Mooka Pancha Sathi 3 - Stuti Satakam

தந்த்³ராஹீனதமாலனீலஸுஷமைஸ்தாருண்யலீலாக்³ருஹை: தாரானாத²கிஶோரலாஞ்சி²தகசைஸ்தாம்ராரவிந்தே³க்ஷணை: । மாத: ஸம்ஶ்ரயதாம் மனோ மனஸிஜப்ராக³ல்ப்⁴யனாடி³ந்த⁴மை: கம்பாதீரசரைர்க⁴னஸ்தனப⁴ரை: புண்யாங்கரை: ஶாங்கரை: ॥8॥

நித்யம் நிஶ்சலதாமுபேத்ய மருதாம் ரக்ஷாவிதி⁴ம் புஷ்ணதீ தேஜஸ்ஸஞ்சயபாடவேன கிரணானுஷ்ணத்³யுதேர்முஷ்ணதீ । காஞ்சீமத்⁴யக³தாபி தீ³ப்திஜனனீ விஶ்வாந்தரே ஜ்ரும்ப⁴தே காசிச்சித்ரமஹோ ஸ்ம்ருதாபி தமஸாம் நிர்வாபிகா தீ³பிகா ॥9॥

காந்தை: கேஶருசாம் சயைர்ப்⁴ரமரிதம் மந்த³ஸ்மிதை: புஷ்பிதம் காந்த்யா பல்லவிதம் பதா³ம்பு³ருஹயோர்னேத்ரத்விஷா பத்ரிதம் । கம்பாதீரவனாந்தரம் வித³த⁴தீ கல்யாணஜன்மஸ்த²லீ காஞ்சீமத்⁴யமஹாமணிர்விஜயதே காசித்க்ருபாகந்த³லீ ॥1௦॥

ராகாசந்த்³ரஸமானகாந்திவத³னா நாகாதி⁴ராஜஸ்துதா மூகானாமபி குர்வதீ ஸுரத⁴னீனீகாஶவாக்³வைப⁴வம் । ஶ்ரீகாஞ்சீனக³ரீவிஹாரரஸிகா ஶோகாபஹந்த்ரீ ஸதாம் ஏகா புண்யபரம்பரா பஶுபதேராகாரிணீ ராஜதே ॥11॥

ஜாதா ஶீதலஶைலத: ஸுக்ருதினாம் த்³ருஶ்யா பரம் தே³ஹினாம் லோகானாம் க்ஷணமாத்ரஸம்ஸ்மரணத: ஸந்தாபவிச்சே²தி³னீ । ஆஶ்சர்யம் ப³ஹு கே²லனம் விதனுதே நைஶ்சல்யமாபி³ப்⁴ரதீ கம்பாயாஸ்தடஸீம்னி காபி தடினீ காருண்யபாதோ²மயீ ॥12॥

ஐக்யம் யேன விரச்யதே ஹரதனௌ த³ம்பா⁴வபும்பா⁴வுகே ரேகா² யத்கசஸீம்னி ஶேக²ரத³ஶாம் நைஶாகரீ கா³ஹதே । ஔன்னத்யம் முஹுரேதி யேன ஸ மஹான்மேனாஸக:² ஸானுமான் கம்பாதீரவிஹாரிணா ஸஶரணாஸ்தேனைவ தா⁴ம்னா வயம் ॥13॥

அக்ஷ்ணோஶ்ச ஸ்தனயோ: ஶ்ரியா ஶ்ரவணயோர்பா³ஹ்வோஶ்ச மூலம் ஸ்ப்ருஶன் உத்தம்ஸேன முகே²ன ச ப்ரதிதி³னம் த்³ருஹ்யன்பயோஜன்மனே । மாது⁴ர்யேண கி³ராம் க³தேன ம்ருது³னா ஹம்ஸாங்க³னாம் ஹ்ரேபயன் காஞ்சீஸீம்னி சகாஸ்தி கோபி கவிதாஸந்தானபீ³ஜாங்குர: ॥14॥

க²ண்ட³ம் சாந்த்³ரமஸம் வதம்ஸமனிஶம் காஞ்சீபுரே கே²லனம் காலாயஶ்ச²விதஸ்கரீம் தனுருசிம் கர்ணஜபே லோசனே । தாருண்யோஷ்மனக²ம்பசம் ஸ்தனப⁴ரம் ஜங்கா⁴ஸ்ப்ருஶம் குந்தலம் பா⁴க்³யம் தே³ஶிகஸஞ்சிதம் மம கதா³ ஸம்பாத³யேத³ம்பி³கே ॥15॥

தன்வானம் நிஜகேலிஸௌத⁴ஸரணிம் நைஸர்கி³கீணாம் கி³ராம் கேதா³ரம் கவிமல்லஸூக்திலஹரீஸஸ்யஶ்ரியாம் ஶாஶ்வதம் । அம்ஹோவஞ்சனசுஞ்சு கிஞ்சன பஜ⁴ே காஞ்சீபுரீமண்ட³னம் பர்யாயச்ச²வி பாகஶாஸனமணே: பௌஷ்பேஷவம் பௌருஷம் ॥16॥

ஆலோகே முக²பங்கஜே ச த³த⁴தீ ஸௌதா⁴கரீம் சாதுரீம் சூடா³லங்க்ரியமாணபங்கஜவனீவைராக³மப்ரக்ரியா । முக்³த⁴ஸ்மேரமுகீ² க⁴ன்ஸதனதடீமூர்ச்சா²லமத்⁴யாஞ்சிதா காஞ்சீஸீமனி காமினீ விஜயதே காசிஜ்ஜக³ன்மோஹினீ ॥17॥

யஸ்மின்னம்ப³ ப⁴வத்கடாக்ஷரஜனீ மந்தே³பி மந்த³ஸ்மித- ஜ்யோத்ஸ்னாஸம்ஸ்னபிதா ப⁴வத்யபி⁴முகீ² தம் ப்ரத்யஹோ தே³ஹினம் । த்³ரக்ஷாமாக்ஷிகமாது⁴ரீமத³ப⁴ரவ்ரீடா³கரீ வைக²ரீ காமாக்ஷி ஸ்வயமாதனோத்யபி⁴ஸ்ருதிம் வாமேக்ஷணேவ க்ஷணம் ॥18॥

காலிந்தீ³ஜலகாந்தய: ஸ்மிதருசிஸ்வர்வாஹினீபாத²ஸி ப்ரௌட⁴த்⁴வாந்தருச: ஸ்பு²டாத⁴ரமஹோலௌஹித்யஸந்த்⁴யோத³யே । மணிக்யோபலகுண்ட³லாம்ஶுஶிகி²னி வ்யாமிஶ்ரதூ⁴மஶ்ரிய: கல்யாணைகபு⁴வ: கடாக்ஷஸுஷமா: காமாக்ஷி ராஜந்தி தே ॥19॥

கலகலரணத்காஞ்சீ காஞ்சீவிபூ⁴ஷணமாலிகா கசப⁴ரலஸச்சந்த்³ரா சந்த்³ராவதம்ஸஸத⁴ர்மிணீ । கவிகுலகி³ர: ஶ்ராவம்ஶ்ராவம் மிலத்புலகாங்குரா விரசிதஶிர:கம்பா கம்பாதடே பரிஶோப⁴தே ॥2௦॥

ஸரஸவசஸாம் வீசீ நீசீப⁴வன்மது⁴மாது⁴ரீ ப⁴ரிதபு⁴வனா கீர்திர்மூர்திர்மனோப⁴வஜித்வரீ । ஜனனி மனஸோ யோக்³யம் போ⁴க்³யம் ந்ருணாம் தவ ஜாயதே கத²மிவ வினா காஞ்சீபூ⁴ஷே கடாக்ஷதரங்கி³தம் ॥21॥

ப்⁴ரமரிதஸரித்கூலோ நீலோத்பலப்ரப⁴யாப⁴யா நதஜனதம:க²ண்டீ³ துண்டீ³ரஸீம்னி விஜ்ரும்ப⁴தே । அசலதபஸாமேக: பாக: ப்ரஸூனஶராஸன- ப்ரதிப⁴டமனோஹாரீ நாரீகுலைகஶிகா²மணி: ॥22॥

மது⁴ரவசஸோ மந்த³ஸ்மேரா மதங்கஜ³கா³மின: தருணிமஜுஷஸ்தாபிச்சா²பா⁴ஸ்தம:பரிபந்தி²ன: । குசப⁴ரனதா: குர்யுர்ப⁴த்³ரம் குரங்க³விலோசனா: கலிதகருணா: காஞ்சீபா⁴ஜ: கபாலிமஹோத்ஸவா: ॥23॥

கமலஸுஷமாக்ஷ்யாரோஹே விசக்ஷணவீக்ஷணா: குமுத³ஸுக்ருதக்ரீடா³சூடா³லகுந்தலப³ந்து⁴ரா: । ருசிரருசிபி⁴ஸ்தாபிச்ச²ஶ்ரீப்ரபஞ்சனசுஞ்சவ: புரவிஜயின: கம்பாதீரே ஸ்பு²ரந்தி மனோரதா²: ॥24॥

கலிதரதய: காஞ்சீலீலாவிதௌ⁴ கவிமண்ட³லீ- வசனலஹரீவாஸந்தீனாம் வஸந்தவிபூ⁴தய: । குஶலவித⁴யே பூ⁴யாஸுர்மே குரங்க³விலோசனா: குஸுமவிஶிகா²ராதேரக்ஷ்ணாம் குதூஹலவிப்⁴ரமா: ॥25॥

கப³லிததமஸ்காண்டா³ஸ்துண்டீ³ரமண்ட³லமண்ட³னா: ஸரஸிஜவனீஸந்தானானாமருந்துத³ஶேக²ரா: । நயனஸரணேர்னேதீ³யம்ஸ: கதா³ நு ப⁴வந்தி மே தருணஜலத³ஶ்யாமா: ஶம்போ⁴ஸ்தப:ப²லவிப்⁴ரமா: ॥26॥

அசரமமிஷும் தீ³னம் மீனத்⁴வஜஸ்ய முக²ஶ்ரியா ஸரஸிஜபு⁴வோ யானம் ம்லானம் க³தேன ச மஞ்ஜுனா । த்ரித³ஶஸத³ஸாமன்னம் கி²ன்னம் கி³ரா ச விதன்வதீ திலகயதி ஸா கம்பாதீரம் த்ரிலோசனஸுந்த³ரீ ॥27॥

ஜனனி பு⁴வனே சங்க்ரம்யேஹம் கியந்தமனேஹஸம் குபுருஷகரப்⁴ரஷ்டைர்து³ஷ்டைர்த⁴னைருத³ரம்ப⁴ரி: । தருணகருணே தந்த்³ராஶூன்யே தரங்க³ய லோசனே நமதி மயி தே கிஞ்சித்காஞ்சீபுரீமணிதீ³பிகே ॥28॥

முனிஜனமன:பேடீரத்னம் ஸ்பு²ரத்கருணானடீ- விஹரணகலாகே³ஹம் காஞ்சீபுரீமணிபூ⁴ஷணம் । ஜக³தி மஹதோ மோஹவ்யாதே⁴ர்ன்ருணாம் பரமௌஷத⁴ம் புரஹரத்³ருஶாம் ஸாப²ல்யம் மே புர: பரிஜ்ரும்ப⁴தாம் ॥29॥

முனிஜனமோதா⁴ம்னே தா⁴ம்னே வசோமயஜாஹ்னவீ- ஹிமகி³ரிதடப்ராக்³பா⁴ராயாக்ஷராய பராத்மனே । விஹரணஜுஷே காஞ்சீதே³ஶே மஹேஶ்வரலோசன- த்ரிதயஸரஸக்ரீடா³ஸௌதா⁴ங்க³ணாய நமோ நம: ॥3௦॥

மரகதருசாம் ப்ரத்யாதே³ஶம் மஹேஶ்வரசக்ஷுஷாம் அம்ருதலஹரீபூரம் பாரம் ப⁴வாக்²யபயோனிதே⁴: । ஸுசரிதப²லம் காஞ்சீபா⁴ஜோ ஜனஸ்ய பசேலிமம் ஹிமஶிக²ரிணோ வம்ஶஸ்யைகம் வதம்ஸமுபாஸ்மஹே ॥31॥

ப்ரணமனதி³னாரம்பே⁴ கம்பானதீ³ஸகி² தாவகே ஸரஸகவிதோன்மேஷ: பூஷா ஸதாம் ஸமுத³ஞ்சித: । ப்ரதிப⁴டமஹாப்ரௌட⁴ப்ரோத்³யத்கவித்வகுமுத்³வதீம் நயதி தரஸா நித்³ராமுத்³ராம் நகே³ஶ்வரகன்யகே ॥32॥

ஶமிதஜடி³மாரம்பா⁴ கம்பாதடீனிகடேசரீ நிஹதது³ரிதஸ்தோமா ஸோமார்த⁴முத்³ரிதகுந்தலா । ப²லிதஸுமனோவாஞ்சா² பாஞ்சாயுதீ⁴ பரதே³வதா ஸப²லயது மே நேத்ரே கோ³த்ரேஶ்வரப்ரியனந்தி³னீ ॥33॥

மம து தி⁴ஷணா பீட்³யா ஜாட்³யாதிரேக கத²ம் த்வயா குமுத³ஸுஷமாமைத்ரீபாத்ரீவதம்ஸிதகுந்தலாம் । ஜக³தி ஶமிதஸ்தம்பா⁴ம் கம்பானதீ³னிலயாமஸௌ ஶ்ரியதி ஹி க³லத்தந்த்³ரா சந்த்³ராவதம்ஸஸத⁴ர்மிணீம் ॥34॥

பரிமலபரீபாகோத்³ரேகம் பயோமுசி காஞ்சனே ஶிக²ரிணி புனர்த்³பை³தீ⁴பா⁴வம் ஶஶின்யருணாதபம் । அபி ச ஜனயன்கம்போ³ர்லக்ஷ்மீமனம்பு³னி கோப்யஸௌ குஸுமத⁴னுஷ: காஞ்சீதே³ஶே சகாஸ்தி பராக்ரம: ॥35॥

புரத³மயிதுர்வாமோத்ஸங்க³ஸ்த²லேன ரஸஜ்ஞயா ஸரஸகவிதாபா⁴ஜா காஞ்சீபுரோத³ரஸீமயா । தடபரிஸரைர்னீஹாராத்³ரேர்வசோபி⁴ரக்ருத்ரிமை: கிமிவ ந துலாமஸ்மச்சேதோ மஹேஶ்வரி கா³ஹதே ॥36॥

நயனயுக³லீமாஸ்மாகீனாம் கதா³ நு ப²லேக்³ரஹீம் வித³த⁴தி க³தௌ வ்யாகுர்வாணா கஜ³ேந்த்³ரசமத்க்ரியாம் । மரதகருசோ மாஹேஶானா க⁴னஸ்தனனம்ரிதா: ஸுக்ருதவிப⁴வா: ப்ராஞ்ச: காஞ்சீவதம்ஸது⁴ரந்த⁴ரா: ॥37॥

மனஸிஜயஶ:பாரம்பர்யம் மரந்த³ஜ²ரீஸுவாம் கவிகுலகி³ராம் கந்த³ம் கம்பானதீ³தடமண்ட³னம் । மது⁴ரலலிதம் மத்கம் சக்ஷுர்மனீஷிமனோஹரம் புரவிஜயின: ஸர்வஸ்வம் தத்புரஸ்குருதே கதா³ ॥38॥

ஶிதி²லிததமோலீலாம் நீலாரவிந்த³விலோசனாம் த³ஹனவிலஸத்பா²லாம் ஶ்ரீகாமகோடிமுபாஸ்மஹே । கரத்⁴ருதஸச்சூ²லாம் காலாரிசித்தஹராம் பராம் மனஸிஜக்ருபாலீலாம் லோலாலகாமலிகேக்ஷணாம் ॥39॥

கலாலீலாஶாலா கவிகுலவச:கைரவவனீ- ஶரஜ்ஜ்யோத்ஸ்னாதா⁴ரா ஶஶத⁴ரஶிஶுஶ்லாக்⁴யமுகுடீ । புனீதே ந: கம்பாபுலினதடஸௌஹார்த³தரலா கதா³ சக்ஷுர்மார்க³ம் கனககி³ரிதா⁴னுஷ்கமஹிஷீ ॥4௦॥

நம: ஸ்தான்னம்ரேப்⁴ய: ஸ்தனக³ரிமக³ர்வேண கு³ருணா த³தா⁴னேப்⁴யஶ்சூடா³ப⁴ரணமம்ருதஸ்யந்தி³ ஶிஶிரம் । ஸதா³ வாஸ்தவேப்⁴ய: ஸுவித⁴பு⁴வி கம்பாக்²யஸரிதே யஶோவ்யாபாரேப்⁴ய: ஸுக்ருதவிப⁴வேப்⁴யோ ரதிபதே: ॥41॥

அஸூயந்தீ காசின்மரகதருசோ நாகிமுகுடீ- கத³ம்ப³ம் சும்ப³ந்தீ சரணனக²சந்த்³ராம்ஶுபடலை: । தமோமுத்³ராம் வித்³ராவயது மம காஞ்சீர்னிலயனா ஹரோத்ஸங்க³ஶ்ரீமன்மணிக்³ருஹமஹாதீ³பகலிகா ॥42॥

அனாத்³யந்தா காசித்ஸுஜனனயனானந்தஜ³னனீ நிருந்தா⁴னா காந்திம் நிஜருசிவிலாஸைர்ஜலமுசாம் । ஸ்மராரேஸ்தாரல்யம் மனஸி ஜனயந்தீ ஸ்வயமஹோ க³லத்கம்பா ஶம்பா பரிலஸதி கம்பாபரிஸரே ॥43॥

ஸுதா⁴டி³ண்டீ³ரஶ்ரீ: ஸ்மிதருசிஷு துண்டீ³ரவிஷயம் பரிஷ்குர்வாணாஸௌ பரிஹஸிதனீலோத்பலருசி: । ஸ்தனாப்⁴யாமானம்ரா ஸ்தப³கயது மே காங்க்ஷிததரும் த்³ருஶாமைஶானீனாம் ஸுக்ருதப²லபாண்டி³த்யக³ரிமா ॥44॥

க்ருபாதா⁴ராத்³ரோணீ க்ருபணதி⁴ஷணானாம் ப்ரணமதாம் நிஹந்த்ரீ ஸந்தாபம் நிக³மமுகுடோத்தம்ஸகலிகா । பரா காஞ்சீலீலாபரிசயவதீ பர்வதஸுதா கி³ராம் நீவீ தே³வீ கி³ரிஶபரதந்த்ரா விஜயதே ॥45॥

கவித்வஶ்ரீகந்த:³ ஸுக்ருதபரிபாடீ ஹிமகி³ரே: விதா⁴த்ரீ விஶ்வேஷாம் விஷமஶரவீரத்⁴வஜபடீ । ஸகீ² கம்பானத்³யா: பத³ஹஸிதபாதோ²ஜயுக³லீ புராணோ பாயான்ன: புரமத²னஸாம்ராஜ்யபத³வீ ॥46॥

த³ரித்³ராணா மத்⁴யே த³ரத³லிததாபிச்ச²ஸுஷமா: ஸ்தனாபோ⁴க³க்காந்தாஸ்தருணஹரிணாங்காங்கிதகசா: । ஹராதீ⁴னா நானாவிபு³த⁴முகுடீசும்பி³தபதா³: கதா³ கம்பாதீரே கத²ய விஹராமோ கி³ரிஸுதே ॥47॥

வரீவர்து ஸ்தே²மா த்வயி மம கி³ராம் தே³வி மனஸோ நரீனர்து ப்ரௌடா⁴ வத³னகமலே வாக்யலஹரீ । சரீசர்து ப்ரஜ்ஞாஜனனி ஜடி³மான: பரஜனே ஸரீஸர்து ஸ்வைரம் ஜனனி மயி காமாக்ஷி கருணா ॥48॥

க்ஷணாத்தே காமாக்ஷி ப்⁴ரமரஸுஷமாஶிக்ஷணகு³ரு: கடாக்ஷவ்யாக்ஷேபோ மம ப⁴வது மோக்ஷாய விபதா³ம் । நரீனர்து ஸ்வைரம் வசனலஹரீ நிர்ஜரபுரீ- ஸரித்³வீசீனீசீகரணபடுராஸ்யே மம ஸதா³ ॥49॥

புரஸ்தான்மே பூ⁴ய:ப்ரஶமனபர: ஸ்தான்மம ருஜாம் ப்ரசாரஸ்தே கம்பாதடவிஹ்ருதிஸம்பாதி³னி த்³ருஶோ: । இமாம் யாச்ஞாமூரீகுரு ஸபதி³ தூ³ரீகுரு தம:- பரீபாகம் மத்கம் ஸபதி³ பு³த⁴லோகம் ச நய மாம் ॥5௦॥

உத³ஞ்சந்தீ காஞ்சீனக³ரனிலயே த்வத்கருணயா ஸம்ருத்³தா⁴ வாக்³தா⁴டீ பரிஹஸிதமாத்⁴வீ கவயதாம் । உபாத³த்தே மாரப்ரதிப⁴டஜடாஜூடமுகுடீ- குடீரோல்லாஸின்யா: ஶதமக²தடின்யா ஜயபடீம் ॥51॥

ஶ்ரியம் வித்³யாம் த³த்³யாஜ்ஜனனி நமதாம் கீர்திமமிதாம் ஸுபுத்ரான் ப்ராத³த்தே தவ ஜ²டிதி காமாக்ஷி கருணா । த்ரிலோக்யாமாதி⁴க்யம் த்ரிபுரபரிபந்தி²ப்ரணயினி ப்ரணாமஸ்த்வத்பாதே³ ஶமிதது³ரிதே கிம் ந குருதே ॥52॥

மன:ஸ்தம்ப⁴ம் ஸ்தம்ப⁴ம் க³மயது³பகம்பம் ப்ரணமதாம் ஸதா³ லோலம் நீலம் சிகுரஜிதலோலம்ப³னிகரம் । கி³ராம் தூ³ரம் ஸ்மேரம் த்⁴ருதஶஶிகிஶோரம் பஶுபதே: த்³ருஶாம் யோக்³யம் போ⁴க்³யம் துஹினகி³ரிபா⁴க்³யம் விஜயதே ॥53॥

க⁴னஶ்யாமான்காமாந்தகமஹிஷி காமாக்ஷி மது⁴ரான் த்³ருஶாம் பாதானேதானம்ருதஜலஶீதானனுபமான் । ப⁴வோத்பாதே பீ⁴தே மயி விதர நாதே² த்³ருட⁴ப⁴வ- ந்மனஶ்ஶோகே மூகே ஹிமகி³ரிபதாகே கருணயா ॥54॥

நதானாம் மந்தா³னாம் ப⁴வனிக³லப³ந்தா⁴குலதி⁴யாம் மஹாந்த்⁴யாம் ருந்தா⁴னாமபி⁴லஷிதஸந்தானலதிகாம் । சரந்தீம் கம்பாயாஸ்தடபு⁴வி ஸவித்ரீம் த்ரிஜக³தாம் ஸ்மராமஸ்தாம் நித்யம் ஸ்மரமத²னஜீவாதுகலிகாம் ॥55॥

பரா வித்³யா ஹ்ருத்³யாஶ்ரிதமத³னவித்³யா மரகத- ப்ரபா⁴னீலா லீலாபரவஶிதஶூலாயுத⁴மனா: । தம:பூரம் தூ³ரம் சரணனதபௌரந்த³ரபுரீ- ம்ருகா³க்ஷீ காமாக்ஷீ கமலதரலாக்ஷீ நயது மே ॥56॥

அஹந்தாக்²யா மத்கம் கப³லயதி ஹா ஹந்த ஹரிணீ ஹடா²த்ஸம்வித்³ரூபம் ஹரமஹிஷி ஸஸ்யாங்குரமஸௌ । கடாக்ஷவ்யாக்ஷேபப்ரகடஹரிபாஷாணபடலை: இமாமுச்சைருச்சாடய ஜ²டிதி காமாக்ஷி க்ருபயா ॥57॥

பு³தே⁴ வா மூகே வா தவ பததி யஸ்மின்க்ஷணமஸௌ கடாக்ஷ: காமாக்ஷி ப்ரகடஜடி³மக்ஷோத³படிமா । கத²ங்காரம் நாஸ்மை கரமுகுலசூடா³லமுகுடா நமோவாகம் ப்³ரூயுர்னமுசிபரிபந்தி²ப்ரப்⁴ருதய: ॥58॥

ப்ரதீசீம் பஶ்யாம: ப்ரகடருசினீவாரகமணி- ப்ரபா⁴ஸத்⁴ரீசீனாம் ப்ரத³லிதஷடா³தா⁴ரகமலாம் । சரந்தீம் ஸௌஷும்னே பதி² பரபதே³ந்து³ப்ரவிக³ல- த்ஸுதா⁴ர்த்³ராம் காமாக்ஷீம் பரிணதபரஞ்ஜ்யோதிருத³யாம் ॥59॥

ஜம்பா⁴ராதிப்ரப்⁴ருதிமுகுடீ: பாத³யோ: பீட²யந்தீ கு³ம்பா²ன்வாசாம் கவிஜனக்ருதான்ஸ்வைரமாராமயந்தீ । ஶம்பாலக்ஷ்மீம் மணிக³ணருசாபாடலை: ப்ராபயந்தீ கம்பாதீரே கவிபரிஷதா³ம் ஜ்ரும்ப⁴தே பா⁴க்³யஸீமா ॥6௦॥

சந்த்³ராபீடா³ம் சதுரவத³னாம் சஞ்சலாபாங்க³லீலாம் குந்த³ஸ்மேராம் குசப⁴ரனதாம் குந்தலோத்³தூ⁴தப்⁴ருங்கா³ம் । மாராராதேர்மத³னஶிகி²னம் மாம்ஸலம் தீ³பயந்தீம் காமாக்ஷீம் தாம் கவிகுலகி³ராம் கல்பவல்லீமுபாஸே ॥61॥

காலாம்போ⁴த³ப்ரகரஸுஷமாம் காந்திபி⁴ஸ்திர்ஜயந்தீ கல்யாணானாமுத³யஸரணி: கல்பவல்லீ கவீனாம் । கந்த³ர்பாரே: ப்ரியஸஹசரீ கல்மஷாணாம் நிஹந்த்ரீ காஞ்சீதே³ஶம் திலகயதி ஸா காபி காருண்யஸீமா ॥62॥

ஊரீகுர்வன்னுரஸிஜதடே சாதுரீம் பூ⁴த⁴ராணாம் பாதோ²ஜானாம் நயனயுக³லே பரிபந்த்²யம் விதன்வன் । கம்பாதீரே விஹரதி ருசா மோக⁴யன்மேக⁴ஶைலீம் கோகத்³வேஷம் ஶிரஸி கலயன்கோபி வித்³யாவிஶேஷ: ॥63॥

காஞ்சீலீலாபரிசயவதீ காபி தாபிச்ச²லக்ஷ்மீ: ஜாட்³யாரண்யே ஹுதவஹஶிகா² ஜன்மபூ⁴மி: க்ருபாயா: । மாகந்த³ஶ்ரீர்மது⁴ரகவிதாசாதுரீ கோகிலானாம் மார்கே³ பூ⁴யான்மம நயனயோர்மான்மதீ² காபி வித்³யா ॥64॥

ஸேதுர்மாதர்மரதகமயோ ப⁴க்திபா⁴ஜாம் ப⁴வாப்³தௌ⁴ லீலாலோலா குவலயமயீ மான்மதீ² வைஜயந்தீ । காஞ்சீபூ⁴ஷா பஶுபதித்³ருஶாம் காபி காலாஞ்ஜனாலீ மத்கம் து³:க²ம் ஶிதி²லயது தே மஞ்ஜுலாபாங்க³மாலா ॥65॥

வ்யாவ்ருண்வானா: குவலயத³லப்ரக்ரியாவைரமுத்³ராம் வ்யாகுர்வாணா மனஸிஜமஹாராஜஸாம்ராஜ்யலக்ஷ்மீம் । காஞ்சீலீலாவிஹ்ருதிரஸிகே காங்க்ஷிதம் ந: க்ரியாஸு: ப³ந்த⁴ச்சே²தே³ தவ நியமினாம் ப³த்³த⁴தீ³க்ஷா: கடாக்ஷா: ॥66॥

காலாம்போ⁴தே³ ஶஶிருசி த³லம் கைதகம் த³ர்ஶயந்தீ மத்⁴யேஸௌதா³மினி மது⁴லிஹாம் மாலிகாம் ராஜயந்தீ । ஹம்ஸாராவம் விகசகமலே மஞ்ஜுமுல்லாஸயந்தீ கம்பாதீரே விலஸதி நவா காபி காருண்யலக்ஷ்மீ: ॥67॥

சித்ரம் சித்ரம் நிஜம்ருது³தயா ப⁴ர்த்ஸயன்பல்லவாலீம் பும்ஸாம் காமான்பு⁴வி ச நியதம் பூரயன்புண்யபா⁴ஜாம் । ஜாத: ஶைலான்ன து ஜலனிதே⁴: ஸ்வைரஸஞ்சாரஶீல: காஞ்சீபூ⁴ஷா கலயது ஶிவம் கோபி சிந்தாமணிர்மே ॥68॥

தாம்ராம்போ⁴ஜம் ஜலத³னிகடே தத்ர ப³ந்தூ⁴கபுஷ்பம் தஸ்மின்மல்லீகுஸுமஸுஷமாம் தத்ர வீணானினாத³ம் । வ்யாவ்ருன்வானா ஸுக்ருதலஹரீ காபி காஞ்சினக³ர்யாம் ஐஶானீ ஸா கலயதிதராமைந்த்³ரஜாலம் விலாஸம் ॥69॥

ஆஹாராம்ஶம் த்ரித³ஶஸத³ஸாமாஶ்ரயே சாதகானாம் ஆகாஶோபர்யபி ச கலயன்னாலயம் துங்க³மேஷாம் । கம்பாதீரே விஹரதிதராம் காமதே⁴னு: கவீனாம் மந்த³ஸ்மேரோ மத³னனிக³மப்ரக்ரியாஸம்ப்ரதா³ய: ॥7௦॥

ஆர்த்³ரீபூ⁴தைரவிரலக்ருபைராத்தலீலாவிலாஸை: ஆஸ்தா²பூர்ணைரதி⁴கசபலைரஞ்சிதாம்போ⁴ஜஶில்பை: । காந்தைர்லக்ஷ்மீலலிதப⁴வனை: காந்திகைவல்யஸாரை: காஶ்மல்யம் ந: கப³லயது ஸா காமகோடீ கடாக்ஷை: ॥71॥

ஆதூ⁴ன்வந்த்யை தரலனயனைராங்கஜ³ீம் வைஜயந்தீம் ஆனந்தி³ன்யை நிஜபதஜ³ுஷாமாத்தகாஞ்சீபுராயை । ஆஸ்மாகீனம் ஹ்ருத³யமகி²லைராக³மானாம் ப்ரபஞ்சை: ஆராத்⁴யாயை ஸ்ப்ருஹயதிதராமதி³மாயை ஜனன்யை ॥72॥

தூ³ரம் வாசாம் த்ரித³ஶஸத³ஸாம் து³:க²ஸிந்தோ⁴ஸ்தரித்ரம் மோஹக்ஷ்வேலக்ஷிதிருஹவனே க்ரூரதா⁴ரம் குடா²ரம் । கம்பாதீரப்ரணயி கவிபி⁴ர்வர்ணிதோத்³யச்சரித்ரம் ஶாந்த்யை ஸேவே ஸகலவிபதா³ம் ஶாங்கரம் தத்கலத்ரம் ॥73॥

க²ண்டீ³க்ருத்ய ப்ரக்ருதிகுடிலம் கல்மஷம் ப்ராதிப⁴ஶ்ரீ- ஶுண்டீ³ரத்வம் நிஜபதஜ³ுஷாம் ஶூன்யதந்த்³ரம் தி³ஶந்தீ । துண்டீ³ராக்²யை மஹதி விஷயே ஸ்வர்ணவ்ருஷ்டிப்ரதா³த்ரீ சண்டீ³ தே³வீ கலயதி ரதிம் சந்த்³ரசூடா³லசூடே³ ॥74॥

யேன க்²யாதோ ப⁴வதி ஸ க்³ருஹீ பூருஷோ மேருத⁴ன்வா யத்³த்³ருக்கோணே மத³னனிக³மப்ராப⁴வம் போ³ப⁴வீதி । யத்ப்ரீத்யைவ த்ரிஜக³த³தி⁴போ ஜ்ரும்ப⁴தே கிம்பசான: கம்பாதீரே ஸ ஜயதி மஹான்கஶ்சிதோ³ஜோவிஶேஷ: ॥75॥

த⁴ன்யா த⁴ன்யா க³திரிஹ கி³ராம் தே³வி காமாக்ஷி யன்மே நிந்த்³யாம் பி⁴ந்த்³யாத்ஸபதி³ ஜட³தாம் கல்மஷாது³ன்மிஷந்தீம் । ஸாத்⁴வீ மாத்⁴வீரஸமது⁴ரதாப⁴ஞ்ஜினீ மஞ்ஜுரீதி: வாணீவேணீ ஜ²டிதி வ்ருணுதாத்ஸ்வர்து⁴னீஸ்பர்தி⁴னீ மாம் ॥76॥

யஸ்யா வாடீ ஹ்ருத³யகமலம் கௌஸுமீ யோக³பா⁴ஜாம் யஸ்யா: பீடீ² ஸததஶிஶிரா ஶீகரைர்மாகரந்தை³: । யஸ்யா: பேடீ ஶ்ருதிபரிசலன்மௌலிரத்னஸ்ய காஞ்சீ ஸா மே ஸோமாப⁴ரணமஹிஷீ ஸாத⁴யேத்காங்க்ஷிதானி ॥77॥

ஏகா மாதா ஸகலஜக³தாமீயுஷீ த்⁴யானமுத்³ராம் ஏகாம்ராதீ⁴ஶ்வரசரணயோரேகதானாம் ஸமிந்தே⁴ । தாடங்கோத்³யன்மணிக³ணருசா தாம்ரகர்ணப்ரதே³ஶா தாருண்யஶ்ரீஸ்தப³கிததனுஸ்தாபஸீ காபி பா³லா ॥78॥

த³ந்தாத³ந்திப்ரகடனகரீ த³ந்திபி⁴ர்மந்த³யானை: மந்தா³ராணாம் மத³பரிணதிம் மத்²னதீ மந்த³ஹாஸை: । அங்கூராப்⁴யாம் மனஸிஜதரோரங்கிதோரா: குசாப்⁴யா- மந்த:காஞ்சி ஸ்பு²ரதி ஜக³தாமாதி³மா காபி மாதா ॥79॥

த்ரியம்ப³ககுடும்பி³னீம் த்ரிபுரஸுந்த³ரீமிந்தி³ராம் புலிந்த³பதிஸுந்த³ரீம் த்ரிபுரபை⁴ரவீம் பா⁴ரதீம் । மதங்க³குலனாயிகாம் மஹிஷமர்த³னீம் மாத்ருகாம் ப⁴ணந்தி விபு³தோ⁴த்தமா விஹ்ருதிமேவ காமாக்ஷி தே ॥8௦॥

மஹாமுனிமனோனடீ மஹிதரம்யகம்பாதடீ- குடீரகவிஹாரிணீ குடிலபோ³த⁴ஸம்ஹாரிணீ । ஸதா³ ப⁴வது காமினீ ஸகலதே³ஹினாம் ஸ்வாமினீ க்ருபாதிஶயகிங்கரீ மம விபூ⁴தயே ஶாங்கரீ ॥81॥

ஜடா³: ப்ரக்ருதினிர்த⁴னா ஜனவிலோசனாருந்துதா³ நரா ஜனனி வீக்ஷணம் க்ஷணமவாப்ய காமாக்ஷி தே । வசஸ்ஸு மது⁴மாது⁴ரீம் ப்ரகடயந்தி பௌரந்த³ரீ- விபூ⁴திஷு விட³ம்ப³னாம் வபுஷி மான்மதீ²ம் ப்ரக்ரியாம் ॥82॥

க⁴ன்ஸதனதடஸ்பு²டஸ்பு²ரிதகஞ்சுலீசஞ்சலீ- க்ருதத்ரிபுரஶாஸனா ஸுஜனஶீலிதோபாஸனா । த்³ருஶோ: ஸரணிமஶ்னுதே மம கதா³ நு காஞ்சீபுரே பரா பரமயோகி³னாம் மனஸி சித்குலா புஷ்கலா ॥83॥

கவீந்த்³ரஹ்ருத³யேசரீ பரிக்³ருஹீதகாஞ்சீபுரீ நிரூட⁴கருணாஜ²ரீ நிகி²லலோகரக்ஷாகரீ । மன:பத²த³வீயஸீ மத³னஶாஸனப்ரேயஸீ மஹாகு³ணக³ரீயஸீ மம த்³ருஶோஸ்து நேதீ³யஸீ ॥84॥

த⁴னேன ந ரமாமஹே க²லஜனான்ன ஸேவாமஹே ந சாபலமயாமஹே ப⁴வப⁴யான்ன தூ³யாமஹே । ஸ்தி²ராம் தனுமஹேதராம் மனஸி கிம் ச காஞ்சீரத- ஸ்மராந்தககுடும்பி³னீசரணபல்லவோபாஸனாம் ॥85॥

ஸுரா: பரிஜனா வபுர்மனஸிஜாய வைராயதே த்ரிவிஷ்டபனிதம்பி³னீகுசதடீ ச கேலீகி³ரி: । கி³ர: ஸுரப⁴யோ வயஸ்தருணிமா த³ரித்³ரஸ்ய வா கடாக்ஷஸரணௌ க்ஷணம் நிபதிதஸ்ய காமாக்ஷி தே ॥86॥

பவித்ரய ஜக³த்த்ரயீவிபு³த⁴போ³தஜ⁴ீவாதுபி⁴: புரத்ரயவிமர்தி³ன: புலககஞ்சுலீதா³யிபி⁴: । ப⁴வக்ஷயவிசக்ஷணைர்வ்யஸனமோக்ஷணைர்வீக்ஷணை: நிரக்ஷரஶிரோமணிம் கருணயைவ காமாக்ஷி மாம் ॥87॥

கதா³ கலிதகே²லனா: கருணயைவ காஞ்சீபுரே கலாயமுகுலத்விஷ: ஶுப⁴கத³ம்ப³பூர்ணாங்குரா: । பயோத⁴ரப⁴ராலஸா: கவிஜனேஷு தே ப³ந்து⁴ரா: பசேலிமக்ருபாரஸா பரிபதந்தி மார்கே³ த்³ருஶோ: ॥88॥

அஶோத்⁴யமசலோத்³ப⁴வம் ஹ்ருத³யனந்த³னம் தே³ஹினாம் அனர்க⁴மதி⁴காஞ்சி தத்கிமபி ரத்னமுத்³த்³யோததே । அனேன ஸமலங்க்ருதா ஜயதி ஶங்கராங்கஸ்த²லீ கதா³ஸ்ய மம மானஸம் வ்ரஜதி பேடிகாவிப்⁴ரமம் ॥89॥

பராம்ருதஜ²ரீப்லுதா ஜயதி நித்யமந்தஶ்சரீ பு⁴வாமபி ப³ஹிஶ்சரீ பரமஸம்விதே³காத்மிகா । மஹத்³பி⁴ரபரோக்ஷிதா ஸததமேவ காஞ்சீபுரே மமான்வஹமஹம்மதிர்மனஸி பா⁴து மாஹேஶ்வரீ ॥9௦॥

தமோவிபினதா⁴வினம் ஸததமேவ காஞ்சீபுரே விஹாரரஸிகா பரா பரமஸம்விது³ர்வீருஹே । கடாக்ஷனிக³லைர்த்³ருட⁴ம் ஹ்ருத³யது³ஷ்டத³ந்தாவலம் சிரம் நயது மாமகம் த்ரிபுரவைரிஸீமந்தினீ ॥91॥

த்வமேவ ஸதி சண்டி³கா த்வமஸி தே³வி சாமுண்டி³கா த்வமேவ பரமாத்ருகா த்வமபி யோகி³னீரூபிணீ । த்வமேவ கில ஶாம்ப⁴வீ த்வமஸி காமகோடீ ஜயா த்வமேவ விஜயா த்வயி த்ரிஜக³த³ம்ப³ கிம் ப்³ரூமஹே ॥92॥

பரே ஜனனி பார்வதி ப்ரணதபாலினி ப்ராதிப-⁴ ப்ரதா³த்ரி பரமேஶ்வரி த்ரிஜக³தா³ஶ்ரிதே ஶாஶ்வதே । த்ரியம்ப³ககுடும்பி³னி த்ரிபத³ஸங்கி³னி த்ரீக்ஷணே த்ரிஶக்திமயி வீக்ஷணம் மயி நிதே⁴ஹி காமாக்ஷி தே ॥93॥

மனோமது⁴கரோத்ஸவம் வித³த⁴தீ மனீஷாஜுஷாம் ஸ்வயம்ப்ரப⁴வவைக²ரீவிபினவீதி²காலம்பி³னீ । அஹோ ஶிஶிரிதா க்ருபாமது⁴ரஸேன கம்பாதடே சராசரவிதா⁴யினீ சலதி காபி சின்மஞ்ஜரீ ॥94॥

கலாவதி கலாப்⁴ருதோ முகுடஸீம்னி லீலாவதி ஸ்ப்ருஹாவதி மஹேஶ்வரே பு⁴வனமோஹனே பா⁴ஸ்வதி । ப்ரபா⁴வதி ரமே ஸதா³ மஹிதரூபஶோபா⁴வதி த்வராவதி பரே ஸதாம் கு³ருக்ருபாம்பு³தா⁴ராவதி ॥95॥

த்வயைவ ஜக³த³ம்ப³யா பு⁴வனமண்ட³லம் ஸூயதே த்வயைவ கருணார்த்³ரயா தத³பி ரக்ஷணம் நீயதே । த்வயைவ க²ரகோபயா நயனபாவகே ஹூயதே த்வயைவ கில நித்யயா ஜக³தி ஸந்ததம் ஸ்தீ²யதே ॥96॥

சராசரஜக³ன்மயீம் ஸகலஹ்ருன்மயீம் சின்மயீம் கு³ணத்ரயமயீம் ஜக³த்த்ரயமயீம் த்ரிதா⁴மாமயீம் । பராபரமயீம் ஸதா³ த³ஶதி³ஶாம் நிஶாஹர்மயீம் பராம் ஸததஸன்மயீம் மனஸி சின்மயீம் ஶீலயே ॥97॥

ஜய ஜக³த³ம்பி³கே ஹரகுடும்பி³னி வக்த்ரருசா ஜிதஶரத³ம்பு³ஜே க⁴னவிட³ம்பி³னி கேஶருசா । பரமவலம்ப³னம் குரு ஸதா³ பரரூபத⁴ரே மம க³தஸம்விதோ³ ஜடி³மட³ம்ப³ரதாண்ட³வின: ॥98॥

பு⁴வனஜனனி பூ⁴ஷாபூ⁴தசந்த்³ரே நமஸ்தே கலுஷஶமனி கம்பாதீரகே³ஹே நமஸ்தே । நிகி²லனிக³மவேத்³யே நித்யரூபே நமஸ்தே பரஶிவமயி பாஶச்சே²த³ஹஸ்தே நமஸ்தே ॥99॥

க்வணத்காஞ்சீ காஞ்சீபுரமணிவிபஞ்சீலயஜ²ரீ- ஶிர:கம்பா கம்பாவஸதிரனுகம்பாஜலனிதி⁴: । க⁴னஶ்யாமா ஶ்யாமா கடி²னகுசஸீமா மனஸி மே ம்ருகா³க்ஷீ காமாக்ஷீ ஹரனடனஸாக்ஷீ விஹரதாத் ॥1௦௦॥

ஸமரவிஜயகோடீ ஸாத⁴கானந்த³தா⁴டீ ம்ருது³கு³ணபரிபேடீ முக்²யகாத³ம்ப³வாடீ । முனினுதபரிபாடீ மோஹிதாஜாண்ட³கோடீ பரமஶிவவதூ⁴டீ பாது மாம் காமகோடீ ॥1௦1॥

இமம் பரவரப்ரத³ம் ப்ரக்ருதிபேஶலம் பாவனம் பராபரசிதா³க்ருதிப்ரகடனப்ரதீ³பாயிதம் । ஸ்தவம் பட²தி நித்யதா³ மனஸி பா⁴வயன்னம்பி³காம் ஜபைரலமலம் மகை²ரதி⁴கதே³ஹஸம்ஶோஷணை: ॥1௦2॥

॥ இதி ஸ்துதிஶதகம் ஸம்பூர்ணம் ॥

Browse Related Categories: