Bhagavadgita Parayana - Dhyana Slokas (Geetha Dhyanam)

নমোঽস্তুতে ব্য়াস বিশালবুদ্ধে ফুল্লারবিংদাযতপত্রনেত্র । যেন ত্বয়া ভারত তৈলপূর্ণঃ প্রজ্বালিতো জ্ঞানময়ঃ প্রদীপঃ॥

প্রপন্নপারিজাতায় তোত্রবেত্রৈকপাণয়ে । জ্ঞানমুদ্রায় কৃষ্ণায় গীতামৃতদুহে নমঃ ॥

বসুদেবসুতং দেবং কংসচাণূরমর্দনম্ । দেবকীপরমানংদং কৃষ্ণং বংদে জগদ্গুরুম্ ॥

ভীষ্মদ্রোণতটা জযদ্রথজলা গাংধারনীলোত্পলা শল্যগ্রাহবতী কৃপেণ বহনী কর্ণেন বেলাকুলা । অশ্বত্থামবিকর্ণঘোরমকরা দুর্য়োধনাবর্তিনী সোত্তীর্ণা খলু পাংডবৈ রণনদী কৈবর্তকঃ কেশবঃ ॥

পারাশর্যবচঃ সরোজমমলং গীতার্থগংধোত্কটং নানাখ্য়ানককেসরং হরিকথা সংবোধনাবোধিতম্ । লোকে সজ্জনষট্পদৈরহরহঃ পেপীযমানং মুদা ভূয়াদ্ভারতপংকজং কলিমলং প্রধ্বংসিনঃ শ্রেযসে ॥

মূকং করোতি বাচালং পংগুং লংঘযতে গিরিম্ । যত্কৃপা তমহং বংদে পরমানংদমাধবম্ ॥

শাংতাকারং ভুজগশযনং পদ্মনাভং সুরেশং বিশ্বাধারং গগনসদৃশং মেঘবর্ণং শুভাংগম্ । লক্ষ্মীকাংতং কমলনযনং যোগিহৃদ্ধ্য়ানগম্য়ং বংদে বিষ্ণুং ভবভযহরং সর্ব লোকৈকনাথম্ ॥

যং ব্রহ্মাবরুণেংদ্ররুদ্রমরুতঃ স্তুন্বংতি দিব্য়ৈঃ স্তবৈঃ বেদৈঃ সাংগপদক্রমোপনিষদৈঃ গায়ংতি যং সামগাঃ । ধ্য়ানাবস্থিত তদ্গতেন মনসা পশ্য়ংতি যং যোগিনঃ যস্য়াংতং ন বিদুস্সুরাসুরগণাঃ দেবায় তস্মৈ নমঃ ॥

নারাযণং নমস্কৃত্য় নরংচৈব নরোত্তমম্ । দেবীং সরস্বতীং ব্য়াসং ততো জযমুদীরয়েত্ ॥

সচ্চিদানংদরূপায় কৃষ্ণায়াক্লিষ্টকারিণে । নমো বেদাংতবেদ্য়ায় গুরবে বুদ্ধিসাক্ষিণে॥

সর্বোপনিষদো গাবঃ দোগ্ধা গোপালনংদনঃ । পার্থো বত্সঃ সুধীর্ভোক্তা দুগ্ধং গীতামৃতং মহত্ ॥

গীতাশাস্ত্রমিদং পুণ্য়ং যঃ পঠেত্ প্রযতঃ পুমান্ । বিষ্ণোঃ পদমবাপ্নোতি ভযশোকাদি বর্জিতঃ ॥

একং শাস্ত্রং দেবকীপুত্রগীতং একো দেবো দেবকীপুত্র এব । একো মংত্রস্তস্য় নামানি যানি কর্মাপ্য়েকং তস্য় দেবস্য় সেবা ॥

॥ ওং শ্রী কৃষ্ণায় পরমাত্মনে নমঃ ॥

Browse Related Categories: