Vishnu · Traditional devotional text · Source: vignanam.org (Traditional devotional text (public-domain shlokas))
যত্সেবনেন পিতৃমাতৃসহোদরাণাং চিত্তং ন মোহমহিমা মলিনং করোতি । ইত্থং সমীক্ষ্য় তব ভক্তজনান্মুরারে মূকোঽস্মি তেঽংঘ্রিকমলং তদতীব ধন্যম্ ॥ 1 ॥
যে যে বিলগ্নমনসঃ সুখমাপ্তুকামাঃ তে তে ভবংতি জগদুদ্ভবমোহশূন্য়াঃ । দৃষ্ট্বা বিনষ্টধনধান্যগৃহান্মুরারে মূকোঽস্মি তেঽংঘ্রিকমলং তদতীব ধন্যম্ ॥ 2 ॥
বস্ত্রাণি দিগ্বলযমাবসতিঃ শ্মশানে পাত্রং কপালমপি মুংডবিভূষণানি । রুদ্রে প্রসাদমচলং তব বীক্ষ্য় শৌরে মূকোঽস্মি তেঽংঘ্রিকমলং তদতীব ধন্যম্ ॥ 3 ॥
যত্কীর্তিগাযনপরস্য় বিধাতৃসূনোঃ কৌপীনমৈণমজিনং বিপুলাং বিভূতিম্ । স্বস্য়ার্থ দিগ্ভ্রমণমীক্ষ্য় তু সার্বকালং মূকোঽস্মি তেঽংঘ্রিকমলং তদতীব ধন্যম্ ॥ 4 ॥
যদ্বীক্ষণে ধৃতধিয়ামশনং ফলাদি বাসোঽপি নির্জিনবনে গিরিকংদরাসু । বাসাংসি বল্কলময়ানি বিলোক্য় চৈবং মূকোঽস্মি তেঽংঘ্রিকমলং তদতীব ধন্যম্ ॥ 5 ॥
স্তোত্রং পাদাংবুজস্য়ৈতচ্ছ্রীশস্য় বিজিতেংদ্রিয়ঃ । পঠিত্বা তত্পদং যাতি শ্লোকার্থজ্ঞস্তু যো নরঃ ॥ 6 ॥
ইতি মুরারি পংচরত্নম্ ।
Browse Related Categories:
Offered for worship and study, not as prediction. Non-commercial.
More devotional texts