Narayaniyam Dashaka 92

വേദൈസ്സർവാണി കര്മാണ്യഫലപരതയാ വര്ണിതാനീതി ബുധ്വാ താനി ത്വയ്യര്പിതാന്യേവ ഹി സമനുചരന് യാനി നൈഷ്കര്മ്യമീശ । മാ ഭൂദ്വേദൈര്നിഷിദ്ധേ കുഹചിദപി മനഃകര്മവാചാം പ്രവൃത്തി- ര്ദുർവര്ജം ചേദവാപ്തം തദപി ഖലു ഭവത്യര്പയേ ചിത്പ്രകാശേ ॥1॥

യസ്ത്വന്യഃ കര്മയോഗസ്തവ ഭജനമയസ്തത്ര ചാഭീഷ്ടമൂര്തിം ഹൃദ്യാം സത്ത്വൈകരൂപാം ദൃഷദി ഹൃദി മൃദി ക്വാപി വാ ഭാവയിത്വാ । പുഷ്പൈര്ഗംധൈര്നിവേദ്യൈരപി ച വിരചിതൈഃ ശക്തിതോ ഭക്തിപൂതൈ- ര്നിത്യം വര്യാം സപര്യാം വിദധദയി വിഭോ ത്വത്പ്രസാദം ഭജേയമ് ॥2॥

സ്ത്രീശൂദ്രാസ്ത്വത്കഥാദിശ്രവണവിരഹിതാ ആസതാം തേ ദയാര്ഹാ- സ്ത്വത്പാദാസന്നയാതാന് ദ്വിജകുലജനുഷോ ഹംത ശോചാമ്യശാംതാന് । വൃത്ത്യര്ഥം തേ യജംതോ ബഹുകഥിതമപി ത്വാമനാകര്ണയംതോ ദൃപ്താ വിദ്യാഭിജാത്യൈഃ കിമു ന വിദധതേ താദൃശം മാ കൃഥാ മാമ് ॥3॥

പാപോഽയം കൃഷ്ണരാമേത്യഭിലപതി നിജം ഗൂഹിതും ദുശ്ചരിത്രം നിര്ലജ്ജസ്യാസ്യ വാചാ ബഹുതരകഥനീയാനി മേ വിഘ്നിതാനി । ഭ്രാതാ മേ വംധ്യശീലോ ഭജതി കില സദാ വിഷ്ണുമിത്ഥം ബുധാംസ്തേ നിംദംത്യുച്ചൈര്ഹസംതി ത്വയി നിഹിതമതീംസ്താദൃശം മാ കൃഥാ മാമ് ॥4॥

ശ്വേതച്ഛായം കൃതേ ത്വാം മുനിവരവപുഷം പ്രീണയംതേ തപോഭി- സ്ത്രേതായാം സ്രുക്സ്രുവാദ്യംകിതമരുണതനും യജ്ഞരൂപം യജംതേ । സേവംതേ തംത്രമാര്ഗൈർവിലസദരിഗദം ദ്വാപരേ ശ്യാമലാംഗം നീലം സംകീര്തനാദ്യൈരിഹ കലിസമയേ മാനുഷാസ്ത്വാം ഭജംതേ ॥5॥

സോഽയം കാലേയകാലോ ജയതി മുരരിപോ യത്ര സംകീര്തനാദ്യൈ- ര്നിര്യത്നൈരേവ മാര്ഗൈരഖിലദ ന ചിരാത്ത്വത്പ്രസാദം ഭജംതേ । ജാതാസ്ത്രേതാകൃതാദാവപി ഹി കില കലൌ സംഭവം കാമയംതേ ദൈവാത്തത്രൈവ ജാതാന് വിഷയവിഷരസൈര്മാ വിഭോ വംചയാസ്മാന് ॥6॥

ഭക്താസ്താവത്കലൌ സ്യുര്ദ്രമിലഭുവി തതോ ഭൂരിശസ്തത്ര ചോച്ചൈ: കാവേരീം താമ്രപര്ണീമനു കില കൃതമാലാം ച പുണ്യാം പ്രതീചീമ് । ഹാ മാമപ്യേതദംതര്ഭവമപി ച വിഭോ കിംചിദംചദ്രസം ത്വ- യ്യാശാപാശൈര്നിബധ്യ ഭ്രമയ ന ഭഗവന് പൂരയ ത്വന്നിഷേവാമ് ॥7॥