Karma Siddhanta · Traditional devotional text · Source: vignanam.org (Traditional devotional text (public-domain shlokas))
aṣṭāvakra uvācha
kṛtākṛtē cha dvandvāni kadā śāntāni kasya vā । ēvaṃ jñātvēha nirvēdād bhava tyāgaparō'vratī ॥ 9-1
kasyāpi tāta dhanyasya lōkachēṣṭāvalōkanāt । jīvitēchChā bubhukṣā cha bubhutsōpaśamaṃ gatāḥ ॥ 9-2॥
anityaṃ sarvamēvēdaṃ tāpatritayadūṣitam । asāraṃ ninditaṃ hēyamiti niśchitya śāmyati ॥ 9-3॥
kō'sau kālō vayaḥ kiṃ vā yatra dvandvāni nō nṛṇām । tānyupēkṣya yathāprāptavartī siddhimavāpnuyāt ॥ 9-4॥
nānā mataṃ maharṣīṇāṃ sādhūnāṃ yōgināṃ tathā । dṛṣṭvā nirvēdamāpannaḥ kō na śāmyati mānavaḥ ॥ 9-5॥
kṛtvā mūrtiparijñānaṃ chaitanyasya na kiṃ guruḥ । nirvēdasamatāyuktyā yastārayati saṃsṛtēḥ ॥ 9-6॥
paśya bhūtavikārāṃstvaṃ bhūtamātrān yathārthataḥ । tatkṣaṇād bandhanirmuktaḥ svarūpasthō bhaviṣyasi ॥ 9-7॥
vāsanā ēva saṃsāra iti sarvā vimuñcha tāḥ । tattyāgō vāsanātyāgātsthitiradya yathā tathā ॥ 9-8॥
Offered for worship and study, not as prediction. Non-commercial.
More devotional texts
Browse Related Categories: