Vishnu · Traditional devotional text · Source: vignanam.org (Traditional devotional text (public-domain shlokas))
തവ വിലോകനാദ്ഗോപികാജനാഃ പ്രമദസംകുലാഃ പംകജേക്ഷണ । അമൃതധാരയാ സംപ്ലുതാ ഇവ സ്തിമിതതാം ദധുസ്ത്വത്പുരോഗതാഃ ॥1॥
തദനു കാചന ത്വത്കരാംബുജം സപദി ഗൃഹ്ണതീ നിർവിശംകിതമ് । ഘനപയോധരേ സന്നിധായ സാ പുലകസംവൃതാ തസ്ഥുഷീ ചിരമ് ॥2॥
തവ വിഭോഽപരാ കോമലം ഭുജം നിജഗലാംതരേ പര്യവേഷ്ടയത് । ഗലസമുദ്ഗതം പ്രാണമാരുതം പ്രതിനിരുംധതീവാതിഹര്ഷുലാ ॥3॥
അപഗതത്രപാ കാപി കാമിനീ തവ മുഖാംബുജാത് പൂഗചർവിതമ് । പ്രതിഗൃഹയ്യ തദ്വക്ത്രപംകജേ നിദധതീ ഗതാ പൂര്ണകാമതാമ് ॥4॥
വികരുണോ വനേ സംവിഹായ മാമപഗതോഽസി കാ ത്വാമിഹ സ്പൃശേത് । ഇതി സരോഷയാ താവദേകയാ സജലലോചനം വീക്ഷിതോ ഭവാന് ॥5॥
ഇതി മുദാഽഽകുലൈർവല്ലവീജനൈഃ സമമുപാഗതോ യാമുനേ തടേ । മൃദുകുചാംബരൈഃ കല്പിതാസനേ ഘുസൃണഭാസുരേ പര്യശോഭഥാഃ ॥6॥
കതിവിധാ കൃപാ കേഽപി സർവതോ ധൃതദയോദയാഃ കേചിദാശ്രിതേ । കതിചിദീദൃശാ മാദൃശേഷ്വപീത്യഭിഹിതോ ഭവാന് വല്ലവീജനൈഃ ॥7॥
അയി കുമാരികാ നൈവ ശംക്യതാം കഠിനതാ മയി പ്രേമകാതരേ । മയി തു ചേതസോ വോഽനുവൃത്തയേ കൃതമിദം മയേത്യൂചിവാന് ഭവാന് ॥8॥
Offered for worship and study, not as prediction. Non-commercial.
More devotional texts
അയി നിശമ്യതാം ജീവവല്ലഭാഃ പ്രിയതമോ ജനോ നേദൃശോ മമ । തദിഹ രമ്യതാം രമ്യയാമിനീഷ്വനുപരോധമിത്യാലപോ വിഭോ ॥9॥
ഇതി ഗിരാധികം മോദമേദുരൈർവ്രജവധൂജനൈഃ സാകമാരമന് । കലിതകൌതുകോ രാസഖേലനേ ഗുരുപുരീപതേ പാഹി മാം ഗദാത് ॥10॥
Browse Related Categories: