Vishnu · Traditional devotional text · Source: vignanam.org (Traditional devotional text (public-domain shlokas))
രുചിരകംപിതകുംഡലമംഡലഃ സുചിരമീശ നനര്തിഥ പന്നഗേ । അമരതാഡിതദുംദുഭിസുംദരം വിയതി ഗായതി ദൈവതയൌവതേ ॥1॥
നമതി യദ്യദമുഷ്യ ശിരോ ഹരേ പരിവിഹായ തദുന്നതമുന്നതമ് । പരിമഥന് പദപംകരുഹാ ചിരം വ്യഹരഥാഃ കരതാലമനോഹരമ് ॥2॥
Offered for worship and study, not as prediction. Non-commercial.
More devotional texts
ത്വദവഭഗ്നവിഭുഗ്നഫണാഗണേ ഗലിതശോണിതശോണിതപാഥസി । ഫണിപതാവവസീദതി സന്നതാസ്തദബലാസ്തവ മാധവ പാദയോഃ ॥3॥
അയി പുരൈവ ചിരായ പരിശ്രുതത്വദനുഭാവവിലീനഹൃദോ ഹി താഃ । മുനിഭിരപ്യനവാപ്യപഥൈഃ സ്തവൈര്നുനുവുരീശ ഭവംതമയംത്രിതമ് ॥4॥
ഫണിവധൂഗണഭക്തിവിലോകനപ്രവികസത്കരുണാകുലചേതസാ । ഫണിപതിര്ഭവതാഽച്യുത ജീവിതസ്ത്വയി സമര്പിതമൂര്തിരവാനമത് ॥5॥
രമണകം വ്രജ വാരിധിമധ്യഗം ഫണിരിപുര്ന കരോതി വിരോധിതാമ് । ഇതി ഭവദ്വചനാന്യതിമാനയന് ഫണിപതിര്നിരഗാദുരഗൈഃ സമമ് ॥6॥
ഫണിവധൂജനദത്തമണിവ്രജജ്വലിതഹാരദുകൂലവിഭൂഷിതഃ । തടഗതൈഃ പ്രമദാശ്രുവിമിശ്രിതൈഃ സമഗഥാഃ സ്വജനൈര്ദിവസാവധൌ ॥7॥
നിശി പുനസ്തമസാ വ്രജമംദിരം വ്രജിതുമക്ഷമ ഏവ ജനോത്കരേ । സ്വപതി തത്ര ഭവച്ചരണാശ്രയേ ദവകൃശാനുരരുംധ സമംതതഃ ॥8॥
പ്രബുധിതാനഥ പാലയ പാലയേത്യുദയദാര്തരവാന് പശുപാലകാന് । അവിതുമാശു പപാഥ മഹാനലം കിമിഹ ചിത്രമയം ഖലു തേ മുഖമ് ॥9॥
ശിഖിനി വര്ണത ഏവ ഹി പീതതാ പരിലസത്യധുനാ ക്രിയയാഽപ്യസൌ । ഇതി നുതഃ പശുപൈര്മുദിതൈർവിഭോ ഹര ഹരേ ദുരിതൈഃസഹ മേ ഗദാന് ॥10॥
Browse Related Categories: