Vishnu · Traditional devotional text · Source: vignanam.org (Traditional devotional text (public-domain shlokas))
ভবংতমযমুদ্বহন্ যদুকুলোদ্বহো নিস্সরন্ দদর্শ গগনোচ্চলজ্জলভরাং কলিংদাত্মজাম্ । অহো সলিলসংচয়ঃ স পুনরৈংদ্রজালোদিতো জলৌঘ ইব তত্ক্ষণাত্ প্রপদমেযতামাযয়ৌ ॥1॥
প্রসুপ্তপশুপালিকাং নিভৃতমারুদদ্বালিকা- মপাবৃতকবাটিকাং পশুপবাটিকামাবিশন্ । ভবংতমযমর্পযন্ প্রসবতল্পকে তত্পদা- দ্বহন্ কপটকন্যকাং স্বপুরমাগতো বেগতঃ ॥2॥
Offered for worship and study, not as prediction. Non-commercial.
More devotional texts
ততস্ত্বদনুজারবক্ষপিতনিদ্রবেগদ্রবদ্- ভটোত্করনিবেদিতপ্রসববার্তয়ৈবার্তিমান্ । বিমুক্তচিকুরোত্করস্ত্বরিতমাপতন্ ভোজরা- ডতুষ্ট ইব দৃষ্টবান্ ভগিনিকাকরে কন্যকাম্ ॥3॥
ধ্রুবং কপটশালিনো মধুহরস্য় মায়া ভবে- দসাবিতি কিশোরিকাং ভগিনিকাকরালিংগিতাম্ । দ্বিপো নলিনিকাংতরাদিব মৃণালিকামাক্ষিপ- ন্নয়ং ত্বদনুজামজামুপলপট্টকে পিষ্টবান্ ॥4॥
ততঃ ভবদুপাসকো ঝটিতি মৃত্য়ুপাশাদিব প্রমুচ্য় তরসৈব সা সমধিরূঢরূপাংতরা । অধস্তলমজগ্মুষী বিকসদষ্টবাহুস্ফুর- ন্মহায়ুধমহো গতা কিল বিহাযসা দিদ্য়ুতে ॥5॥
নৃশংসতর কংস তে কিমু ময়া বিনিষ্পিষ্টয়া বভূব ভবদংতকঃ ক্বচন চিংত্যতাং তে হিতম্ । ইতি ত্বদনুজা বিভো খলমুদীর্য় তং জগ্মুষী মরুদ্গণপণায়িতা ভুবি চ মংদিরাণ্য়েয়ুষী ॥6॥
প্রগে পুনরগাত্মজাবচনমীরিতা ভূভুজা প্রলংববকপূতনাপ্রমুখদানবা মানিনঃ । ভবন্নিধনকাম্যয়া জগতি বভ্রমুর্নির্ভয়াঃ কুমারকবিমারকাঃ কিমিব দুষ্করং নিষ্কৃপৈঃ ॥7॥
ততঃ পশুপমংদিরে ত্বয়ি মুকুংদ নংদপ্রিয়া- প্রসূতিশযনেশয়ে রুদতি কিংচিদংচত্পদে । বিবুধ্য় বনিতাজনৈস্তনযসংভবে ঘোষিতে মুদা কিমু বদাম্যহো সকলমাকুলং গোকুলম্ ॥8॥
অহো খলু যশোদয়া নবকলাযচেতোহরং ভবংতমলমংতিকে প্রথমমাপিবংত্য়া দৃশা । পুনঃ স্তনভরং নিজং সপদি পাযয়ংত্য়া মুদা মনোহরতনুস্পৃশা জগতি পুণ্যবংতো জিতাঃ ॥9॥
ভবত্কুশলকাম্যয়া স খলু নংদগোপস্তদা প্রমোদভরসংকুলো দ্বিজকুলায় কিন্নাদদাত্ । তথৈব পশুপালকাঃ কিমু ন মংগলং তেনিরে জগত্ত্রিতযমংগল ত্বমিহ পাহি মামাময়াত্ ॥10॥
Browse Related Categories: