Karma Siddhanta · Traditional devotional text · Source: vignanam.org (Traditional devotional text (public-domain shlokas))
janaka uvācha
akiñchanabhavaṃ svāsthyaṃ kaupīnatvē'pi durlabham । tyāgādānē vihāyāsmādahamāsē yathāsukham ॥ 13-1
kutrāpi khēdaḥ kāyasya jihvā kutrāpi khidyatē । manaḥ kutrāpi tattyaktvā puruṣārthē sthitaḥ sukham ॥ 13-2॥
kṛtaṃ kimapi naiva syād iti sañchintya tattvataḥ । yadā yatkartumāyāti tat kṛtvāsē yathāsukham ॥ 13-3॥
karmanaiṣkarmyanirbandhabhāvā dēhasthayōginaḥ । saṃyōgāyōgavirahādahamāsē yathāsukham ॥ 13-4॥
arthānarthau na mē sthityā gatyā na śayanēna vā । tiṣṭhan gachChan svapan tasmādahamāsē yathāsukham ॥ 13-5॥
svapatō nāsti mē hāniḥ siddhiryatnavatō na vā । nāśōllāsau vihāyāsmādahamāsē yathāsukham ॥ 13-6॥
sukhādirūpā niyamaṃ bhāvēṣvālōkya bhūriśaḥ । śubhāśubhē vihāyāsmādahamāsē yathāsukham ॥ 13-7॥
Browse Related Categories:
Offered for worship and study, not as prediction. Non-commercial.
More devotional texts