Vishnu · Traditional devotional text · Source: vignanam.org (Traditional devotional text (public-domain shlokas))
prāchētasastu bhagavannaparō hi dakṣa- stvatsēvanaṃ vyadhita sargavivṛddhikāmaḥ । āvirbabhūvitha tadā lasadaṣṭabāhu- stasmai varaṃ daditha tāṃ cha vadhūmasiknīm ॥1॥
tasyātmajāstvayutamīśa punassahasraṃ śrīnāradasya vachasā tava mārgamāpuḥ । naikatravāsamṛṣayē sa mumōcha śāpaṃ bhaktōttamastvṛṣiranugrahamēva mēnē ॥2॥
Offered for worship and study, not as prediction. Non-commercial.
More devotional texts
ṣaṣṭyā tatō duhitṛbhiḥ sṛjataḥ kulaughān dauhitrasūnuratha tasya sa viśvarūpaḥ । tvatstōtravarmitamajāpayadindramājau dēva tvadīyamahimā khalu sarvajaitraḥ ॥3॥
prākśūrasēnaviṣayē kila chitrakētuḥ putrāgrahī nṛpatiraṅgirasaḥ prabhāvāt । labdhvaikaputramatha tatra hatē sapatnī- saṅghairamuhyadavaśastava māyayāsau ॥4॥
taṃ nāradastu samamaṅgirasā dayāluḥ samprāpya tāvadupadarśya sutasya jīvam । kasyāsmi putra iti tasya girā vimōhaṃ tyaktvā tvadarchanavidhau nṛpatiṃ nyayuṅkta ॥5॥
stōtraṃ cha mantramapi nāradatō'tha labdhvā tōṣāya śēṣavapuṣō nanu tē tapasyan । vidyādharādhipatitāṃ sa hi saptarātrē labdhvāpyakuṇṭhamatiranvabhajadbhavantam ॥6॥
tasmai mṛṇāladhavalēna sahasraśīrṣṇā rūpēṇa baddhanutisiddhagaṇāvṛtēna । prādurbhavannachiratō nutibhiḥ prasannō datvā''tmatattvamanugṛhya tirōdadhātha ॥7॥
tvadbhaktamauliratha sō'pi cha lakṣalakṣaṃ varṣāṇi harṣulamanā bhuvanēṣu kāmam । saṅgāpayan guṇagaṇaṃ tava sundarībhiḥ saṅgātirēkarahitō lalitaṃ chachāra ॥8॥
atyantasaṅgavilayāya bhavatpraṇunnō nūnaṃ sa rūpyagirimāpya mahatsamājē । niśśaṅkamaṅkakṛtavallabhamaṅgajāriṃ taṃ śaṅkaraṃ parihasannumayābhiśēpē ॥9॥
nissambhramastvayamayāchitaśāpamōkṣō vṛtrāsuratvamupagamya surēndrayōdhī । bhaktyātmatattvakathanaiḥ samarē vichitraṃ śatrōrapi bhramamapāsya gataḥ padaṃ tē ॥10॥
tvatsēvanēna ditirindravadhōdyatā'pi tānpratyutēndrasuhṛdō marutō'bhilēbhē । duṣṭāśayē'pi śubhadaiva bhavanniṣēvā tattādṛśastvamava māṃ pavanālayēśa ॥11॥
Browse Related Categories: