Narayaniyam Dashaka 77

ஸைரந்த்⁴ர்யாஸ்தத³னு சிரம் ஸ்மராதுராயா யாதோபூ⁴: ஸுலலிதமுத்³த⁴வேன ஸார்த⁴ம் । ஆவாஸம் த்வது³பக³மோத்ஸவம் ஸதை³வ த்⁴யாயந்த்யா: ப்ரதிதி³னவாஸஸஜ்ஜிகாயா: ॥1॥

உபக³தே த்வயி பூர்ணமனோரதா²ம் ப்ரமத³ஸம்ப்⁴ரமகம்ப்ரபயோத⁴ராம் । விவித⁴மானனமாத³த⁴தீம் முதா³ ரஹஸி தாம் ரமயாஞ்சக்ருஷே ஸுக²ம் ॥2॥

ப்ருஷ்டா வரம் புனரஸாவவ்ருணோத்³வராகீ பூ⁴யஸ்த்வயா ஸுரதமேவ நிஶாந்தரேஷு । ஸாயுஜ்யமஸ்த்விதி வதே³த் பு³த⁴ ஏவ காமம் ஸாமீப்யமஸ்த்வனிஶமித்யபி நாப்³ரவீத் கிம் ॥3॥

ததோ ப⁴வான் தே³வ நிஶாஸு காஸுசின்ம்ருகீ³த்³ருஶம் தாம் நிப்⁴ருதம் வினோத³யன் । அதா³து³பஶ்லோக இதி ஶ்ருதம் ஸுதம் ஸ நாரதா³த் ஸாத்த்வததந்த்ரவித்³ப³ப³பௌ⁴ ॥4॥

அக்ரூரமந்தி³ரமிதோத² ப³லோத்³த⁴வாப்⁴யா- மப்⁴யர்சிதோ ப³ஹு நுதோ முதி³தேன தேன । ஏனம் விஸ்ருஜ்ய விபினாக³தபாண்ட³வேய- வ்ருத்தம் விவேதி³த² ததா² த்⁴ருதராஷ்ட்ர்சேஷ்டாம் ॥5॥

விகா⁴தாஜ்ஜாமாது: பரமஸுஹ்ருதோ³ போ⁴ஜன்ருபதே- ர்ஜராஸந்தே⁴ ருந்த⁴த்யனவதி⁴ருஷாந்தே⁴த² மது²ராம் । ரதா²த்³யைர்த்³யோர்லப்³தை⁴: கதிபயப³லஸ்த்வம் ப³லயுத- ஸ்த்ரயோவிம்ஶத்யக்ஷௌஹிணி தது³பனீதம் ஸமஹ்ருதா²: ॥6॥

ப³த்³த⁴ம் ப³லாத³த² ப³லேன ப³லோத்தரம் த்வம் பூ⁴யோ ப³லோத்³யமரஸேன முமோசிதை²னம் । நிஶ்ஶேஷதி³க்³ஜயஸமாஹ்ருதவிஶ்வஸைன்யாத் கோன்யஸ்ததோ ஹி ப³லபௌருஷவாம்ஸ்ததா³னீம் ॥7॥

ப⁴க்³ன: ஸ லக்³னஹ்ருத³யோபி ந்ருபை: ப்ரணுன்னோ யுத்³த⁴ம் த்வயா வ்யதி⁴த ஷோட³ஶக்ருத்வ ஏவம் । அக்ஷௌஹிணீ: ஶிவ ஶிவாஸ்ய ஜக⁴ந்த² விஷ்ணோ ஸம்பூ⁴ய ஸைகனவதித்ரிஶதம் ததா³னீம் ॥8॥