতেঃ প্রত্যয়াংতরবিমিশ্রিতং ভবেত্ ॥ 365॥

অতঃ সমাধত্স্ব যতেংদ্রিয়ঃ সন্ নিরংতরং শাংতমনাঃ প্রতীচি । বিধ্বংসয় ধ্বাংতমনাদ্যবিদ্যয়া কৃতং সদেকত্ববিলোকনেন ॥ 366॥

যোগস্য় প্রথমদ্বারং বাঙ্নিরোধোঽপরিগ্রহঃ । (পাঠভেদঃ - প্রথমং দ্বারং) নিরাশা চ নিরীহা চ নিত্যমেকাংতশীলতা ॥ 367॥

একাংতস্থিতিরিংদ্রিয়োপরমণে হেতুর্দমশ্চেতসঃ সংরোধে করণং শমেন বিলয়ং যায়াদহংবাসনা । তেনানংদরসানুভূতিরচলা ব্রাহ্মী সদা যোগিনঃ তস্মাচ্চিত্তনিরোধ এব সততং কার্য়ঃ প্রযত্নো মুনেঃ ॥ 368॥ প্রযত্নান্মুনেঃ বাচং নিযচ্ছাত্মনি তং নিযচ্ছ বুদ্ধৌ ধিয়ং যচ্ছ চ বুদ্ধিসাক্ষিণি । তং চাপি পূর্ণাত্মনি নির্বিকল্পে বিলাপ্য় শাংতিং পরমাং ভজস্ব ॥ 369॥

দেহপ্রাণেংদ্রিযমনোবুদ্ধ্য়াদিভিরুপাধিভিঃ । যৈর্য়ৈর্বৃত্তেঃসমায়োগস্তত্তদ্ভাবোঽস্য় যোগিনঃ ॥ 370॥

তন্নিবৃত্ত্য়া মুনেঃ সম্যক্ সর্বোপরমণং সুখম্ । সংদৃশ্যতে সদানংদরসানুভববিপ্লবঃ ॥ 371॥

অংতস্ত্য়াগো বহিস্ত্য়াগো বিরক্তস্য়ৈব যুজ্যতে । ত্যজত্য়ংতর্বহিঃসংগং বিরক্তস্তু মুমুক্ষয়া ॥ 372॥

বহিস্তু বিষয়ৈঃ সংগং তথাংতরহমাদিভিঃ । (পাঠভেদঃ - সংগঃ) বিরক্ত এব শক্নোতি ত্যক্তুং ব্রহ্মণি নিষ্ঠিতঃ ॥ 373॥

বৈরাগ্যবোধৌ পুরুষস্য় পক্ষিবত্ পক্ষৌ বিজানীহি বিচক্ষণ ত্বম্ । বিমুক্তিসৌধাগ্রলতাধিরোহণং তাভ্য়াং বিনা নান্যতরেণ সিধ্যতি ॥ 374॥

অত্য়ংতবৈরাগ্যবতঃ সমাধিঃ সমাহিতস্য়ৈব দৃঢপ্রবোধঃ । প্রবুদ্ধতত্ত্বস্য় হি বংধমুক্তিঃ মুক্তাত্মনো নিত্যসুখানুভূতিঃ ॥ 375॥

বৈরাগ্য়ান্ন পরং সুখস্য় জনকং পশ্য়ামি বশ্য়াত্মনঃ তচ্চেচ্ছুদ্ধতরাত্মবোধসহিতং স্বারাজ্যসাম্রাজ্যধুক্ । এতদ্দ্বারমজস্রমুক্তিয়ুবতের্যস্মাত্ত্বমস্মাত্পরং সর্বত্রাস্পৃহয়া সদাত্মনি সদা প্রজ্ঞাং কুরু শ্রেযসে ॥ 376॥

আশাং ছিংদ্ধি বিষোপমেষু বিষয়েষ্বেষৈব মৃত্য়োঃ কৃতি- (পাঠভেদঃ - মৃত্য়োঃ সৃতি) স্ত্যক্ত্বা জাতিকুলাশ্রমেষ্বভিমতিং মুংচাতিদূরাত্ক্রিয়াঃ । দেহাদাবসতি ত্যজাত্মধিষণাং প্রজ্ঞাং কুরুষ্বাত্মনি ত্বং দ্রষ্টাস্যমনোঽসি নির্দ্বযপরং ব্রহ্মাসি যদ্বস্তুতঃ ॥ 377॥ (পাঠভেদঃ - দ্রষ্টাস্যমলো)

লক্ষ্য়ে ব্রহ্মণি মানসং দৃঢতরং সংস্থাপ্য় বাহ্য়েংদ্রিয়ং স্বস্থানে বিনিবেশ্য় নিশ্চলতনুশ্চোপেক্ষ্য় দেহস্থিতিম্ । ব্রহ্মাত্মৈক্যমুপেত্য় তন্মযতয়া চাখংডবৃত্ত্য়াঽনিশং ব্রহ্মানংদরসং পিবাত্মনি মুদা শূন্য়ৈঃ কিমন্য়ৈর্ভৃশম্ ॥ 378॥ (পাঠভেদঃ - কিমন্য়ৈর্ভ্রমৈঃ)

অনাত্মচিংতনং ত্যক্ত্বা কশ্মলং দুঃখকারণম্ । চিংতয়াত্মানমানংদরূপং যন্মুক্তিকারণম্ ॥ 379॥

এষ স্বয়ংজ্য়োতিরশেষসাক্ষী বিজ্ঞানকোশো বিলসত্যজস্রম্ । বিজ্ঞানকোশে লক্ষ্য়ং বিধায়ৈনমসদ্বিলক্ষণ- মখংডবৃত্ত্য়াঽঽত্মতয়াঽনুভাবয় ॥ 380॥

এতমচ্ছিন্নয়া বৃত্ত্য়া প্রত্যয়াংতরশূন্যয়া । উল্লেখযন্বিজানীয়াত্স্বস্বরূপতয়া স্ফুটম্ ॥ 381॥

অত্রাত্মত্বং দৃঢীকুর্বন্নহমাদিষু সংত্যজন্ । উদাসীনতয়া তেষু তিষ্ঠেত্স্ফুটঘটাদিবত্ ॥ 382॥ (পাঠভেদঃ - তিষ্ঠেদ্ঘটপটাদিবত্)

বিশুদ্ধমংতঃকরণং স্বরূপে নিবেশ্য় সাক্ষিণ্যববোধমাত্রে । শনৈঃ শনৈর্নিশ্চলতামুপানযন্ পূর্ণং স্বমেবানুবিলোকয়েত্ততঃ ॥ 383॥ (পাঠভেদঃ - পূর্ণত্বমেবানু)

দেহেংদ্রিযপ্রাণমনোঽহমাদিভিঃ স্বাজ্ঞানক্লৃপ্তৈরখিলৈরুপাধিভিঃ । বিমুক্তমাত্মানমখংডরূপং পূর্ণং মহাকাশমিবাবলোকয়েত্ ॥ 384॥

ঘটকলশকুসূলসূচিমুখ্য়ৈঃ গগনমুপাধিশতৈর্বিমুক্তমেকম্ । ভবতি ন বিবিধং তথৈব শুদ্ধং পরমহমাদিবিমুক্তমেকমেব ॥ 385॥

ব্রহ্মাদিস্তংবপর্য়ংতা মৃষামাত্রা উপাধয়ঃ । (পাঠভেদঃ - ব্রহ্মাদ্য়াঃ স্তংব) ততঃ পূর্ণং স্বমাত্মানং পশ্য়েদেকাত্মনা স্থিতম্ ॥ 386॥

যত্র ভ্রাংত্য়া কল্পিতং তদ্বিবেকে (পাঠভেদঃ - যদ্বিবেকে) তত্তন্মাত্রং নৈব তস্মাদ্বিভিন্নম্ । ভ্রাংতের্নাশে ভাতি দৃষ্টাহিতত্ত্বং (পাঠভেদঃ - ভ্রাংতিদৃষ্টা) রজ্জুস্তদ্বদ্বিশ্বমাত্মস্বরূপম্ ॥ 387॥

স্বয়ং ব্রহ্মা স্বয়ং বিষ্ণুঃ স্বযমিংদ্রঃ স্বয়ং শিবঃ । স্বয়ং বিশ্বমিদং সর্বং স্বস্মাদন্যন্ন কিংচন ॥ 388॥

অংতঃ স্বয়ং চাপি বহিঃ স্বয়ং চ স্বয়ং পুরস্তাত্ স্বযমেব পশ্চাত্ । স্বয়ং হ্য়াবাচ্য়াং স্বযমপ্য়ুদীচ্য়াং (পাঠভেদঃ - হ্যবাচ্য়াং) তথোপরিষ্টাত্স্বযমপ্যধস্তাত্ ॥ 389॥

তরংগফেনভ্রমবুদ্বুদাদি সর্বং স্বরূপেণ জলং যথা তথা । চিদেব দেহাদ্যহমংতমেতত্ সর্বং চিদেবৈকরসং বিশুদ্ধম্ ॥ 390॥

সদেবেদং সর্বং জগদবগতং বাঙ্মনসয়োঃ সতোঽন্যন্নাস্ত্য়েব প্রকৃতিপরসীম্নি স্থিতবতঃ । পৃথক্ কিং মৃত্স্নায়াঃ কলশঘটকুংভাদ্যবগতং বদত্য়েষ ভ্রাংতস্ত্বমহমিতি মায়ামদিরয়া ॥ 391॥

ক্রিয়াসমভিহারেণ যত্র নান্যদিতি শ্রুতিঃ । ব্রবীতি দ্বৈতরাহিত্য়ং মিথ্য়াধ্য়াসনিবৃত্তয়ে ॥ 392॥

আকাশবন্নির্মলনির্বিকল্পং (পাঠভেদঃ - নির্বিকল্প) নিঃসীমনিঃস্পংদননির্বিকারম্ । অংতর্বহিঃশূন্যমনন্যমদ্বয়ং স্বয়ং পরং ব্রহ্ম কিমস্তি বোধ্যম্ ॥ 393॥

বক্তব্য়ং কিমু বিদ্যতেঽত্র বহুধা ব্রহ্মৈব জীবঃ স্বয়ং ব্রহ্মৈতজ্জগদাততং নু সকলং ব্রহ্মাদ্বিতীয়ং শ্রুতিঃ । (পাঠভেদঃ - জগদাপরাণু সকলং) ব্রহ্মৈবাহমিতি প্রবুদ্ধমতয়ঃ সংত্যক্তবাহ্য়াঃ স্ফুটং ব্রহ্মীভূয় বসংতি সংততচিদানংদাত্মনৈতদ্ধ্রুবম্ ॥ 394॥ (পাঠভেদঃ - আনংদাত্মনৈব ধ্রুবম্)

জহি মলমযকোশেঽহংধিয়োত্থাপিতাশাং প্রসভমনিলকল্পে লিংগদেহেঽপি পশ্চাত্ । নিগমগদিতকীর্তিং নিত্যমানংদমূর্তিং স্বযমিতি পরিচীয় ব্রহ্মরূপেণ তিষ্ঠ ॥ 395॥

শবাকারং যাবদ্ভজতি মনুজস্তাবদশুচিঃ পরেভ্য়ঃ স্য়াত্ক্লেশো জননমরণব্য়াধিনিলয়ঃ । (পাঠভেদঃ - ব্য়াধিনিরয়াঃ) যদাত্মানং শুদ্ধং কলযতি শিবাকারমচলম্ তদা তেভ্য়ো মুক্তো ভবতি হি তদাহ শ্রুতিরপি ॥ 396॥

স্বাত্মন্য়ারোপিতাশেষাভাসবস্তুনিরাসতঃ । স্বযমেব পরং ব্রহ্ম পূর্ণমদ্বযমক্রিযম্ ॥ 397॥

সমাহিতায়াং সতি চিত্তবৃত্তৌ পরাত্মনি ব্রহ্মণি নির্বিকল্পে । ন দৃশ্যতে কশ্চিদয়ং বিকল্পঃ প্রজল্পমাত্রঃ পরিশিষ্যতে যতঃ ॥ 398॥ (পাঠভেদঃ - ততঃ)

অসত্কল্পো বিকল্পোঽয়ং বিশ্বমিত্য়েকবস্তুনি । নির্বিকারে নিরাকারে নির্বিশেষে ভিদা কুতঃ ॥ 399॥

দ্রষ্টুদর্শনদৃশ্য়াদিভাবশূন্য়ৈকবস্তুনি । (পাঠভেদঃ - দ্রষ্টৃদর্শন) নির্বিকারে নিরাকারে নির্বিশেষে ভিদা কুতঃ ॥ 400॥

কল্পার্ণব ইবাত্য়ংতপরিপূর্ণৈকবস্তুনি । নির্বিকারে নিরাকারে নির্বিশেষে ভিদা কুতঃ ॥ 401॥

তেজসীব তমো যত্র প্রলীনং ভ্রাংতিকারণম্ । (পাঠভেদঃ - যত্র বিলীনং) অদ্বিতীয়ে পরে তত্ত্বে নির্বিশেষে ভিদা কুতঃ ॥ 402॥

একাত্মকে পরে তত্ত্বে ভেদবার্তা কথং বসেত্ । (পাঠভেদঃ - কথং ভবেত্) সুষুপ্তৌ সুখমাত্রায়াং ভেদঃ কেনাবলোকিতঃ ॥ 403॥

ন হ্যস্তি বিশ্বং পরতত্ত্ববোধাত্ সদাত্মনি ব্রহ্মণি নির্বিকল্পে । কালত্রয়ে নাপ্যহিরীক্ষিতো গুণে ন হ্য়ংবুবিংদুর্মৃগতৃষ্ণিকায়াম্ ॥ 404॥

মায়ামাত্রমিদং দ্বৈতমদ্বৈতং পরমার্থতঃ । ইতি ব্রূতে শ্রুতিঃ সাক্ষাত্সুষুপ্তাবনুভূযতে ॥ 405॥

অনন্যত্বমধিষ্ঠানাদারোপ্যস্য় নিরীক্ষিতম্ । পংডিতৈ রজ্জুসর্পাদৌ বিকল্পো ভ্রাংতিজীবনঃ ॥ 406॥

চিত্তমূলো বিকল্পোঽয়ং চিত্তাভাবে ন কশ্চন । অতশ্চিত্তং সমাধেহি প্রত্যগ্রূপে পরাত্মনি ॥ 407॥

কিমপি সততবোধং কেবলানংদরূপং নিরুপমমতিবেলং নিত্যমুক্তং নিরীহম্ । নিরবধিগগনাভং নিষ্কলং নির্বিকল্পং হৃদি কলযতি বিদ্বান্ ব্রহ্ম পূর্ণং সমাধৌ ॥ 408॥

প্রকৃতিবিকৃতিশূন্য়ং ভাবনাতীতভাবং সমরসমসমানং মানসংবংধদূরম্ । নিগমবচনসিদ্ধং নিত্যমস্মত্প্রসিদ্ধং হৃদি কলযতি বিদ্বান্ ব্রহ্ম পূর্ণং সমাধৌ ॥ 409॥

অজরমমরমস্তাভাববস্তুস্বরূপং (পাঠভেদঃ - ভাসবস্তু) স্তিমিতসলিলরাশিপ্রখ্যমাখ্য়াবিহীনম্ । শমিতগুণবিকারং শাশ্বতং শাংতমেকং হৃদি কলযতি বিদ্বান্ ব্রহ্ম পূর্ণং সমাধৌ ॥ 410॥

সমাহিতাংতঃকরণঃ স্বরূপে বিলোকয়াত্মানমখংডবৈভবম্ । বিচ্ছিংদ্ধি বংধং ভবগংধগংধিতং (পাঠভেদঃ - গংধগংধিলং) যত্নেন পুংস্ত্বং সফলীকুরুষ্ব ॥ 411-

সর্বোপাধিবিনির্মুক্তং সচ্চিদানংদমদ্বযম্ । ভাবয়াত্মানমাত্মস্থং ন ভূয়ঃ কল্পসেঽধ্বনে ॥ 412॥

ছায়েব পুংসঃ পরিদৃশ্যমান- মাভাসরূপেণ ফলানুভূত্য়া । শরীরমারাচ্ছববন্নিরস্তং পুনর্ন সংধত্ত ইদং মহাত্মা ॥ 413॥

সততবিমলবোধানংদরূপং সমেত্য় (পাঠভেদঃ - স্বমেত্য়) ত্যজ জডমলরূপোপাধিমেতং সুদূরে । অথ পুনরপি নৈষ স্মর্যতাং বাংতবস্তু (পাঠভেদঃ - পুনরপি নৈব) স্মরণবিষযভূতং কল্পতে কুত্সনায় ॥ 414॥

সমূলমেতত্পরিদাহ্য় বহ্নৌ (পাঠভেদঃ - পরিদহ্য়) সদাত্মনি ব্রহ্মণি নির্বিকল্পে । ততঃ স্বয়ং নিত্যবিশুদ্ধবোধা- নংদাত্মনা তিষ্ঠতি বিদ্বরিষ্ঠঃ ॥ 415॥

প্রারব্ধসূত্রগ্রথিতং শরীরং প্রয়াতু বা তিষ্ঠতু গোরিব স্রক্ । ন তত্পুনঃ পশ্যতি তত্ত্ববেত্তা- ঽঽনংদাত্মনি ব্রহ্মণি লীনবৃত্তিঃ ॥ 416॥

অখংডানংদমাত্মানং বিজ্ঞায় স্বস্বরূপতঃ । কিমিচ্ছন্ কস্য় বা হেতোর্দেহং পুষ্ণাতি তত্ত্ববিত্ ॥ 417॥

সংসিদ্ধস্য় ফলং ত্বেতজ্জীবন্মুক্তস্য় যোগিনঃ । বহিরংতঃ সদানংদরসাস্বাদনমাত্মনি ॥ 418॥

বৈরাগ্যস্য় ফলং বোধো বোধস্য়োপরতিঃ ফলম্ । স্বানংদানুভবাচ্ছাংতিরেষৈবোপরতেঃ ফলম্ ॥ 419॥

যদ্য়ুত্তরোত্তরাভাবঃ পূর্বপূর্বংতু নিষ্ফলম্ । নিবৃত্তিঃ পরমা তৃপ্তিরানংদোঽনুপমঃ স্বতঃ ॥ 420॥

দৃষ্টদুঃখেষ্বনুদ্বেগো বিদ্য়ায়াঃ প্রস্তুতং ফলম্ । যত্কৃতং ভ্রাংতিবেলায়াং নানা কর্ম জুগুপ্সিতম্ । পশ্চান্নরো বিবেকেন তত্কথং কর্তুমর্হতি ॥ 421॥

বিদ্য়াফলং স্য়াদসতো নিবৃত্তিঃ প্রবৃত্তিরজ্ঞানফলং তদীক্ষিতম্ । তজ্জ্ঞাজ্ঞয়োর্যন্মৃগতৃষ্ণিকাদৌ নোচেদ্বিদাং দৃষ্টফলং কিমস্মাত্ ॥ 422॥ (পাঠভেদঃ - নোচেদ্বিদো)

অজ্ঞানহৃদযগ্রংথের্বিনাশো যদ্যশেষতঃ । অনিচ্ছোর্বিষয়ঃ কিং নু প্রবৃত্তেঃ কারণং স্বতঃ ॥ 423॥ (পাঠভেদঃ - বিদুষঃ কিং)

বাসনানুদয়ো ভোগ্য়ে বৈরাগ্যস্য় তদাবধিঃ । অহংভাবোদয়াভাবো বোধস্য় পরমাবধিঃ । লীনবৃত্তৈরনুত্পত্তির্মর্য়াদোপরতেস্তু সা ॥ 424॥ (পাঠভেদঃ - বৃত্তের)

ব্রহ্মাকারতয়া সদা স্থিততয়া নির্মুক্তবাহ্য়ার্থধী- রন্য়াবেদিতভোগ্যভোগকলনো নিদ্রালুবদ্বালবত্ । স্বপ্নালোকিতলোকবজ্জগদিদং পশ্যন্ক্বচিল্লব্ধধী- রাস্তে কশ্চিদনংতপুণ্যফলভুগ্ধন্য়ঃ স মান্য়ো ভুবি ॥ 425॥

স্থিতপ্রজ্ঞো যতিরয়ং যঃ সদানংদমশ্নুতে । ব্রহ্মণ্য়েব বিলীনাত্মা নির্বিকারো বিনিষ্ক্রিয়ঃ ॥ 426॥

ব্রহ্মাত্মনোঃ শোধিতয়োরেকভাবাবগাহিনী । নির্বিকল্পা চ চিন্মাত্রা বৃত্তিঃ প্রজ্ঞেতি কথ্যতে । সুস্থিতাঽসৌ ভবেদ্যস্য় স্থিতপ্রজ্ঞঃ স উচ্যতে ॥ 427॥

যস্য় স্থিতা ভবেত্প্রজ্ঞা যস্য়ানংদো নিরংতরঃ । প্রপংচো বিস্মৃতপ্রায়ঃ স জীবন্মুক্ত ইষ্যতে ॥ 428॥

লীনধীরপি জাগর্তি জাগ্রদ্ধর্মবিবর্জিতঃ । বোধো নির্বাসনো যস্য় স জীবন্মুক্ত ইষ্যতে ॥ 429॥

শাংতসংসারকলনঃ কলাবানপি নিষ্কলঃ । যস্য় চিত্তং বিনিশ্চিংতং স জীবন্মুক্ত ইষ্যতে ॥ 430॥ (পাঠভেদঃ - যঃ সচিত্তোঽপি নিশ্চিত্তঃ)

বর্তমানেঽপি দেহেঽস্মিংছায়াবদনুবর্তিনি । অহংতামমতাঽভাবো জীবন্মুক্তস্য় লক্ষণম্ ॥ 431॥

অতীতাননুসংধানং ভবিষ্যদবিচারণম্ । ঔদাসীন্যমপি প্রাপ্তং জীবন্মুক্তস্য় লক্ষণম্ ॥ 432॥ (পাঠভেদঃ - প্রাপ্তে)

গুণদোষবিশিষ্টেঽস্মিন্স্বভাবেন বিলক্ষণে । সর্বত্র সমদর্শিত্বং জীবন্মুক্তস্য় লক্ষণম্ ॥ 433॥

ইষ্টানিষ্টার্থসংপ্রাপ্তৌ সমদর্শিতয়াঽঽত্মনি । উভযত্রাবিকারিত্বং জীবন্মুক্তস্য় লক্ষণম্ ॥ 434॥

ব্রহ্মানংদরসাস্বাদাসক্তচিত্ততয়া যতেঃ । অংতর্বহিরবিজ্ঞানং জীবন্মুক্তস্য় লক্ষণম্ ॥ 435॥

দেহেংদ্রিয়াদৌ কর্তব্য়ে মমাহংভাববর্জিতঃ । ঔদাসীন্য়েন যস্তিষ্ঠেত্স জীবন্মুক্তলক্ষণঃ ॥ 436॥ (পাঠভেদঃ - স জীবন্মুক্ত ইষ্যতে)

বিজ্ঞাত আত্মনো যস্য় ব্রহ্মভাবঃ শ্রুতের্বলাত্ । ভববংধবিনির্মুক্তঃ স জীবন্মুক্তলক্ষণঃ ॥ 437॥ (পাঠভেদঃ - স জীবন্মুক্ত ইষ্যতে)

দেহেংদ্রিয়েষ্বহংভাব ইদংভাবস্তদন্যকে । যস্য় নো ভবতঃ ক্বাপি স জীবন্মুক্ত ইষ্যতে ॥ 438॥

জীবেশোভযসংসাররূপদুর্বাসনোজ্ঝিতা । সা সর্বদা ভবেদ্যস্য় স জীবন্মুক্ত ইষ্যতে ॥

ন প্রত্যগ্ব্রহ্মণোর্ভেদং কদাপি ব্রহ্মসর্গয়োঃ । প্রজ্ঞয়া যো বিজানিতি স জীবন্মুক্তলক্ষণঃ ॥ 439॥ (পাঠভেদঃ - স জীবন্মুক্ত ইষ্যতে) সাধুভিঃ পূজ্যমানেঽস্মিন্পীড্যমানেঽপি দুর্জনৈঃ । সমভাবো ভবেদ্যস্য় স জীবন্মুক্তলক্ষণঃ ॥ 440॥ (পাঠভেদঃ - স জীবন্মুক্ত ইষ্যতে)

যত্র প্রবিষ্টা বিষয়াঃ পরেরিতা নদীপ্রবাহা ইব বারিরাশৌ । লিনংতি সন্মাত্রতয়া ন বিক্রিয়াং উত্পাদয়ংত্য়েষ যতির্বিমুক্তঃ ॥ 441॥

বিজ্ঞাতব্রহ্মতত্ত্বস্য় যথাপূর্বং ন সংসৃতিঃ । অস্তি চেন্ন স বিজ্ঞাতব্রহ্মভাবো বহির্মুখঃ ॥ 442॥

প্রাচীনবাসনাবেগাদসৌ সংসরতীতি চেত্ । ন সদেকত্ববিজ্ঞানান্মংদী ভবতি বাসনা ॥ 443॥

অত্য়ংতকামুকস্য়াপি বৃত্তিঃ কুংঠতি মাতরি । তথৈব ব্রহ্মণি জ্ঞাতে পূর্ণানংদে মনীষিণঃ ॥ 444॥

নিদিধ্য়াসনশীলস্য় বাহ্যপ্রত্যয় ঈক্ষ্যতে । ব্রবীতি শ্রুতিরেতস্য় প্রারব্ধং ফলদর্শনাত্ ॥ 445॥

সুখাদ্যনুভবো যাবত্তাবত্প্রারব্ধমিষ্যতে । ফলোদয়ঃ ক্রিয়াপূর্বো নিষ্ক্রিয়ো ন হি কুত্রচিত্ ॥ 446॥

অহং ব্রহ্মেতি বিজ্ঞানাত্কল্পকোটিশতার্জিতম্ । সংচিতং বিলয়ং যাতি প্রবোধাত্স্বপ্নকর্মবত্ ॥ 447॥

যত্কৃতং স্বপ্নবেলায়াং পুণ্য়ং বা পাপমুল্বণম্ । সুপ্তোত্থিতস্য় কিংতত্স্য়াত্স্বর্গায় নরকায় বা ॥ 448॥

স্বমসংগমুদাসীনং পরিজ্ঞায় নভো যথা । ন শ্লিষ্যতি চ যত্কিংচিত্কদাচিদ্ভাবিকর্মভিঃ ॥ 449॥ (পাঠভেদঃ - শ্লিষ্যতে যতিঃ কিংচিত্)

ন নভো ঘটয়োগেন সুরাগংধেন লিপ্যতে । তথাত্মোপাধিয়োগেন তদ্ধর্মৈর্নৈব লিপ্যতে ॥ 450॥

জ্ঞানোদয়াত্পুরারব্ধং কর্মজ্ঞানান্ন নশ্যতি । অদত্বা স্বফলং লক্ষ্যমুদ্দিশ্য়োত্সৃষ্টবাণবত্ ॥ 451॥

ব্য়াঘ্রবুদ্ধ্য়া বিনির্মুক্তো বাণঃ পশ্চাত্তু গোমতৌ । ন তিষ্ঠতি ছিনত্য়েব লক্ষ্য়ং বেগেন নির্ভরম্ ॥ 452॥

প্রারব্ধং বলবত্তরং খলু বিদাং ভোগেন তস্য় ক্ষয়ঃ সম্যগ্জ্ঞানহুতাশনেন বিলয়ঃ প্রাক্সংচিতাগামিনাম্ । ব্রহ্মাত্মৈক্যমবেক্ষ্য় তন্মযতয়া যে সর্বদা সংস্থিতাঃ তেষাং তত্ত্রিতয়ং নহি ক্বচিদপি ব্রহ্মৈব তে নির্গুণম্ ॥ 453॥

উপাধিতাদাত্ম্যবিহীনকেবল- ব্রহ্মাত্মনৈবাত্মনি তিষ্ঠতো মুনেঃ । প্রারব্ধসদ্ভাবকথা ন যুক্তা স্বপ্নার্থসংবংধকথেব জাগ্রতঃ ॥ 454॥

ন হি প্রবুদ্ধঃ প্রতিভাসদেহে দেহোপয়োগিন্যপি চ প্রপংচে । করোত্যহংতাং মমতামিদংতাং কিংতু স্বয়ং তিষ্ঠতি জাগরেণ ॥ 455॥

ন তস্য় মিথ্য়ার্থসমর্থনেচ্ছা ন সংগ্রহস্তজ্জগতোঽপি দৃষ্টঃ । তত্রানুবৃত্তির্যদি চেন্মৃষার্থে ন নিদ্রয়া মুক্ত ইতীষ্যতে ধ্রুবম্ ॥ 456॥

তদ্বত্পরে ব্রহ্মণি বর্তমানঃ সদাত্মনা তিষ্ঠতি নান্যদীক্ষতে । স্মৃতির্যথা স্বপ্নবিলোকিতার্থে তথা বিদঃ প্রাশনমোচনাদৌ ॥ 457॥

কর্মণা নির্মিতো দেহঃ প্রারব্ধং তস্য় কল্প্যতাম্ । নানাদেরাত্মনো যুক্তং নৈবাত্মা কর্মনির্মিতঃ ॥ 458॥

অজো নিত্য়ঃ শাশ্বত ইতি ব্রূতে শ্রুতিরমোঘবাক্ । (পাঠভেদঃ - অজো নিত্য় ইতি ব্রূতে শ্রুতিরেষা ত্বমোঘবাক্) তদাত্মনা তিষ্ঠতোঽস্য় কুতঃ প্রারব্ধকল্পনা ॥ 459॥

প্রারব্ধং সিধ্যতি তদা যদা দেহাত্মনা স্থিতিঃ । দেহাত্মভাবো নৈবেষ্টঃ প্রারব্ধং ত্যজ্যতামতঃ ॥ 460॥

শরীরস্য়াপি প্রারব্ধকল্পনা ভ্রাংতিরেব হি । অধ্যস্তস্য় কুতঃ সত্ত্বমসত্যস্য় কুতো জনিঃ । (পাঠভেদঃ - সত্ত্বমসত্ত্বস্য়) অজাতস্য় কুতো নাশঃ প্রারব্ধমসতঃ কুতঃ ॥ 461॥

জ্ঞানেনাজ্ঞানকার্যস্য় সমূলস্য় লয়ো যদি । তিষ্ঠত্যয়ং কথং দেহ ইতি শংকাবতো জডান্ ॥ 462॥

সমাধাতুং বাহ্যদৃষ্ট্য়া প্রারব্ধং বদতি শ্রুতিঃ । ন তু দেহাদিসত্যত্ববোধনায় বিপশ্চিতাম্ । যতঃ শ্রুতেরভিপ্রায়ঃ পরমার্থৈকগোচরঃ ॥ 463॥

পরিপূর্ণমনাদ্য়ংতমপ্রমেযমবিক্রিযম্ । একমেবাদ্বয়ং ব্রহ্ম নেহ নানাস্তি কিংচন ॥ 464॥

সদ্ঘনং চিদ্ঘনং নিত্যমানংদঘনমক্রিযম্ । একমেবাদ্বয়ং ব্রহ্ম নেহ নানাস্তি কিংচন ॥ 465॥

প্রত্যগেকরসং পূর্ণমনংতং সর্বতোমুখম্ । একমেবাদ্বয়ং ব্রহ্ম নেহ নানাস্তি কিংচন ॥ 466॥

অহেযমনুপাদেযমনাদেযমনাশ্রযম্ । মনাধেযমনা একমেবাদ্বয়ং ব্রহ্ম নেহ নানাস্তি কিংচন ॥ 467॥

নির্গুণং নিষ্কলং সূক্ষ্মং নির্বিকল্পং নিরংজনম্ । একমেবাদ্বয়ং ব্রহ্ম নেহ নানাস্তি কিংচন ॥ 468॥

অনিরূপ্য় স্বরূপং যন্মনোবাচামগোচরম্ । একমেবাদ্বয়ং ব্রহ্ম নেহ নানাস্তি কিংচন ॥ 469॥

সত্সমৃদ্ধং স্বতঃসিদ্ধং শুদ্ধং বুদ্ধমনীদৃশম্ । একমেবাদ্বয়ং ব্রহ্ম নেহ নানাস্তি কিংচন ॥ 470॥

নিরস্তরাগা বিনিরস্তভোগাঃ (পাঠভেদঃ - নিরপাস্তভোগাঃ) শাংতাঃ সুদাংতা যতয়ো মহাংতঃ । বিজ্ঞায় তত্ত্বং পরমেতদংতে প্রাপ্তাঃ পরাং নির্বৃতিমাত্ময়োগাত্ ॥ 471॥

ভবানপীদং পরতত্ত্বমাত্মনঃ স্বরূপমানংদঘনং বিচার্য় । (পাঠভেদঃ - নিচায়্য়) বিধূয় মোহং স্বমনঃপ্রকল্পিতং মুক্তঃ কৃতার্থো ভবতু প্রবুদ্ধঃ ॥ 472॥

সমাধিনা সাধুবিনিশ্চলাত্মনা (পাঠভেদঃ - সুনিশ্চলাত্মনা) পশ্য়াত্মতত্ত্বং স্ফুটবোধচক্ষুষা । নিঃসংশয়ং সম্যগবেক্ষিতশ্চে- চ্ছ্রুতঃ পদার্থো ন পুনর্বিকল্প্যতে ॥ 473॥ (পাঠভেদঃ - পুনর্বিকল্পতে)

স্বস্য়াবিদ্য়াবংধসংবংধমোক্ষা- ত্সত্যজ্ঞানানংদরূপাত্মলব্ধৌ । শাস্ত্রং যুক্তির্দেশিকোক্তিঃ প্রমাণং চাংতঃসিদ্ধা স্বানুভূতিঃ প্রমাণম্ ॥ 474॥

বংধো মোক্ষশ্চ তৃপ্তিশ্চ চিংতাঽঽরোগ্যক্ষুধাদয়ঃ । স্বেনৈব বেদ্য়া যজ্জ্ঞানং পরেষামানুমানিকম্ ॥ 475॥

তটস্থিতা বোধয়ংতি গুরবঃ শ্রুতয়ো যথা । প্রজ্ঞয়ৈব তরেদ্বিদ্বানীশ্বরানুগৃহীতয়া ॥ 476॥

স্বানুভূত্য়া স্বয়ং জ্ঞাত্বা স্বমাত্মানমখংডিতম্ । সংসিদ্ধঃ সম্মুখং তিষ্ঠেন্নির্বিকল্পাত্মনাঽঽত্মনি ॥ 477॥ (পাঠভেদঃ - সুসুখং তিষ্ঠেন্) বেদাংতসিদ্ধাংতনিরুক্তিরেষা ব্রহ্মৈব জীবঃ সকলং জগচ্চ । অখংডরূপস্থিতিরেব মোক্ষো ব্রহ্মাদ্বিতীয়ে শ্রুতয়ঃ প্রমাণম্ ॥ 478॥ (পাঠভেদঃ - ব্রহ্মাদ্বিতীয়ং)

ইতি গুরুবচনাচ্ছ্রুতিপ্রমাণাত্ পরমবগম্য় সতত্ত্বমাত্ময়ুক্ত্য়া । প্রশমিতকরণঃ সমাহিতাত্মা ক্বচিদচলাকৃতিরাত্মনিষ্ঠতোঽভূত্ ॥ 479॥ (পাঠভেদঃ - আত্মনিষ্ঠিতো)

কিংচিত্কালং সমাধায় পরে ব্রহ্মণি মানসম্ । (পাঠভেদঃ - কংচিত্কালং) উত্থায় পরমানংদাদিদং বচনমব্রবীত্ ॥ 480॥ (পাঠভেদঃ - ব্য়ুত্থায়)

বুদ্ধির্বিনষ্টা গলিতা প্রবৃত্তিঃ ব্রহ্মাত্মনোরেকতয়াঽধিগত্য়া । ইদং ন জানেঽপ্যনিদং ন জানে কিং বা কিযদ্বা সুখমস্ত্যপারম্ ॥ 481॥ (পাঠভেদঃ - সুখমস্য় পারম্)

বাচা বক্তুমশক্যমেব মনসা মংতুং ন বা শক্যতে স্বানংদামৃতপূরপূরিতপরব্রহ্মাংবুধের্বৈভবম্ । অংভোরাশিবিশীর্ণবার্ষিকশিলাভাবং ভজন্মে মনো যস্য়াংশাংশলবে বিলীনমধুনাঽঽনংদাত্মনা নির্বৃতম্ ॥ 482॥

ক্ব গতং কেন বা নীতং কুত্র লীনমিদং জগত্ । অধুনৈব ময়া দৃষ্টং নাস্তি কিং মহদদ্ভুতম্ ॥ 483॥

কিং হেয়ং কিমুপাদেয়ং কিমন্যত্কিং বিলক্ষণম্ । অখংডানংদপীয়ূষপূর্ণে ব্রহ্মমহার্ণবে ॥ 484॥

ন কিংচিদত্র পশ্য়ামি ন শঋণোমি ন বেদ্ম্যহম্ । স্বাত্মনৈব সদানংদরূপেণাস্মি বিলক্ষণঃ ॥ 485॥

নমো নমস্তে গুরবে মহাত্মনে বিমুক্তসংগায় সদুত্তমায় । নিত্য়াদ্বয়ানংদরসস্বরূপিণে ভূম্নে সদাঽপারদয়াংবুধাম্নে ॥ 486॥

যত্কটাক্ষশশিসাংদ্রচংদ্রিকা- পাতধূতভবতাপজশ্রমঃ । প্রাপ্তবানহমখংডবৈভবা- নংদমাত্মপদমক্ষয়ং ক্ষণাত্ ॥ 487॥

ধন্য়োঽহং কৃতকৃত্য়োঽহং বিমুক্তোঽহং ভবগ্রহাত্ । নিত্য়ানংদস্বরূপোঽহং পূর্ণোঽহং ত্বদনুগ্রহাত্ ॥ 488॥

অসংগোঽহমনংগোঽহমলিংগোঽহমভংগুরঃ । প্রশাংতোঽহমনংতোঽহমমলোঽহং চিরংতনঃ ॥ 489॥ (পাঠভেদঃ - ঽহমতাংতোঽহং)

অকর্তাহমভোক্তাহমবিকারোঽহমক্রিয়ঃ । শুদ্ধবোধস্বরূপোঽহং কেবলোঽহং সদাশিবঃ ॥ 490॥

দ্রষ্টুঃ শ্রোতুর্বক্তুঃ কর্তুর্ভোক্তুর্বিভিন্ন এবাহম্ । নিত্যনিরংতরনিষ্ক্রিযনিঃসীমাসংগপূর্ণবোধাত্মা ॥ 491॥

নাহমিদং নাহমদোঽপ্য়ুভয়োরবভাসকং পরং শুদ্ধম্ । বাহ্য়াভ্য়ংতরশূন্য়ং পূর্ণং ব্রহ্মাদ্বিতীযমেবাহম্ ॥ 492॥

নিরুপমমনাদিতত্ত্বং ত্বমহমিদমদ ইতি কল্পনাদূরম্ । নিত্য়ানংদৈকরসং সত্য়ং ব্রহ্মাদ্বিতীযমেবাহম্ ॥ 493॥

নারাযণোঽহং নরকাংতকোঽহং পুরাংতকোঽহং পুরুষোঽহমীশঃ । অখংডবোধোঽহমশেষসাক্ষী নিরীশ্বরোঽহং নিরহং চ নির্মমঃ ॥ 494॥

সর্বেষু ভূতেষ্বহমেব সংস্থিতো জ্ঞানাত্মনাঽংতর্বহিরাশ্রয়ঃ সন্ । ভোক্তা চ ভোগ্য়ং স্বযমেব সর্বং যদ্যত্পৃথগ্দৃষ্টমিদংতয়া পুরা ॥ 495॥

ময়্যখংডসুখাংভোধৌ বহুধা বিশ্ববীচয়ঃ । উত্পদ্য়ংতে বিলীয়ংতে মায়ামারুতবিভ্রমাত্ ॥ 496॥

স্থুলাদিভাবা ময়ি কল্পিতা ভ্রমা- দারোপিতানুস্ফুরণেন লোকৈঃ । কালে যথা কল্পকবত্সরায়- ণর্ত্বাদয়ো নিষ্কলনির্বিকল্পে ॥ 497॥

আরোপিতং নাশ্রযদূষকং ভবেত্ কদাপি মূঢৈরতিদোষদূষিতৈঃ । মূঢৈর্মতি নার্দ্রীকরোত্য়ূষরভূমিভাগং মরীচিকাবারি মহাপ্রবাহঃ ॥ 498॥

আকাশবল্লেপবিদূরগোঽহং (পাঠভেদঃ - আকাশবত্ কল্পবি) আদিত্যবদ্ভাস্যবিলক্ষণোঽহম্ । অহার্যবন্নিত্যবিনিশ্চলোঽহং অংভোধিবত্পারবিবর্জিতোঽহম্ ॥ 499॥

ন মে দেহেন সংবংধো মেঘেনেব বিহাযসঃ । অতঃ কুতো মে তদ্ধর্মা জাগ্রত্স্বপ্নসুষুপ্তয়ঃ ॥ 500॥

উপাধিরায়াতি স এব গচ্ছতি স এব কর্মাণি করোতি ভুংক্তে । স এব জীর্যন্ ম্রিযতে সদাহং (পাঠভেদঃ - এব জীবন্) কুলাদ্রিবন্নিশ্চল এব সংস্থিতঃ ॥ 501॥

ন মে প্রবৃত্তির্ন চ মে নিবৃত্তিঃ সদৈকরূপস্য় নিরংশকস্য় । একাত্মকো যো নিবিডো নিরংতরো (পাঠভেদঃ - নিবিডো) ব্য়োমেব পূর্ণঃ স কথং নু চেষ্টতে ॥ 502॥

পুণ্য়ানি পাপানি নিরিংদ্রিযস্য় নিশ্চেতসো নির্বিকৃতের্নিরাকৃতেঃ । কুতো মমাখংডসুখানুভূতেঃ ব্রূতে হ্যনন্বাগতমিত্যপি শ্রুতিঃ ॥ 503॥

ছাযয়া স্পৃষ্টমুষ্ণং বা শীতং বা সুষ্ঠু দুঃষ্ঠু বা । ন স্পৃশত্য়েব যত্কিংচিত্পুরুষং তদ্বিলক্ষণম্ ॥ 504॥

ন সাক্ষিণং সাক্ষ্যধর্মাঃ সংস্পৃশংতি বিলক্ষণম্ । অবিকারমুদাসীনং গৃহধর্মাঃ প্রদীপবত্ । দেহেংদ্রিযমনোধর্মা নৈবাত্মানং স্পৃশংত্যহো ॥ 505॥ এক্ষ্ত্র

রবের্যথা কর্মণি সাক্ষিভাবো বহ্নের্যথা দাহনিয়ামকত্বম্ । (পাঠভেদঃ - বাঽযসি দাহকত্বম্) রজ্জোর্যথাঽঽরোপিতবস্তুসংগঃ তথৈব কূটস্থচিদাত্মনো মে ॥ 506॥

কর্তাপি বা কারয়িতাপি নাহং ভোক্তাপি বা ভোজয়িতাপি নাহম্ । দ্রষ্টাপি বা দর্শয়িতাপি নাহং সোঽহং স্বয়ংজ্য়োতিরনীদৃগাত্মা ॥ 507॥

চলত্য়ুপাধৌ প্রতিবিংবলৌল্য়- মৌপাধিকং মূঢধিয়ো নয়ংতি । স্ববিংবভূতং রবিবদ্বিনিষ্ক্রিয়ং কর্তাস্মি ভোক্তাস্মি হতোঽস্মি হেতি ॥ 508॥

জলে বাপি স্থলে বাপি লুঠত্বেষ জডাত্মকঃ । নাহং বিলিপ্য়ে তদ্ধর্মৈর্ঘটধর্মৈর্নভো যথা ॥ 509॥

কর্তৃত্বভোক্তৃত্বখলত্বমত্ততা- জডত্ববদ্ধত্ববিমুক্ততাদয়ঃ । বুদ্ধের্বিকল্পা ন তু সংতি বস্তুতঃ স্বস্মিন্পরে ব্রহ্মণি কেবলেঽদ্বয়ে ॥ 510॥

সংতু বিকারাঃ প্রকৃতের্দশধা শতধা সহস্রধা বাপি । কিং মেঽসংগচিতস্তৈর্ন ঘনঃ ক্বচিদংবরং স্পৃশতি ॥ 511॥ (পাঠভেদঃ - তৈঃ কিং মেঽসংগচিতের্ন হ্য়ংবুদডংবরোঽংবরং)

অব্যক্তাদিস্থূলপর্য়ংতমেতত্ বিশ্বং যত্রাভাসমাত্রং প্রতীতম্ । ব্য়োমপ্রখ্য়ং সূক্ষ্মমাদ্য়ংতহীনং ব্রহ্মাদ্বৈতং যত্তদেবাহমস্মি ॥ 512॥

সর্বাধারং সর্ববস্তুপ্রকাশং সর্বাকারং সর্বগং সর্বশূন্যম্ । নিত্য়ং শুদ্ধং নিশ্চলং নির্বিকল্পং (পাঠভেদঃ - নিষ্কলং) ব্রহ্মাদ্বৈতং যত্তদেবাহমস্মি ॥ 513॥

যত্প্রত্যস্তাশেষমায়াবিশেষং প্রত্যগ্রূপং প্রত্যয়াগম্যমানম্ । সত্যজ্ঞানানংতমানংদরূপং ব্রহ্মাদ্বৈতং যত্তদেবাহমস্মি ॥ 514॥

নিষ্ক্রিয়োঽস্ম্যবিকারোঽস্মি নিষ্কলোঽস্মি নিরাকৃতিঃ । নির্বিকল্পোঽস্মি নিত্য়োঽস্মি নিরালংবোঽস্মি নির্দ্বয়ঃ ॥ 515॥

সর্বাত্মকোঽহং সর্বোঽহং সর্বাতীতোঽহমদ্বয়ঃ । কেবলাখংডবোধোঽহমানংদোঽহং নিরংতরঃ ॥ 516॥

স্বারাজ্যসাম্রাজ্যবিভূতিরেষা ভবত্কৃপাশ্রীমহিমপ্রসাদাত্ । প্রাপ্তা ময়া শ্রীগুরবে মহাত্মনে নমো নমস্তেঽস্তু পুনর্নমোঽস্তু ॥ 517॥

মহাস্বপ্নে মায়াকৃতজনিজরামৃত্য়ুগহনে ভ্রমংতং ক্লিশ্য়ংতং বহুলতরতাপৈরনুদিনম্ । (পাঠভেদঃ - রনুকলম্) অহংকারব্য়াঘ্রব্যথিতমিমমত্য়ংতকৃপয়া প্রবোধ্য় প্রস্বাপাত্পরমবিতবান্মামসি গুরো ॥ 518॥

নমস্তস্মৈ সদৈকস্মৈ কস্মৈচিন্মহসে নমঃ । (পাঠভেদঃ - সদেকস্মৈ নমশ্চিন্মহসে মুহুঃ) যদেতদ্বিশ্বরূপেণ রাজতে গুরুরাজ তে ॥ 519॥

ইতি নতমবলোক্য় শিষ্যবর্য়ং সমধিগতাত্মসুখং প্রবুদ্ধতত্ত্বম্ । প্রমুদিতহৃদয়ং স দেশিকেংদ্রঃ (পাঠভেদঃ - হৃদয়ঃ) পুনরিদমাহ বচঃ পরং মহাত্মা ॥ 520॥

ব্রহ্মপ্রত্যযসংততির্জগদতো ব্রহ্মৈব তত্সর্বতঃ (পাঠভেদঃ - সত্সর্বতঃ) পশ্য়াধ্য়াত্মদৃশা প্রশাংতমনসা সর্বাস্ববস্থাস্বপি । রূপাদন্যদবেক্ষিতং কিমভিতশ্চক্ষুষ্মতাং দৃশ্যতে (পাঠভেদঃ - বিদ্যতে) তদ্বদ্ব্রহ্মবিদঃ সতঃ কিমপরং বুদ্ধের্বিহারাস্পদম্ ॥ 521॥

কস্তাং পরানংদরসানুভূতি- মৃত্সৃজ্য় শূন্য়েষু রমেত বিদ্বান্ । (পাঠভেদঃ - মুত্সৃজ্য় চংদ্রে মহাহ্লাদিনি দীপ্যমানে) চিত্রেংদুমালোকয়িতুং ক ইচ্ছেত্ ॥ 522॥

অসত্পদার্থানুভবেন কিংচিন্ ন হ্যস্তি তৃপ্তির্ন চ দুঃখহানিঃ । তদদ্বয়ানংদরসানুভূত্য়া তৃপ্তঃ সুখং তিষ্ঠ সদাত্মনিষ্ঠয়া ॥ 523॥

স্বমেব সর্বথা পশ্যন্মন্যমানঃ স্বমদ্বযম্ । (পাঠভেদঃ - সর্বতঃ) স্বানংদমনুভুংজানঃ কালং নয় মহামতে ॥ 524॥

অখংডবোধাত্মনি নির্বিকল্পে বিকল্পনং ব্য়োম্নি পুরপ্রকল্পনম্ । তদদ্বয়ানংদময়াত্মনা সদা শাংতিং পরামেত্য় ভজস্ব মৌনম্ ॥ 525॥

তূষ্ণীমবস্থা পরমোপশাংতিঃ বুদ্ধেরসত্কল্পবিকল্পহেতোঃ । ব্রহ্মাত্মনো ব্রহ্মবিদো মহাত্মনো যত্রাদ্বয়ানংদসুখং নিরংতরম্ ॥ 526॥

নাস্তি নির্বাসনান্মৌনাত্পরং সুখকৃদুত্তমম্ । বিজ্ঞাতাত্মস্বরূপস্য় স্বানংদরসপায়িনঃ ॥ 527॥

গচ্ছংস্তিষ্ঠন্নুপবিশংছয়ানো বাঽন্যথাপি বা । যথেচ্ছয়া বসেদ্বিদ্বানাত্মারামঃ সদা মুনিঃ ॥ 528॥

ন দেশকালাসনদিগ্যমাদি- লক্ষ্য়াদ্যপেক্ষাঽপ্রতিবদ্ধবৃত্তেঃ । (পাঠভেদঃ - প্রতিবদ্ধ সংসিদ্ধতত্ত্বস্য় মহাত্মনোঽস্তি) স্ববেদনে কা নিযমাদ্যবস্থা ॥ 529॥

ঘটোঽযমিতি বিজ্ঞাতুং নিযমঃ কোঽন্ববেক্ষতে । (পাঠভেদঃ - অপেক্ষ্যতে) বিনা প্রমাণসুষ্ঠুত্বং যস্মিন্সতি পদার্থধীঃ ॥ 530॥

অযমাত্মা নিত্যসিদ্ধঃ প্রমাণে সতি ভাসতে । ন দেশং নাপি বা কালং ন শুদ্ধিং বাপ্যপেক্ষতে ॥ 531॥

দেবদত্তোঽহমিত্য়েতদ্বিজ্ঞানং নিরপেক্ষকম্ । তদ্বদ্ব্রহ্মবিদোঽপ্যস্য় ব্রহ্মাহমিতি বেদনম্ ॥ 532॥

ভানুনেব জগত্সর্বং ভাসতে যস্য় তেজসা । অনাত্মকমসত্তুচ্ছং কিং নু তস্য়াবভাসকম্ ॥ 533॥

বেদশাস্ত্রপুরাণানি ভূতানি সকলান্যপি । যেনার্থবংতি তং কিন্নু বিজ্ঞাতারং প্রকাশয়েত্ ॥ 534॥

এষ স্বয়ংজ্য়োতিরনংতশক্তিঃ আত্মাঽপ্রমেয়ঃ সকলানুভূতিঃ । যমেব বিজ্ঞায় বিমুক্তবংধো জযত্যয়ং ব্রহ্মবিদুত্তমোত্তমঃ ॥ 535॥

ন খিদ্যতে নো বিষয়ৈঃ প্রমোদতে ন সজ্জতে নাপি বিরজ্যতে চ । স্বস্মিন্সদা ক্রীডতি নংদতি স্বয়ং নিরংতরানংদরসেন তৃপ্তঃ ॥ 536॥

ক্ষুধাং দেহব্যথাং ত্যক্ত্বা বালঃ ক্রীডতি বস্তুনিঃ । (পাঠভেদঃ - বস্তুনি) তথৈব বিদ্বান্ রমতে নির্মমো নিরহং সুখী ॥ 537॥

চিংতাশূন্যমদৈন্যভৈক্ষমশনং পানং সরিদ্বারিষু স্বাতংত্র্য়েণ নিরংকুশা স্থিতিরভীর্নিদ্রা শ্মশানে বনে । বস্ত্রং ক্ষালনশোষণাদিরহিতং দিগ্বাস্তু শয়্য়া মহী সংচারো নিগমাংতবীথিষু বিদাং ক্রীডা পরে ব্রহ্মণি ॥ 538॥

বিমানমালংব্য় শরীরমেতদ্ ভুনক্ত্যশেষান্বিষয়ানুপস্থিতান্ । পরেচ্ছয়া বালবদাত্মবেত্তা যোঽব্যক্তলিংগোঽননুষক্তবাহ্য়ঃ ॥ 539॥

দিগংবরো বাপি চ সাংবরো বা ত্বগংবরো বাপি চিদংবরস্থঃ । উন্মত্তবদ্বাপি চ বালবদ্বা পিশাচবদ্বাপি চরত্যবন্য়াম্ ॥ 540॥

কামান্নিষ্কামরূপী সংশ্চরত্য়েকচরো মুনিঃ । (পাঠভেদঃ - কামান্নী কামরূপী) স্বাত্মনৈব সদা তুষ্টঃ স্বয়ং সর্বাত্মনা স্থিতঃ ॥ 541॥

ক্বচিন্মূঢো বিদ্বান্ ক্বচিদপি মহারাজবিভবঃ ক্বচিদ্ভ্রাংতঃ সৌম্য়ঃ ক্বচিদজগরাচারকলিতঃ । ক্বচিত্পাত্রীভূতঃ ক্বচিদবমতঃ ক্বাপ্যবিদিতঃ চরত্য়েবং প্রাজ্ঞঃ সততপরমানংদসুখিতঃ ॥ 542॥

নির্ধনোঽপি সদা তুষ্টোঽপ্যসহায়ো মহাবলঃ । নিত্যতৃপ্তোঽপ্যভুংজানোঽপ্যসমঃ সমদর্শনঃ ॥ 543॥

অপি কুর্বন্নকুর্বাণশ্চাভোক্তা ফলভোগ্যপি । শরীর্যপ্যশরীর্য়েষ পরিচ্ছিন্নোঽপি সর্বগঃ ॥ 544॥

অশরীরং সদা সংতমিমং ব্রহ্মবিদং ক্বচিত্ । প্রিয়াপ্রিয়ে ন স্পৃশতস্তথৈব চ শুভাশুভে ॥ 545॥

স্থূলাদিসংবংধবতোঽভিমানিনঃ সুখং চ দুঃখং চ শুভাশুভে চ । বিধ্বস্তবংধস্য় সদাত্মনো মুনেঃ কুতঃ শুভং বাঽপ্যশুভং ফলং বা ॥ 546॥

তমসা গ্রস্তবদ্ভানাদগ্রস্তোঽপি রবির্জনৈঃ । গ্রস্ত ইত্য়ুচ্যতে ভ্রাংত্য়াং হ্যজ্ঞাত্বা বস্তুলক্ষণম্ ॥ 547॥ (পাঠভেদঃ - ভ্রাংত্য়া) তদ্বদ্দেহাদিবংধেভ্য়ো বিমুক্তং ব্রহ্মবিত্তমম্ । পশ্য়ংতি দেহিবন্মূঢাঃ শরীরাভাসদর্শনাত্ ॥ 548॥

অহির্নির্ল্বযনীং বায়ং মুক্ত্বা দেহং তু তিষ্ঠতি । (পাঠভেদঃ - অহিনি) ইতস্ততশ্চাল্যমানো যত্কিংচিত্প্রাণবায়ুনা ॥ 549॥

স্ত্রোতসা নীযতে দারু যথা নিম্নোন্নতস্থলম্ । দৈবেন নীযতে দেহো যথাকালোপভুক্তিষু ॥ 550॥

প্রারব্ধকর্মপরিকল্পিতবাসনাভিঃ সংসারিবচ্চরতি ভুক্তিষু মুক্তদেহঃ । সিদ্ধঃ স্বয়ং বসতি সাক্ষিবদত্র তূষ্ণীং চক্রস্য় মূলমিব কল্পবিকল্পশূন্য়ঃ ॥ 551॥

নৈবেংদ্রিয়াণি বিষয়েষু নিয়ুংক্ত এষ নৈবাপয়ুংক্ত উপদর্শনলক্ষণস্থঃ । নৈব ক্রিয়াফলমপীষদবেক্ষতে স (পাঠভেদঃ - অপীষদপেক্ষতে সঃ) স্বানংদসাংদ্ররসপানসুমত্তচিত্তঃ ॥ 552॥

লক্ষ্য়ালক্ষ্যগতিং ত্যক্ত্বা যস্তিষ্ঠেত্কেবলাত্মনা । শিব এব স্বয়ং সাক্ষাদয়ং ব্রহ্মবিদুত্তমঃ ॥ 553॥

জীবন্নেব সদা মুক্তঃ কৃতার্থো ব্রহ্মবিত্তমঃ । উপাধিনাশাদ্ব্রহ্মৈব সন্ ব্রহ্মাপ্য়েতি নির্দ্বযম্ ॥ 554॥

শৈলূষো বেষসদ্ভাবাভাবয়োশ্চ যথা পুমান্ । তথৈব ব্রহ্মবিচ্ছ্রেষ্ঠঃ সদা ব্রহ্মৈব নাপরঃ ॥ 555॥

যত্র ক্বাপি বিশীর্ণং সত্পর্ণমিব তরোর্বপুঃ পততাত্ । (পাঠভেদঃ - বিশীর্ণং পর্ণমিব) ব্রহ্মীভূতস্য় যতেঃ প্রাগেব তচ্চিদগ্নিনা দগ্ধম্ ॥ 556॥

সদাত্মনি ব্রহ্মণি তিষ্ঠতো মুনেঃ পূর্ণাঽদ্বয়ানংদময়াত্মনা সদা । ন দেশকালাদ্য়ুচিতপ্রতীক্ষা ত্বঙ্মাংসবিট্পিংডবিসর্জনায় ॥ 557॥

দেহস্য় মোক্ষো নো মোক্ষো ন দংডস্য় কমংডলোঃ । অবিদ্য়াহৃদযগ্রংথিমোক্ষো মোক্ষো যতস্ততঃ ॥ 558॥

কুল্য়ায়ামথ নদ্য়াং বা শিবক্ষেত্রেঽপি চত্বরে । পর্ণং পততি চেত্তেন তরোঃ কিং নু শুভাশুভম্ ॥ 559॥

পত্রস্য় পুষ্পস্য় ফলস্য় নাশবদ্- দেহেংদ্রিযপ্রাণধিয়াং বিনাশঃ । নৈবাত্মনঃ স্বস্য় সদাত্মকস্য়া- নংদাকৃতের্বৃক্ষবদস্তি চৈষঃ ॥ 560॥ (পাঠভেদঃ - বদাস্ত এষঃ)

প্রজ্ঞানঘন ইত্য়াত্মলক্ষণং সত্যসূচকম্ । অনূদ্য়ৌপাধিকস্য়ৈব কথয়ংতি বিনাশনম্ ॥ 561॥

অবিনাশী বা অরেঽযমাত্মেতি শ্রুতিরাত্মনঃ । প্রব্রবীত্যবিনাশিত্বং বিনশ্যত্সু বিকারিষু ॥ 562॥

পাষাণবৃক্ষতৃণধান্যকডংকরাদ্য়া (পাঠভেদঃ - কটাংবরাদ্য়া) দগ্ধা ভবংতি হি মৃদেব যথা তথৈব । দেহেংদ্রিয়াসুমন আদি সমস্তদৃশ্য়ং জ্ঞানাগ্নিদগ্ধমুপয়াতি পরাত্মভাবম্ ॥ 563॥

বিলক্ষণং যথা ধ্বাংতং লীযতে ভানুতেজসি । তথৈব সকলং দৃশ্য়ং ব্রহ্মণি প্রবিলীযতে ॥ 564॥

ঘটে নষ্টে যথা ব্য়োম ব্য়োমৈব ভবতি স্ফুটম্ । তথৈবোপাধিবিলয়ে ব্রহ্মৈব ব্রহ্মবিত্স্বযম্ ॥ 565॥

ক্ষীরং ক্ষীরে যথা ক্ষিপ্তং তৈলং তৈলে জলং জলে । সংয়ুক্তমেকতাং যাতি তথাঽঽত্মন্য়াত্মবিন্মুনিঃ ॥ 566॥

এবং বিদেহকৈবল্য়ং সন্মাত্রত্বমখংডিতম্ । ব্রহ্মভাবং প্রপদ্য়ৈষ যতির্নাবর্ততে পুনঃ ॥ 567॥

সদাত্মৈকত্ববিজ্ঞানদগ্ধাবিদ্য়াদিবর্ষ্মণঃ । অমুষ্য় ব্রহ্মভূতত্বাদ্ ব্রহ্মণঃ কুত উদ্ভবঃ ॥ 568॥

মায়াক্লৃপ্তৌ বংধমোক্ষৌ ন স্তঃ স্বাত্মনি বস্তুতঃ । যথা রজ্জৌ নিষ্ক্রিয়ায়াং সর্পাভাসবিনির্গমৌ ॥ 569॥

আবৃতেঃ সদসত্ত্বাভ্য়াং বক্তব্য়ে বংধমোক্ষণে । নাবৃতির্ব্রহ্মণঃ কাচিদন্য়াভাবাদনাবৃতম্ । যদ্যস্ত্যদ্বৈতহানিঃ স্য়াদ্ দ্বৈতং নো সহতে শ্রুতিঃ ॥ 570॥

বংধংচ মোক্ষংচ মৃষৈব মূঢা বুদ্ধের্গুণং বস্তুনি কল্পয়ংতি । দৃগাবৃতিং মেঘকৃতাং যথা রবৌ যতোঽদ্বয়াঽসংগচিদেতদক্ষরম্ ॥ 571॥ (পাঠভেদঃ - চিদেকমক্ষরম্)

অস্তীতি প্রত্যয়ো যশ্চ যশ্চ নাস্তীতি বস্তুনি । বুদ্ধেরেব গুণাবেতৌ ন তু নিত্যস্য় বস্তুনঃ ॥ 572॥

অতস্তৌ মাযয়া ক্লৃপ্তৌ বংধমোক্ষৌ ন চাত্মনি । নিষ্কলে নিষ্ক্রিয়ে শাংতে নিরবদ্য়ে নিরংজনে । অদ্বিতীয়ে পরে তত্ত্বে ব্য়োমবত্কল্পনা কুতঃ ॥ 573॥

ন নিরোধো ন চোত্পত্তির্ন বদ্ধো ন চ সাধকঃ । ন মুমুক্ষুর্ন বৈ মুক্ত ইত্য়েষা পরমার্থতা ॥ 574॥

সকলনিগমচূডাস্বাংতসিদ্ধাংতরূপং পরমিদমতিগুহ্য়ং দর্শিতং তে ময়াদ্য় । অপগতকলিদোষং কামনির্মুক্তবুদ্ধিং (পাঠভেদঃ - বুদ্ধিঃ) স্বসুতবদসকৃত্ত্বাং ভাবয়িত্বা মুমুক্ষুম্ ॥ 575॥

ইতি শ্রুত্বা গুরোর্বাক্য়ং প্রশ্রয়েণ কৃতানতিঃ । স তেন সমনুজ্ঞাতো যয়ৌ নির্মুক্তবংধনঃ ॥ 576॥

গুরুরেব সদানংদসিংধৌ নির্মগ্নমানসঃ । (পাঠভেদঃ - গুরুরেষ) পাবযন্বসুধাং সর্বাং বিচচার নিরংতরঃ ॥ 577॥

ইত্য়াচার্যস্য় শিষ্যস্য় সংবাদেনাত্মলক্ষণম্ । নিরূপিতং মুমুক্ষূণাং সুখবোধোপপত্তয়ে ॥ 578॥

হিতমিদমুপদেশমাদ্রিয়ংতাং বিহিতনিরস্তসমস্তচিত্তদোষাঃ । ভবসুখবিরতাঃ প্রশাংতচিত্তাঃ (পাঠভেদঃ - সুখবিমুখাঃ) শ্রুতিরসিকা যতয়ো মুমুক্ষবো যে ॥ 579॥

সংসারাধ্বনি তাপভানুকিরণপ্রোদ্ভূতদাহব্যথা- খিন্নানাং জলকাংক্ষয়া মরুভুবি ভ্রাংত্য়া পরিভ্রাম্যতাম্ । অত্য়াসন্নসুধাংবুধিং সুখকরং ব্রহ্মাদ্বয়ং দর্শয়- ত্য়েষা শংকরভারতী বিজযতে নির্বাণসংদায়িনী ॥ 580॥

॥ ইতি শংকরাচার্যবিরচিতং বিবেকচূডামণিঃ ॥

॥ ওং তত্সত্ ॥

Browse Related Categories: