Vishnu · Traditional devotional text · Source: vignanam.org (Traditional devotional text (public-domain shlokas))
ദദൃശിരേ കില തത്ക്ഷണമക്ഷത- സ്തനിതജൃംഭിതകംപിതദിക്തടാഃ । സുഷമയാ ഭവദംഗതുലാം ഗതാ വ്രജപദോപരി വാരിധരാസ്ത്വയാ ॥1॥
വിപുലകരകമിശ്രൈസ്തോയധാരാനിപാതൈ- ര്ദിശിദിശി പശുപാനാം മംഡലേ ദംഡ്യമാനേ । കുപിതഹരികൃതാന്നഃ പാഹി പാഹീതി തേഷാം വചനമജിത ശ്രൃണ്വന് മാ ബിഭീതേത്യഭാണീഃ ॥2॥
കുല ഇഹ ഖലു ഗോത്രോ ദൈവതം ഗോത്രശത്രോ- ർവിഹതിമിഹ സ രുംധ്യാത് കോ നു വഃ സംശയോഽസ്മിന് । ഇതി സഹസിതവാദീ ദേവ ഗോവര്ദ്ധനാദ്രിം ത്വരിതമുദമുമൂലോ മൂലതോ ബാലദോര്ഭ്യാമ് ॥3॥
തദനു ഗിരിവരസ്യ പ്രോദ്ധൃതസ്യാസ്യ താവത് സികതിലമൃദുദേശേ ദൂരതോ വാരിതാപേ । പരികരപരിമിശ്രാന് ധേനുഗോപാനധസ്താ- ദുപനിദധദധത്ഥാ ഹസ്തപദ്മേന ശൈലമ് ॥4॥
ഭവതി വിധൃതശൈലേ ബാലികാഭിർവയസ്യൈ- രപി വിഹിതവിലാസം കേലിലാപാദിലോലേ । സവിധമിലിതധേനൂരേകഹസ്തേന കംഡൂ- യതി സതി പശുപാലാസ്തോഷമൈഷംത സർവേ ॥5॥
അതിമഹാന് ഗിരിരേഷ തു വാമകേ കരസരോരുഹി തം ധരതേ ചിരമ് । കിമിദമദ്ഭുതമദ്രിബലം ന്വിതി ത്വദവലോകിഭിരാകഥി ഗോപകൈഃ ॥6॥
അഹഹ ധാര്ഷ്ട്യമമുഷ്യ വടോര്ഗിരിം വ്യഥിതബാഹുരസാവവരോപയേത് । ഇതി ഹരിസ്ത്വയി ബദ്ധവിഗര്ഹണോ ദിവസസപ്തകമുഗ്രമവര്ഷയത് ॥7॥
അചലതി ത്വയി ദേവ പദാത് പദം ഗലിതസർവജലേ ച ഘനോത്കരേ । അപഹൃതേ മരുതാ മരുതാം പതി- സ്ത്വദഭിശംകിതധീഃ സമുപാദ്രവത് ॥8॥
Offered for worship and study, not as prediction. Non-commercial.
More devotional texts
ശമമുപേയുഷി വര്ഷഭരേ തദാ പശുപധേനുകുലേ ച വിനിര്ഗതേ । ഭുവി വിഭോ സമുപാഹിതഭൂധരഃ പ്രമുദിതൈഃ പശുപൈഃ പരിരേഭിഷേ ॥9॥
ധരണിമേവ പുരാ ധൃതവാനസി ക്ഷിതിധരോദ്ധരണേ തവ കഃ ശ്രമഃ । ഇതി നുതസ്ത്രിദശൈഃ കമലാപതേ ഗുരുപുരാലയ പാലയ മാം ഗദാത് ॥10॥
Browse Related Categories: