Sri Krishna · Traditional devotional text · Source: vignanam.org (Traditional devotional text (public-domain shlokas))
ōṃ śrī paramātmanē namaḥ atha gītā dhyāna ślōkāḥ
ōṃ pārthāya pratibōdhitāṃ bhagavatā nārāyaṇēna svayaṃ vyāsēna grathitāṃ purāṇamuninā madhyē mahābhāratam । advaitāmṛtavarṣiṇīṃ bhagavatīṃ aṣṭādaśādhyāyinīṃ amba tvāṃ anusandadhāmi bhagavadgītē bhavadvēṣiṇīm ॥
Offered for worship and study, not as prediction. Non-commercial.
More devotional texts
namō'stutē vyāsa viśālabuddhē phullāravindāyatapatranētra । yēna tvayā bhārata tailapūrṇaḥ prajvālitō jñānamayaḥ pradīpaḥ॥
prapannapārijātāya tōtravētraikapāṇayē । jñānamudrāya kṛṣṇāya gītāmṛtaduhē namaḥ ॥
vasudēvasutaṃ dēvaṃ kaṃsachāṇūramardanam । dēvakīparamānandaṃ kṛṣṇaṃ vandē jagadgurum ॥
bhīṣmadrōṇataṭā jayadrathajalā gāndhāranīlōtpalā śalyagrāhavatī kṛpēṇa vahanī karṇēna vēlākulā । aśvatthāmavikarṇaghōramakarā duryōdhanāvartinī sōttīrṇā khalu pāṇḍavai raṇanadī kaivartakaḥ kēśavaḥ ॥
pārāśaryavachaḥ sarōjamamalaṃ gītārthagandhōtkaṭaṃ nānākhyānakakēsaraṃ harikathā sambōdhanābōdhitam । lōkē sajjanaṣaṭpadairaharahaḥ pēpīyamānaṃ mudā bhūyādbhāratapaṅkajaṃ kalimalaṃ pradhvaṃsinaḥ śrēyasē ॥
mūkaṃ karōti vāchālaṃ paṅguṃ laṅghayatē girim । yatkṛpā tamahaṃ vandē paramānandamādhavam ॥
śāntākāraṃ bhujagaśayanaṃ padmanābhaṃ surēśaṃ viśvādhāraṃ gaganasadṛśaṃ mēghavarṇaṃ śubhāṅgam । lakṣmīkāntaṃ kamalanayanaṃ yōgihṛddhyānagamyaṃ vandē viṣṇuṃ bhavabhayaharaṃ sarva lōkaikanātham ॥
yaṃ brahmāvaruṇēndrarudramarutaḥ stunvanti divyaiḥ stavaiḥ vēdaiḥ sāṅgapadakramōpaniṣadaiḥ gāyanti yaṃ sāmagāḥ । dhyānāvasthita tadgatēna manasā paśyanti yaṃ yōginaḥ yasyāntaṃ na vidussurāsuragaṇāḥ dēvāya tasmai namaḥ ॥
nārāyaṇaṃ namaskṛtya narañchaiva narōttamam । dēvīṃ sarasvatīṃ vyāsaṃ tatō jayamudīrayēt ॥
sachchidānandarūpāya kṛṣṇāyākliṣṭakāriṇē । namō vēdāntavēdyāya guravē buddhisākṣiṇē॥
sarvōpaniṣadō gāvaḥ dōgdhā gōpālanandanaḥ । pārthō vatsaḥ sudhīrbhōktā dugdhaṃ gītāmṛtaṃ mahat ॥
gītāśāstramidaṃ puṇyaṃ yaḥ paṭhēt prayataḥ pumān । viṣṇōḥ padamavāpnōti bhayaśōkādi varjitaḥ ॥
ēkaṃ śāstraṃ dēvakīputragītaṃ ēkō dēvō dēvakīputra ēva । ēkō mantrastasya nāmāni yāni karmāpyēkaṃ tasya dēvasya sēvā ॥
॥ ōṃ śrī kṛṣṇāya paramātmanē namaḥ ॥
Browse Related Categories: