Adi Shankaracharya · Traditional devotional text · Source: vignanam.org (Traditional devotional text (public-domain shlokas))
nirupamanityaniraṃśakē'pyakhaṇḍē – mayi chiti sarvavikalpanādiśūnyē । ghaṭayati jagadīśajīvabhēdaṃ – tvaghaṭitaghaṭanāpaṭīyasī māyā ॥ 1 ॥
śrutiśatanigamāntaśōdhakāna- pyahaha dhanādinidarśanēna sadyaḥ । kaluṣayati chatuṣpadādyabhinnā- naghaṭitaghaṭanāpaṭīyasī māyā ॥ 2 ॥
sukhachidakhaṇḍavibōdhamadvitīyaṃ – viyadanalādivinirmitē niyōjya । bhramayati bhavasāgarē nitāntaṃ – tvaghaṭitaghaṭanāpaṭīyasī māyā ॥ 3 ॥
apagataguṇavarṇajātibhēdē – sukhachiti vipraviḍādyahaṅkṛtiṃ cha । sphuṭayati sutadāragēhamōhaṃ – tvaghaṭitaghaṭanāpaṭīyasī māyā ॥ 4 ॥
vidhihariharavibhēdamapyakhaṇḍē – bata virachayya budhānapi prakāmam । bhramayati hariharabhēdabhāvā- naghaṭitaghaṭanāpaṭīyasī māyā ॥ 5 ॥
Browse Related Categories:
Offered for worship and study, not as prediction. Non-commercial.