Hanuma · Traditional devotional text · Source: vignanam.org (Traditional devotional text (public-domain shlokas))
অস্য় শ্রী হনুমত্ কবচস্তোত্রমহামংত্রস্য় বসিষ্ঠ ঋষিঃ অনুষ্টুপ্ ছংদঃ শ্রী হনুমান্ দেবতা মারুতাত্মজ ইতি বীজং অংজনাসূনুরিতি শক্তিঃ বায়ুপুত্র ইতি কীলকং হনুমত্প্রসাদ সিদ্ধ্যর্থে জপে বিনিয়োগঃ ॥
উল্লংঘ্য় সিংধোস্সলিলং সলীলং যশ্শোকবহ্নিং জনকাত্মজায়াঃ । আদায় তেনৈব দদাহ লংকাং নমামি তং প্রাংজলিরাংজনেযম্ ॥ 1
মনোজবং মারুততুল্যবেগং জিতেংদ্রিয়ং বুদ্ধিমতাং বরিষ্ঠম্ । বাতাত্মজং বানরয়ূথমুখ্য়ং শ্রীরামদূতং শিরসা নমামি ॥ 2
উদ্যদাদিত্যসংকাশং উদারভুজবিক্রমম্ । কংদর্পকোটিলাবণ্য়ং সর্ববিদ্য়াবিশারদম্ ॥ 3
শ্রীরামহৃদয়ানংদং ভক্তকল্পমহীরুহম্ । অভয়ং বরদং দোর্ভ্য়াং কলয়ে মারুতাত্মজম্ ॥ 4
শ্রীরাম রাম রামেতি রমে রামে মনোরমে । সহস্রনাম তত্তুল্য়ং রামনাম বরাননে ॥ 5
পাদৌ বায়ুসুতঃ পাতু রামদূতস্তদংগুলীঃ । গুল্ফৌ হরীশ্বরঃ পাতু জংঘে চার্ণবলংঘনঃ ॥ 6
জানুনী মারুতিঃ পাতু ঊরূ পাত্বসুরাংতকঃ । গুহ্য়ং বজ্রতনুঃ পাতু জঘনং তু জগদ্ধিতঃ ॥ 7
আংজনেয়ঃ কটিং পাতু নাভিং সৌমিত্রিজীবনঃ । উদরং পাতু হৃদ্গেহী হৃদয়ং চ মহাবলঃ ॥ 8
Offered for worship and study, not as prediction. Non-commercial.
More devotional texts
বক্ষো বালায়ুধঃ পাতু স্তনৌ চাঽমিতবিক্রমঃ । পার্শ্বৌ জিতেংদ্রিয়ঃ পাতু বাহূ সুগ্রীবমংত্রকৃত্ ॥ 9
করাবক্ষ জয়ী পাতু হনুমাংশ্চ তদংগুলীঃ । পৃষ্ঠং ভবিষ্যদ্র্বহ্মা চ স্কংধৌ মতি মতাং বরঃ ॥ 10
কংঠং পাতু কপিশ্রেষ্ঠো মুখং রাবণদর্পহা । বক্ত্রং চ বক্তৃপ্রবণো নেত্রে দেবগণস্তুতঃ ॥ 11
ব্রহ্মাস্ত্রসন্মানকরো ভ্রুবৌ মে পাতু সর্বদা । কামরূপঃ কপোলে মে ফালং বজ্রনখোঽবতু ॥ 12
শিরো মে পাতু সততং জানকীশোকনাশনঃ । শ্রীরামভক্তপ্রবরঃ পাতু সর্বকলেবরম্ ॥ 13
মামহ্নি পাতু সর্বজ্ঞঃ পাতু রাত্রৌ মহাযশাঃ । বিবস্বদংতেবাসী চ সংধ্যয়োঃ পাতু সর্বদা ॥ 14
ব্রহ্মাদিদেবতাদত্তবরঃ পাতু নিরংতরম্ । য ইদং কবচং নিত্য়ং পঠেচ্চ শৃণুয়ান্নরঃ ॥ 15
দীর্ঘমায়ুরবাপ্নোতি বলং দৃষ্টিং চ বিংদতি । পাদাক্রাংতা ভবিষ্য়ংতি পঠতস্তস্য় শত্রবঃ । স্থিরাং সুকীর্তিমারোগ্য়ং লভতে শাশ্বতং সুখম্ ॥ 16
ইতি নিগদিতবাক্যবৃত্ত তুভ্য়ং সকলমপি স্বযমাংজনেয় বৃত্তম্ । অপি নিজজনরক্ষণৈকদীক্ষো বশগ তদীয় মহামনুপ্রভাবঃ ॥ 17
ইতি শ্রী হনুমত্ কবচম্ ॥
Browse Related Categories: