Vishnu · Traditional devotional text · Source: vignanam.org (Traditional devotional text (public-domain shlokas))
കരാരവിംദേന പദാരവിംദം മുഖാരവിംദേ വിനിവേശയംതമ് । വടസ്യ പത്രസ്യ പുടേ ശയാനം ബാലം മുകുംദം മനസാ സ്മരാമി ॥
ശ്രീകൃഷ്ണ ഗോവിംദ ഹരേ മുരാരേ ഹേ നാഥ നാരായണ വാസുദേവ । ജിഹ്വേ പിബസ്വാമൃതമേതദേവ ഗോവിംദ ദാമോദര മാധവേതി ॥ 1
വിക്രേതുകാമാഖിലഗോപകന്യാ മുരാരിപാദാര്പിതചിത്തവൃത്തിഃ । ദധ്യാദികം മോഹവശാദവോചത് ഗോവിംദ ദാമോദര മാധവേതി ॥ 2
ഗൃഹേ ഗൃഹേ ഗോപവധൂകദംബാഃ സർവേ മിലിത്വാ സമവാപ്യ യോഗമ് । പുണ്യാനി നാമാനി പഠംതി നിത്യം ഗോവിംദ ദാമോദര മാധവേതി ॥ 3
സുഖം ശയാനാ നിലയേ നിജേഽപി നാമാനി വിഷ്ണോഃ പ്രവദംതി മര്ത്യാഃ । തേ നിശ്ചിതം തന്മയതാം വ്രജംതി ഗോവിംദ ദാമോദര മാധവേതി ॥ 4
ജിഹ്വേ സദൈവം ഭജ സുംദരാണി നാമാനി കൃഷ്ണസ്യ മനോഹരാണി । സമസ്ത ഭക്താര്തിവിനാശനാനി ഗോവിംദ ദാമോദര മാധവേതി ॥ 5
സുഖാവസാനേ ഇദമേവ സാരം ദുഃഖാവസാനേ ഇദമേവ ജ്ഞേയമ് । ദേഹാവസാനേ ഇദമേവ ജാപ്യം ഗോവിംദ ദാമോദര മാധവേതി ॥ 6
ജിഹ്വേ രസജ്ഞേ മധുരപ്രിയേ ത്വം സത്യം ഹിതം ത്വാം പരമം വദാമി । അവര്ണയേഥാ മധുരാക്ഷരാണി ഗോവിംദ ദാമോദര മാധവേതി ॥ 7
Offered for worship and study, not as prediction. Non-commercial.
More devotional texts
ത്വാമേവ യാചേ മമ ദേഹി ജിഹ്വേ സമാഗതേ ദംഡധരേ കൃതാംതേ । വക്തവ്യമേവം മധുരം സുഭക്ത്യാ ഗോവിംദ ദാമോദര മാധവേതി ॥ 8
ശ്രീകൃഷ്ണ രാധാവര ഗോകുലേശ ഗോപാല ഗോവര്ധനനാഥ വിഷ്ണോ । ജിഹ്വേ പിബസ്വാമൃതമേതദേവ ഗോവിംദ ദാമോദര മാധവേതി ॥ 9
Browse Related Categories: